Kundapura: ಪತಿ, ತಾಯಿಯಿಂದ ಕಿರುಕುಳ; ಪತ್ನಿ ದೂರು

Team Udayavani, Jan 4, 2025, 7:55 PM IST

ಕುಂದಾಪುರ: ಬೈಂದೂರಿನ ನಿವಾಸಿ ಪತಿ ರಾಧಾಕೃಷ್ಣ, ಮಲತಾಯಿ ವಿಮಲ ಹಾಗೂ ಮಲ ತಂಗಿ ಪಲ್ಲವಿ ತನಗೆ ಮಾನಸಿಕವಾಗಿ ಕಿರುಕುಳ ನೀಡಿರುವುದಾಗಿ ಹಂಗಳೂರಿನ ನಿವಾಸಿ ಪರ್ಣಿಕಾ ಯು.ಸಿ. (25) ಅವರು ದೂರು ನೀಡಿದ್ದಾರೆ.

ತನ್ನ ಮೊದಲ ಪತಿ ರಸ್ತೆ ಅಪಘಾತದಲ್ಲಿ ಸಾವನ್ನಪ್ಪಿದ್ದು, ಆ ಬಳಿಕ ಕಳೆದ ವರ್ಷದ ಜ. 21ಕ್ಕೆ ಬೈಂದೂರಿನ ರಾಧಾಕೃಷ್ಣ ಅವರೊಂದಿಗೆ ವಿವಾಹವಾಗಿದ್ದು, ಪತಿ ಮನೆಯಲ್ಲಿ ವಾಸ ಮಾಡಿಕೊಂಡಿದ್ದೇನೆ. ಪತಿ ಮನೆಯವರು  ಮಾನಸಿಕವಾಗಿ ಹಿಂಸೆ ನೀಡುತ್ತಿದ್ದು, ಅವಾಚ್ಯ ಶಬ್ದಗಳಿಂದ ನಿಂದಿಸಿ ಹಲ್ಲೆ ಮಾಡಿರುವುದಲ್ಲದೆ, ಮೃತಪಟ್ಟ ಪತಿಯ ಅಪಘಾತದ ವಿಮೆ ಹಣ ನೀಡುವ ವಿಚಾರದಲ್ಲಿಯೂ ಹಿಂಸೆ ನೀಡಿದ್ದಾರೆ. ಆ ಬಳಿಕ ತಾಯಿ ಮನೆಗೆ ಬಂದಿದ್ದು, ಅಲ್ಲಿಗೂ ರಾಧಾಕೃಷ್ಣ ಬಂದು ಬೈದಿರುವುದಾಗಿ ದೂರಿನಲ್ಲಿ ತಿಳಿಸಿದ್ದಾರೆ.

ಕುಂದಾಪುರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.