ಡಿ. 8 ರಂದು ಕೋಟಿಲಿಂಗೇಶ್ವರ ಕೊಡಿಹಬ್ಬ: ರಂಗೋತ್ಸವ

ಭಕ್ತರಿಂದ ಶತರುದ್ರಾಭಿಷೇಕ ಹಾಗೂ ಸಣ್ಣರಂಗಪೂಜೆ ನಡೆಯಿತು.

Team Udayavani, Dec 7, 2022, 3:36 PM IST

ಡಿ. 8 ರಂದು ಕೋಟಿಲಿಂಗೇಶ್ವರ ಕೊಡಿಹಬ್ಬ: ರಂಗೋತ್ಸವ

ಕೋಟೇಶ್ವರ: ಇಲ್ಲಿನ ಶ್ರಿ ಕೋಟಿಲಿಂಗೇಶ್ವರ ದೇಗುಲದಲ್ಲಿ ಡಿ. 8 ರಂದು ನಡೆಯಲಿರುವ ಕೊಡಿಹಬ್ಬದ ಸಲುವಾಗಿ ಡಿ. 6ರಂದು ದೇಗುಲದಲ್ಲಿ ರಂಗೋತ್ಸವ ಹಾಗೂ ಅಶ್ವವಾಹನೋತ್ಸವ ನಡೆಯಿತು.

ದೇಗುಲದಲ್ಲಿ ತಂತ್ರಿ ಹಾಗೂ ಪ್ರಧಾನ ಅರ್ಚಕ ಪ್ರಸನ್ನ ಕುಮಾರ್‌ ಐತಾಳ್‌ ಅವರ ನೇತೃತ್ವದಲ್ಲಿ ಶ್ರೀ ದೇವರಿಗೆ ಪೂಜಾ ವಿ ಧಿವಿಧಾನ ನಡೆಯಿತು. ಉತ್ಸವ ಮೂರ್ತಿಯ ಪ್ರದಕ್ಷಿಣೆಯ ತಾಂಡವ ನೃತ್ಯ, ಪಂಚವಾದ್ಯ ಚೆಂಡೆ, ಬ್ಯಾಂಡ್‌ ವಾದ್ಯ ಭಕ್ತರ ಗಮನ ಸೆಳೆಯಿತು. ಭಕ್ತರಿಂದ ಶತರುದ್ರಾಭಿಷೇಕ ಹಾಗೂ ಸಣ್ಣರಂಗಪೂಜೆ ನಡೆಯಿತು.

ಗಮನ ಸೆಳೆದ ಕಟ್ಟೆಪೂಜೆ ವರ್ಷಂಪ್ರತಿ ನಡೆಯುವ ಕಟ್ಟೆ ಪೂಜೆಗಾಗಿ ವಿವಿಧೆಡೆ ಅಲಂಕೃತಗೊಂಡ ಶ್ರೀ ದೇವರ ಕಟ್ಟೆಯಲ್ಲಿ ತಂತ್ರಿ ಪ್ರಸನ್ನಕುಮಾರ್‌ ಐತಾಳ್‌ ಅವರು ಪೂಜೆ ನಡೆಸಿದರು. ದೇಗುಲದ ಸಭಾಮಂಟಪದಲ್ಲಿ ಡಿ. 5ರಂದು ಜಾನಪದ ನೃತ್ಯೋತ್ಸವ ನಡೆಯಿತು. ಡಿ. 6ರಂದು ಭಕ್ತಿ ಭಾವ ಗಾನಸುಧೆ ಸ್ಥಳೀಯ ಪ್ರತಿಭಾವಂತ ಕಲಾವಿದರಿಂದ ನಡೆಯಿತು. ಆಸ್ತಿಕ ಸಮಾಜದಿಂದ ಪ್ರತಿದಿನ ಸಂಜೆ ಭಜನೆ ಹಾಗೂ ಮಂಗಲೋತ್ಸವ ನಡೆಯುತ್ತಿದೆ.

ಅಲಂಕಾರಗೊಳ್ಳುತ್ತಿರುವ ಬ್ರಹ್ಮರಥ
ಜಿಲ್ಲೆಯಲ್ಲೇ ಅತೀ ದೊಡ್ಡ ರಥ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿರುವ ಇಲ್ಲಿನ ರಥಕ್ಕೆ ವಿಶೇಷ ಪುಷ್ಪಾಲಂಕಾರದ ಹೊಣೆ ಹೊತ್ತಿರುವ ಶ್ರೀ ಪಟ್ಟಾಭಿರಾಮಚಂದ್ರ ದೇಗುಲದ ಶ್ರೀ ರಾಮ ಸೇವಾ ಸಂಘ ಹಾಗೂ ಶ್ರೀ ದೇವರು ಹಾಗೂ ದೇವಸ್ಥಾನದ ವಿಶೇಷ ಪುಷ್ಪಾಲಂಕಾರ ಸೇವಾಕರ್ತರಾದ ಮಿತ್ರದಳ ಕೋಟೇಶ್ವರ ಚಾರಿಟೆಬಲ್‌ ಟ್ರಸ್ಟ್‌ ಅವರಿಂದ ಅಲಂಕಾರದ ಭರದ ಸಿದ್ಧತೆ ನಡೆಯುತ್ತಿದೆ.