ಪರ್ಕಳ ದೇವಸ್ಥಾನ: ಕೆರೆ ದಂಡೆ ಕುಸಿತ!

Team Udayavani, Jun 20, 2020, 5:03 AM IST

ಉಡುಪಿ: ಪರ್ಕಳದ ಮಹಾಲಿಂಗೇಶ್ವರ ಮಹಾಗಣಪತಿ ದೇವಸ್ಥಾನದ ಮುಂಭಾಗದಲ್ಲಿ ಕೆರೆಯು ಕುಸಿತಗೊಂಡಿದೆ.2017ರಲ್ಲಿ ವಿಶೇಷ ಮುತುವರ್ಜಿಯಿಂದ ಕೆರೆಗೆ ಕಾಯಕಲ್ಪ ನೀಡಲು ನೀರಾವರಿ ಇಲಾಖೆಯಿಂದ ಸುಮಾರು 60 ಲ.ರೂ. ಬಿಡುಗಡೆಗೊಂಡಿತ್ತು. ಅನಂತರ ಕಾಮಗಾರಿ ಭರದಿಂದ ಸಾಗಿ ಚುನಾವಣೆ ಬಂದ ಹಿನ್ನೆಲೆಯಲ್ಲಿ ಅರ್ಧದಲ್ಲಿ ಕಾಮಗಾರಿ ನಿಂತು ಪುನಃ 40 ಲ.ರೂ.ಗೆ ಹೆಚ್ಚುವರಿಯಾಗಿ ಹಣ ಬಿಡುಗಡೆಗೆ ಇಲಾಖೆಗೆ ಮನವಿ ಸಲ್ಲಿಸಿತ್ತು.

ಕಾಮಗಾರಿಯೂ ಪೂರ್ಣಗೊಂಡಿತ್ತು. ಆದರೆ ಈ ಬಾರಿ ಸುರಿದ ಭಾರೀ ಮಳೆಗೆ ಒಂದೆರಡು ವರ್ಷಗಳಲ್ಲಿಯೇ ಬೃಹತ್‌ ಪ್ರಮಾಣ ದಲ್ಲಿ ಕೆರೆಯ ಒಂದು ಭಾಗ ಪೂರ್ಣ ಪ್ರಮಾಣದಲ್ಲಿ ಕುಸಿದಿದೆ.

ಸಾರ್ವಜನಿಕರು ಕೆರೆಗೆ ಇಳಿಯುವಾಗ ಜಾಗ್ರತೆ ವಹಿಸಬೇಕಾದ ಪ್ರಸಂಗ ಉದ್ಭವಿಸಬಹುದು. ಮುಂದೆ ಕೆರೆಯ ಇನ್ನೊಂದು ಬದಿಯಲ್ಲಿ ಕುಸಿತ ಕಾಣುವ ಮೊದಲು ಕಾಮಗಾರಿ ಗುಣಮಟ್ಟ ಪರಿಶೀಲನೆ ಕಾರ್ಯ ಆಗಬೇಕು ಎಂದು ಸ್ಥಳೀಯರು ಆಗ್ರಹಿಸಿದ್ದಾರೆ.