KAR TET Exam ಶಿಕ್ಷಕರ ಅರ್ಹತಾ ಪರೀಕ್ಷೆ

Team Udayavani, Sep 3, 2023, 11:18 PM IST

ಉಡುಪಿ: ಶಾಲಾ ಶಿಕ್ಷಣ ಮತ್ತು ಸಾಕ್ಷರತೆ ಇಲಾಖೆಯ ಕೇಂದ್ರೀಕೃತ ದಾಖಲಾತಿ ಘಟಕವು ಶಿಕ್ಷಕರ ನೇಮಕಾತಿಗೆ ಪೂಕರವಾಗಿ ರವಿವಾರ ನಡೆಸಿದ ಕರ್ನಾಟಕ ಶಿಕ್ಷಕರ ಅರ್ಹತಾ ಪರೀಕ್ಷೆ (ಕೆ-ಟಿಇಟಿ) ಪತ್ರಿಕೆ-1ರಲ್ಲಿ ಉಡುಪಿಯ ಶೇ. 80.38 ಹಾಗೂ ದ.ಕ.ದ ಶೇ. 87.28ರಷ್ಟು ಹಾಗೂ ಪತ್ರಿಕೆ-2ರಲ್ಲಿ ಕ್ರಮವಾಗಿ ಶೇ.90.13 ಮತ್ತು ಶೇ. 90.44 ಅಭ್ಯರ್ಥಿಗಳು ಹಾಜರಾಗಿದ್ದಾರೆ.

ದ.ಕ. ಜಿಲ್ಲೆಯ 10 ಕೇಂದ್ರದಲ್ಲಿ ಪತ್ರಿಕೆ-1 ಪರೀಕ್ಷೆ ನಡೆದಿದ್ದು ನೋಂದಾಯಿಸಿಕೊಂಡಿದ್ದ 2,430 ಅಭ್ಯರ್ಥಿಗಳಲ್ಲಿ 2,121 ಮಂದಿ ಪರೀಕ್ಷೆ ಬರೆದು, 309 ಮಂದಿ ಗೈರು ಹಾಜರಾಗಿದ್ದಾರೆ. 15 ಕೇಂದ್ರದಲ್ಲಿ ನಡೆದ ಪತ್ರಿಕೆ-2ಕ್ಕೆ ನೋಂದಾಯಿಸಿಕೊಂಡಿದ್ದ 3,733 ಅಭ್ಯರ್ಥಿಗಳಲ್ಲಿ 3,376 ಮಂದಿ ಪರೀಕ್ಷೆ ಬರೆದಿದ್ದು 357 ಮಂದಿ ಗೈರು ಹಾಜರಾಗಿದ್ದಾರೆ. ಉಡುಪಿ ಜಿಲ್ಲೆಯ 6 ಕೇಂದ್ರದಲ್ಲಿ ನಡೆದ ಪತ್ರಿಕೆ-1ರ ಪರೀಕ್ಷೆಗೆ ನೋಂದಣಿ ಮಾಡಿಕೊಂಡಿದ್ದ 1,520 ಅಭ್ಯರ್ಥಿಗಳಲ್ಲಿ 1,313 ಮಂದಿ ಪರೀಕ್ಷೆ ಬರೆದಿದ್ದು, 207 ಮಂದಿ ಗೈರು ಹಾಜರಾಗಿದ್ದಾರೆ. 9 ಕೇಂದ್ರದಲ್ಲಿ ನಡೆದ ಪತ್ರಿಕೆ-2ರ ಪರೀಕ್ಷೆಗೆ ನೋಂದಣಿ ಮಾಡಿಕೊಂಡಿದ್ದ 2,249 ಅಭ್ಯರ್ಥಿಗಳಲ್ಲಿ 2,027 ಮಂದಿ ಪರೀಕ್ಷೆ ಬರೆದು, 222 ಅಭ್ಯರ್ಥಿಗಳು ಗೈರು ಹಾಜರಾಗಿದ್ದಾರೆ.

ಉಭಯ ಜಿಲ್ಲೆಗಳಲ್ಲಿ ಯಾವುದೇ ಪರೀಕ್ಷೆ ಕೇಂದ್ರದಲ್ಲಿ ಅಕ್ರಮ, ಅವ್ಯವಹಾರ ನಡೆದ ಬಗ್ಗೆ ವರದಿಯಾಗಿಲ್ಲ ಎಂದು ಇಲಾಖೆ ತಿಳಿಸಿದೆ.