Hiliyana: ಮಗನಿಗೆ ಕೊಲೆ ಬೆದರಿಕೆ; ತಾಯಿ ದೂರು

Team Udayavani, Aug 6, 2024, 7:10 PM IST

ಸಿದ್ದಾಪುರ: ತನ್ನ ಮಗನಿಗೆ ಅವಾಚ್ಯ ಶಬ್ದಗಳಿಂದ ಬೈದು, ಕೊಲೆ ಬೆದರಿಕೆ ಹಾಕಿದನೆಂದು ವ್ಯಕ್ತಿಯ ಮೇಲೆ ತಾಯಿಯು ಮಂಗಳವಾರ (ಆ.06) ದೂರು ದಾಖಲಿಸಿದ್ದಾರೆ.

ಹಿಲಿಯಾಣದಲ್ಲಿರುವ ಮನೆಯ ಅಂಗಳಕ್ಕೆ ಅಕ್ರಮವಾಗಿ ಪ್ರವೇಶಿಸಿದ ಕೃಷ್ಣ ಎನ್ನುವವರು ತನ್ನ ಮಗ ನವನೀತ್‌ನಿಗೆ  ಕೊಲೆ ಬೆದರಿಕೆ  ಹಾಕಿದ್ದಾರೆ ಎಂದು ಸುಮಿತ್ರಾ(68) ಅವರು ಪೊಲೀಸರ ಮೊರೆ ಹೋಗಿದ್ದಾರೆ.  ಸದ್ಯ ಶಂಕರನಾರಾಯಣ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

—————————————————————————————————-

ಹೈಕಾಡಿ: ಸ್ಕೂಟಿಗೆ ಅಡ್ಡ ಬಂದ ನಾಯಿ; ಸಹೋದರರಿಗೆ ಗಾಯ

ಸಿದ್ದಾಪುರ: ರಾಜ್ಯ ಹೆದ್ದಾರಿಯ ಹೈಕಾಡಿ ಮಸೀದಿಯ ಹತ್ತಿರ ಸ್ಕೂಟಿಗೆ ನಾಯಿ ಅಡ್ಡ ಬಂದ ಪರಿಣಾಮ, ಸ್ಕೂಟಿ ಸಮೇತ ರಸ್ತೆಗೆ ಬಿದ್ದು ಸವಾರ ಹಾಗೂ ಸಹಸವಾರರು ಬಿದ್ದು ಗಾಯಗೊಂಡರು.

ಸಹೋದರಾದ ಸ್ಕೂಟಿ ಸವಾರ ಮಾಡುತ್ತಿದ್ದ ಗಣೇಶ ಹಾಗೂ ಸಹ ಸವಾರ ಜಯರಾಮ ಅವರು ಪ್ರಯಾಣಿಸುತ್ತಿದ್ದರು.

ಜಯರಾಮ ಅವರು ದೂರಿನಂತೆ ಶಂಕರನಾರಾಯನ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.