Kundapura: ಆರೋಪಿ ಸಹಿತ ಅಕ್ರಮ ಮದ್ಯ ಮಾರಾಟ ವಶ

Team Udayavani, Sep 20, 2023, 11:21 PM IST

ಕುಂದಾಪುರ: ಕೋಣಿ ಗ್ರಾಮದ ಬಾರ್‌ವೊಂದರ ಬಳಿಯ ಸಾರ್ವಜನಿಕ ಸ್ಥಳದಲ್ಲಿ ಅಕ್ರಮವಾಗಿ ಮದ್ಯ ಮಾರಾಟ ಮಾಡುತ್ತಿದ್ದ ಸುಧಾಕರ ಶೆಟ್ಟಿಯನ್ನು ಎಸ್‌ಐ ಪ್ರಸಾದ್‌ ಕುಮಾರ್‌ ನೇತೃತ್ವದ ಕುಂದಾಪುರ ಪೊಲೀಸರ ತಂಡ ವಶಕ್ಕೆ ಪಡೆದಿದೆ. ಈ ವೇಳೆ ಆತನ ಬಳಿಯಿಂದ 6,900 ರೂ. ನಗದು, 5,573 ರೂ. ಮೌಲ್ಯದ 12.510 ಲೀ. ಮದ್ಯವನ್ನು ವಶಪಡಿಸಿಕೊಳ್ಳಲಾಗಿದೆ.

ಕುಂದಾಪುರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಕೋಳಿ ಅಂಕಕ್ಕೆ ದಾಳಿ; ಬಂಧನ
ಕುಂದಾಪುರ: ಕೋಣಿ ಗ್ರಾಮದ ಚಕ್ಕುಲಿಬೆಟ್ಟು ಬಳಿ ಕೋಳಿ ಅಂಕ ಆಡುತ್ತಿದ್ದಲ್ಲಿಗೆ ಎಸ್‌ಐ ಪ್ರಸಾದ್‌ ದಾಳಿ ನಡೆಸಿದ್ದಾರೆ. ಕೆಲವರು ಓಡಿ ಹೋಗಿದ್ದು, ಗಣೇಶ, ಶ್ರೀಕಾಂತ ಮೊಗವೀರ, ಉದಯ ಮೊಗವೀರ, ಉಮೇಶ ಪೂಜಾರಿ, ರವಿ ಪೂಜಾರಿ, ಸಂತೋಷ ಪೂಜಾರಿ ಅವರನ್ನು ವಶಕ್ಕೆ ತೆಗೆದುಕೊಳ್ಳಲಾಗಿದ್ದು, ಹಣ, ಕೋಳಿಗಳನ್ನು ವಶಪಡಿಸಿಕೊಳ್ಳಲಾಗಿದೆ. ಪ್ರಕರಣ ದಾಖಲಾಗಿದೆ.