Shirva: ನಿವೃತ್ತ ಶಿಕ್ಷಕ ಬೆಳಂಜಾಲೆ ಭಾಸ್ಕರ ಶೆಟ್ಟಿ ನಿಧನ

Team Udayavani, May 28, 2024, 5:37 PM IST

ಶಿರ್ವ: ನಿವೃತ್ತ ಶಿಕ್ಷಕ ಶಿರ್ವ ಬೆಳಂಜಾಲೆ ನಿವಾಸಿ ಭಾಸ್ಕರ ಶೆಟ್ಟಿ (75) ಅವರು ಅಸೌಖ್ಯದಿಂದ ಮೇ. 28ರಂದು ಸ್ವಗೃಹದಲ್ಲಿ ನಿಧನ ಹೊಂದಿದರು.

ಮೃತರು ಪತ್ನಿ ಮತ್ತು ಪುತ್ರಿಯನ್ನು ಅಗಲಿದ್ದಾರೆ.

ಹಿಂದಿ ಚಿತ್ರರಂಗದ ಖ್ಯಾತ ಸ್ಟಂಟ್‌ ಮಾಸ್ಟರ್‌ ದಿ| ಫೈಟರ್‌ಶೆಟ್ಟಿಯವರ ಸೋದರಳಿಯನಾಗಿದ್ದ ಅವರು ಎಡ್ಮೇರು ಶ್ರೀ ಮಹಾಬಲೇಶ್ವರ ಅನುದಾನಿತ ಹಿಂದೂ ಹಿ.ಪ್ರಾ. ಶಾಲೆಯಲ್ಲಿ 29 ವರ್ಷಗಳ ಕಾಲ ಶಿಕ್ಷಕರಾಗಿ ಸೇವೆ ಸಲ್ಲಿಸಿ ನಿವೃತ್ತರಾಗಿದ್ದರು.

ಬಡ ಮಕ್ಕಳ ವಿದ್ಯಾಭ್ಯಾಸಕ್ಕೆ ಪ್ರೋತ್ಸಾಹ ನೀಡುತ್ತಿದ್ದ ಅವರು ನಿವೃತ್ತಿ ಬಳಿಕ ತಾನು ಸೇವೆ ಸಲ್ಲಿಸಿದ ಶಾಲೆಯಲ್ಲಿ 10 ವರ್ಷಗಳ ಕಾಲ ಉಚಿತ ಸೇವೆ ಸಲ್ಲಿಸಿದ್ದರು. ಪರಿಸರದ ವಿವಿಧ ಸಂಘಸಂಸ್ಥೆಗಳು ಅವರ ಸೇವೆಯನ್ನು ಗುರುತಿಸಿ ಸಮ್ಮಾನಿಸಿದ್ದವು.

ಎಡ್ಮೇರು ನಿಸರ್ಗ ಯುವಕ ಮಂಡಲದ ಮಾರ್ಗದರ್ಶಕರಾಗಿದ್ದ ಅವರು ವಿಶ್ವ ಹಿಂದೂ ಪರಿಷದ್‌ ಮಟ್ಟಾರು ಘಟಕದ ಗೌರವಾಧ್ಯಕ್ಷರಾಗಿ ಸೇವೆ ಸಲ್ಲಿಸಿದ್ದರು.