Siddapura: ಪತ್ನಿ ಮತ್ತು ತಂಡದಿಂದ ಹಲ್ಲೆ ಆರೋಪ

Team Udayavani, Oct 5, 2024, 10:29 PM IST

ಸಿದ್ದಾಪುರ: ಬಂಧುಗಳ ತಂಡವೊಂದು ತನ್ನ ವರ್ಕ್‌ಶಾಪ್‌ಗೆ ನುಗ್ಗಿ ಹಲ್ಲೆ ಮಾಡಿ  ಕೊಲೆ ಬೆದರಿಕೆ ಹಾಕಿದೆ ಎಂದು ಸಿದ್ದಾಪುರ ಗ್ರಾಮದ ಗಣಪತಿ ಎನ್‌.ಜಿ.(44)ಅವರು ಪೊಲೀಸರಿಗೆ ದೂರು ನೀಡಿದ್ದಾರೆ.

ಪತ್ನಿ ಸುಮಂಗಲಾ, ಅತ್ತೆ ರತ್ನಾ, ಸದಾ, ಸಚಿನ್‌, ಸತೀಶ್‌ ಅವರ ಮಗ ಹಾಗೂ ಮೊಬೈಲ್‌ ಅಂಗಡಿಯವರು  ಹಲ್ಲೆ ಮಾಡಿರುವುದಾಗಿ ದೂರಿನಲ್ಲಿ ತಿಳಿಸಲಾಗಿದೆ.

ಗಣಪತಿ  ಅವರು ಸಿದ್ದಾಪುರದ ಸುಮಂಗಲಾ ಅವರನ್ನು  6 ವರ್ಷಗಳ ಹಿಂದೆ ಮದುವೆಯಾಗಿದ್ದು, ದಂಪತಿಗೆ ಮಕ್ಕಳೂ ಇದ್ದಾರೆ. ಸುಮಂಗಲಾ ಗಂಡನ ಹತ್ತಿರ ಜಗಳ ಮಾಡಿಕೊಂಡು ಮಕ್ಕಳನ್ನು ಬಿಟ್ಟು ಪಕ್ಕದಲ್ಲಿರುವ ತಾಯಿಯ ಮನೆಯಲ್ಲಿ ವಾಸವಿದ್ದರು. ಸೆ.21ರಂದು ವಿನಾಕಾರಣ ಜಗಳ ತೆಗೆದು, ಆರೋಪಿಗಳ ಜತೆಯಲ್ಲಿ ಬಂದು  ಹಲ್ಲೆ ಮಾಡಿದ್ದಾರೆ ಎಂದು ಆರೋಪಿಸಲಾಗಿದೆ.  ಗಾಯಾಳು ಕೋಟೇಶ್ವರದ ಖಾಸಗಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆದುಕೊಂಡಿದ್ದಾರೆ. ಶಂಕರನಾರಾಯಣ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.