Udupi: ಮನೆಯ ಬೀಗ ಒಡೆದು ಚಿನ್ನಾಭರಣ ಕಳವು

Team Udayavani, Dec 31, 2024, 9:00 PM IST

ಉಡುಪಿ: ಮನೆಯ ಬೀಗ ಒಡೆದು ಒಳನುಗ್ಗಿದ ಕಳ್ಳರು ಚಿನ್ನಾಭರಣ ಕದ್ದೊಯ್ದ ಘಟನೆ ಇಂದಿರಾ ನಗರದಲ್ಲಿ ನಡೆದಿದೆ.

ಶಿರಸಿ ಸೋದೆ ವಾದಿರಾಜ ಮಠದ ಆಡಳಾಧಿಕಾರಿ ಮಧುಸೂದನ ಅವರಿಗೆ ಸೇರಿದ ಬಡಗುಬೆಟ್ಟು ಗ್ರಾಮದ ಇಂದಿರಾನಗರ ಡಯಾನ-ಎಂಜಿಎಂ ರಸ್ತೆಯ ಚರ್ಚ್‌ ಬಳಿಯ ಮನೆಯಲ್ಲಿ ಈ ಕೃತ್ಯ ನಡೆದಿದೆ. ಮನೆಯಲ್ಲಿ ಯಾರೂ ಇಲ್ಲದ ಸಮಯದಲ್ಲಿ ಡಿ. 30ರಂದು ಮನೆಯ ಹೊರಾಂಗಣ ಸ್ವತ್ಛ ಮಾಡಲು ಕೆಲಸದಾಕೆ ಗಿರಿಜಾ ಬಂದಿದ್ದು, ಈ ವೇಳೆ ಮನೆಯ ಬಾಗಿಲು ತೆರೆದಿರುವುದು ಅವರ ಗಮನಕ್ಕೆ ಬಂದಿದೆ.

ಮಹಿಳೆ ಮಾಲಕರ ಗಮನಕ್ಕೆ ತಂದಿದ್ದಾರೆ. ಪರಿಶೀಲಿಸಿದಾಗ ಮನೆಯ ಮುಂದಿನ ಬಾಗಿಲಿನ ಲಾಕ್‌ ಯಾರೋ ಕಳ್ಳರು ತೆರೆದು ಮನೆಯ ನೆಲಮಹಡಿ ರೂಂ ಹಾಗೂ ಒಂದನೇ ಮಹಡಿಯ ರೂಂಗಳ ಕಪಾಟುಗಳ ಒಳಗೆ ಇಟ್ಟಿದ್ದ ಅಂದಾಜು 51 ಗ್ರಾಂ ತೂಕದ ಸುಮಾರು 76 ಸಾವಿರ ರೂ. ಮೌಲ್ಯದ ಚಿನ್ನಾಭರಣ ಹಾಗೂ 1.69 ಕೆಜಿ ತೂಕದ ಸುಮಾರು 64,600 ರೂ. ಮೌಲ್ಯದ ಬೆಳ್ಳಿ ಕಳವು ಮಾಡಿಕೊಂಡು ಹೋಗಿರುವ ಬಗ್ಗೆ ನಗರ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.