Gangolli ಅಕ್ರಮವಾಗಿ ಸಾಗಿಸುತ್ತಿದ್ದ ಮರಳು ಪತ್ತೆ

Team Udayavani, Dec 28, 2023, 12:23 AM IST

ಗಂಗೊಳ್ಳಿ: ಇಲ್ಲಿನ ದಾಕುಹಿತ್ಲು ರಿಂಗ್‌ ರೋಡ್‌ನ‌ಲ್ಲಿ ಟಾಟಾ ಏಸ್‌ ವಾಹನದ ಮೂಲಕ ಅಕ್ರಮವಾಗಿ ಮರಳು ಸಾಗಿಸುತ್ತಿದ್ದುದನ್ನು ಎಎಸ್‌ಐ ಮಂಜುನಾಥ, ಸಿಬಂದಿ ನಾಗರಾಜ ಹಾಗೂ ರಾಮ ಅವರು ಡಿ. 27ರ ಮುಂಜಾನೆ 5 ಗಂಟೆ ಸುಮಾರಿಗೆ ಪತ್ತೆ ಹಚ್ಚಿದ್ದಾರೆ.

ಈ ವೇಳೆ ಮರಳು ಸಾಗಿಸುತ್ತಿದ್ದ ವಾಹನವನ್ನು ತೊರೆದು ಚಾಲಕ ಪರಾರಿಯಾಗಿದ್ದಾನೆ. ವಾಹನದಲ್ಲಿ ಚೀಲದಲ್ಲಿ ತುಂಬಿಸಲಾಗಿದ್ದ ಅರ್ಧ ಯೂನಿಟ್‌ ಮರಳನ್ನು ವಶಕ್ಕೆ ಪಡೆಯಲಾಗಿದೆ.

ಈ ಮರಳನ್ನು ಆರೋಪಿ ಗುರುರಾಜ ಖಾರ್ವಿಯು ಎಲ್ಲಿಂದಲೋ ಕದ್ದು ತಂದು, ಮಾರಾಟಕ್ಕೆ ಕೊಂಡೊಯ್ಯುತ್ತಿದ್ದುದಾಗಿ ತಿಳಿದು ಬಂದಿದೆ. ಗಂಗೊಳ್ಳಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.