ಉಡುಪಿ: ಅಗತ್ಯ ಔಷಧ ಪೂರೈಕೆ ಆರಂಭ

Team Udayavani, Apr 18, 2020, 8:47 AM IST

ವಿವಿಧ ಜಿಲ್ಲೆಗಳಿಂದ ಉಡುಪಿಗೆ ತರಿಸಲಾದ ಅಗತ್ಯ ಔಷಧಗಳು.

ಉಡುಪಿ: ಲಾಕ್‌ಡೌನ್‌ ಕಾರಣ ಸಾರಿಗೆ ಸೌಲಭ್ಯವಿಲ್ಲದೆ ಜಿಲ್ಲೆಗೆ ಸ್ಥಗಿತಗೊಂಡಿದ್ದ ಔಷಧಗಳ ಪೂರೈಕೆ ಮತ್ತೆ ಆರಂಭಗೊಂಡಿದೆ. ಜಿಲ್ಲೆಯಲ್ಲಿ 300 ರಿಟೇಲ್‌ ಹಾಗೂ 50 ಹೋಲ್‌ಸೇಲ್‌ ಮೆಡಿಕಲ್‌ಗ‌ಳು ಇವೆ. ಬೆಂಗಳೂರು, ಮಂಗಳೂರು ಸೇರಿದಂತೆ ವಿವಿಧ ಜಿಲ್ಲೆಗಳಿಂದ ಇಲ್ಲಿಗೆ ಔಷಧ ಪೂರೈಕೆಯಾಗುತ್ತಿದ್ದು, ಕೆಲವು ಸಮಯದಿಂದ ನಿಂತುಹೋಗಿ ಗ್ರಾಹಕರಿಗೆ ಸಮಸ್ಯೆಯಾಗಿತ್ತು.

ಇದೀಗ ಯಾವುದೇ ಸಮಸ್ಯೆಯಿ ಲ್ಲದೆ ಜಿಲ್ಲೆಯ ಮೆಡಿಕಲ್‌ಗ‌ಳಿಗೆ ಡಯಾಲಿಸಿಸ್‌, ಹೃದಯ ರೋಗ ಔಷಧ, ಬಿಪಿ, ಶುಗರ್‌ಗೆ ಬೇಕಾದ ಔಷಧ, ಮಕ್ಕಳ ನ್ಯಾಪ್‌ಕಿನ್‌, ಸ್ಯಾನಿಟರಿ ಪ್ಯಾಡ್‌ಗಳ ದಾಸ್ತಾನು ಬಂದಿವೆ. ಸದ್ಯಕ್ಕೆ ಜಿಲ್ಲೆಯಲ್ಲಿ ಔಷಧಗಳಿಗೆ ಯಾವುದೇ ತೊಂದರೆ ಇಲ್ಲ ಎಂದು ಉಡುಪಿಯ ಸಹಾಯಕ ಔಷಧ ನಿಯಂತ್ರಕ ಕೆ.ವಿ. ನಾಗರಾಜ್‌ ಅವರು ತಿಳಿಸಿದ್ದಾರೆ.