ಇಎನ್‌ಟಿ ತಜ್ಞ ಡಾ| ಶಶಾಂಕ್‌ ಕೋಟ್ಯಾನ್‌ ಸೇವೆಗೆ ಲಭ್ಯ

Team Udayavani, Apr 16, 2022, 11:11 AM IST

ಉಡುಪಿ: ಆರೋಗ್ಯ ಸೇವೆಯಲ್ಲಿ ವಿಶೇಷ ಪರಿಣಿತ ತಜ್ಞ ವೈದ್ಯರನ್ನು ಹೊಂದಿದ ಉಡುಪಿಯ ಹೈಟೆಕ್‌ ಮೆಡಿಕೇರ್‌ ಆಸ್ಪತ್ರೆಯು ವಿವಿಧ ಸ್ಪೆಶಾಲಿಟಿ ಚಿಕಿತ್ಸಾ ವಿಭಾಗಳನ್ನು ಹೊಂದಿದೆ. ಇದೀಗ ಪ್ರಸಿದ್ಧ ಕಿವಿ, ಮೂಗು, ಗಂಟಲು (ಇಎನ್‌ಟಿ) ತಜ್ಞ ಡಾ| ಶಶಾಂಕ್‌ ಕೋಟ್ಯಾನ್‌ ಅವರು ಹೊರರೋಗಿ ವಿಭಾಗ ಹಾಗೂ ತುರ್ತು ಚಿಕಿತ್ಸಾ ವಿಭಾಗದ ಸೇವೆಯಲ್ಲಿ ಲಭ್ಯರಿರಲಿದ್ದಾರೆ.

ತಲೆ ಮತ್ತು ಗಂಟಲು ಬಗ್ಗೆ ವಿಶೇಷ ಪರಿಣತಿ ಹೊಂದಿರುವ ಡಾ| ಶಶಾಂಕ್‌ ಅವರು ಕಿವಿಯ ಅತೀಸೂಕ್ಷ್ಮ ಸರ್ಜರಿ, ಮೂಗಿನ ವಿರೂಪತೆಯ ತಿದ್ದುಪಡಿ, ಅಲರ್ಜಿಗಳಿಗೆ ಚಿಕಿತ್ಸೆ, ಎಂಡೋಸ್ಕೋಪಿ ಸೈನಸ್‌ ಸರ್ಜರಿ, ಗೊರಕೆ ಮತ್ತು ನಿದ್ರೆಯಲ್ಲಿ ಉಸಿರುಗಟ್ಟುವಿಕೆಯ ಸಮಸ್ಯೆ, ತಲೆತಿರುಗುವಿಕೆ, ಧ್ವನಿ ಕಟ್ಟುವಿಕೆ (ಬಿಕ್ಕಳಿಕೆ) ಇತ್ಯಾದಿ ಇಎನ್‌ಟಿ ಸಂಬಂಧಿತ ಸಮಸ್ಯೆಗಳಿಗೆ ಸೂಕ್ತ ಚಿಕಿತ್ಸೆ ನೀಡುವಲ್ಲಿ ವಿಶೇಷ ಚಿಕಿತ್ಸೆ ನೀಡಲಿದ್ದಾರೆ. ಅಗತ್ಯವಿರುವವರು ಮುಂಚಿತವಾಗಿ ನೋಂದಾಯಿಸಿಕೊಂಡು ಅವರಿಂದ ಸೇವೆಯನ್ನು ಪಡೆಯಬಹುದು.

ಆಸ್ಪತ್ರೆಯು ತಜ್ಞ ವೈದ್ಯರ ತಂಡವನ್ನು ಒಳಗೊಂಡ ಸ್ತ್ರೀರೋಗ, ಜನರಲ್‌ ಮೆಡಿಸಿನ್‌, ಜನರಲ್‌ ಸರ್ಜರಿ, ಮಕ್ಕಳ ವಿಭಾಗ, ಎಲುಬು-ಮೂಳೆ ವಿಭಾಗ ಮುಂತಾದ ಹೊರರೋಗಿ ವಿಭಾಗ ಹಾಗೂ ಸುಸಜ್ಜಿತ ಸೌಲಭ್ಯಗಳ ಒಳರೋಗಿ ವಿಭಾಗ, ನವಜಾತ ಶಿಶುಗಳ ತೀವ್ರ ನಿಗಾ ಘಟಕ, ಡೊಪ್ಲರ್‌ ಸ್ಕ್ಯಾನ್‌, ಸುಸಜ್ಜಿತ ಆಪರೇಶನ್‌ ಥಿಯೇಟರ್‌, ನವೀನ ತಾಂತ್ರಿಕತೆಯ ಲ್ಯಾಬೋರೇಟರಿ, ನರ್ಸಿಂಗ್‌ ಕೇರ್‌, ಎಕ್ಸ್‌ರೇ ವಿಭಾಗ, ಅಪಘಾತ-ತುರ್ತು ಚಿಕಿತ್ಸಾ ಘಟಕ, ಐವಿಎಫ್ ಸೆಂಟರ್‌ ಅನ್ನು ಹೊಂದಿದೆ ಎಂದು ಆಸ್ಪತ್ರೆಯ ಆಡಳಿತ ವೈದ್ಯಾಧಿಕಾರಿ ಡಾ| ಟಿ.ಎಸ್.ರಾವ್‌ ತಿಳಿಸಿದ್ದಾರೆ.