ಕೋಡಿ: ಜನರಲ್ಲಿ ಭೀತಿ ಹುಟ್ಟಿಸಿದ ವಸ್ತುಗಳು

Team Udayavani, Mar 23, 2022, 12:48 PM IST

ಕುಂದಾಪುರ: ಕೋಡಿ ಪರಿಸರದಲ್ಲಿ ಅಲ್ಲಲ್ಲಿ ಕಾಣಸಿಗುತ್ತಿರುವ ವಸ್ತುಗಳು ಜನರಲ್ಲಿ ಮಾಟ ಮಂತ್ರ ಪ್ರಯೋಗ ಎಂಬ ಭೀತಿ ಹುಟ್ಟಿಸಿದೆ.

ಜನರಹಿತ ಪ್ರದೇಶಗಳನ್ನೇ ಗುರಿ ಮಾಡಿ ಇದರ ಪ್ರಯೋಗ ಮಾಡುತ್ತಿದ್ದಾರೆ. ಹುಣ್ಣಿಮೆ ಮತ್ತು ಅಮಾವಾಸ್ಯೆ ದಿನ ಇಂತಹ ಪ್ರಯೋಗ ವಿಪರೀತವಾಗುತ್ತಿದೆ. ಕೋಡಿ ಲೈಟ್‌ ಹೌಸ್‌ ಎದುರು ಕೂಡ ಇಂತಹ ವಸ್ತುಗಳು ಕಂಡುಬಂದಿವೆ. ಇದರಿಂದ ಸ್ಥಳೀಯ ಜನರು ಬೀಚ್‌ನಲ್ಲಿ ರಾತ್ರಿಯ ಹೊತ್ತಲ್ಲಿ ಕಡಲಾಮೆ ಗೂಡನ್ನು ಕಾಯಲು ಹಿಂಜರಿಯುತ್ತಿದ್ದಾರೆ. ಕಡಲಾಮೆ ರಕ್ಷಣೆ ಕಾರ್ಯಕರ್ತರು ಗೂಡನ್ನು ಕಾಯಲು ಸ್ಥಳೀಯರಿಲ್ಲದೇ ವ್ಯಥೆ ಪಡುವಂತಾಗಿದೆ.

ಇದರ ಬಗ್ಗೆ ಕ್ರಮಕೈಗೊಳ್ಳಬೇಕು ಎಂದು ಅಧಿಕಾರಿಗಳಲ್ಲಿ ಮನವಿ ಮಾಡುತ್ತಿದ್ದೇವೆ ಎಂದು ಎಫ್ಎಸ್‌ಎಲ್‌ ಇಂಡಿಯಾದ ದಿನೇಶ್‌ ಸಾರಂಗ ಹೇಳಿದ್ದಾರೆ. ತಲೆಬುರುಡೆಯಂತಹ ರಚನೆಗಳು, ಲಿಂಬೆಹಣ್ಣು, ಕುಂಬಳಕಾಯಿ ಮೊದಲಾದವನ್ನು ತಂದು ಅಲ್ಲಲ್ಲಿ ಇರಿಸಲಾಗುತ್ತಿದೆ ಎನ್ನುವುದು ಆತಂಕಕ್ಕೆ ಕಾರಣ.