Kundapura: ಸರಣಿ ಅಪಘಾತ; ಇಬ್ಬರಿಗೆ ಗಾಯ

Team Udayavani, Nov 11, 2024, 9:40 PM IST

ಕುಂದಾಪುರ: ವಡೇರಹೋಬಳಿ ಬಳಿ ಸರಣಿ ಅಪಘಾತ ಸಂಭವಿಸಿದೆ.

ಪ್ರಸಾದ (47) ಹಂಗಳೂರು ಅವರು ಸ್ಕೂಟಿಯಲ್ಲಿ ಸಂಬಂಧಿ ಶಿಶಿಮಿಂದ್ರ (13) ಅವರನ್ನು ಕುಳ್ಳಿರಿಸಿಕೊಂಡು ಬಸ್ರೂರು ಕಡೆಯಿಂದ ಬಸ್ರೂರು ಮೂರುಕೈ ಕಡೆಗೆ ಬಿ.ಎಚ್‌. ರಸ್ತೆಯಲ್ಲಿ ಹೋಗುತ್ತಿದ್ದಾಗ ವಡೇರಹೋಬಳಿಯಲ್ಲಿ ರಿಕ್ಷಾ ನಿಲ್ಲಿಸಿದ ಕಾರಣ ಸ್ಕೂಟಿಯನ್ನು ನಿಧಾನಗೊಳಿಸಿದ್ದರು. ಆಗ ನಾಗ ಯಾನೆ ನಾಗರಾಜ್‌ ಚಲಾಯಿಸುತ್ತಿದ್ದ ನೀರಿನ ಟ್ಯಾಂಕರ್‌ ಹಿಂದಿನಿಂದ ಢಿಕ್ಕಿ ಹೊಡೆದು, ಎದುರಿನಿಂದ ಬರುತ್ತಿದ್ದ ನೀಲಕಂಠ ಚಲಾಯಿಸುತ್ತಿದ್ದ ಟಿಪ್ಪರ್‌ಗೆ ಢಿಕ್ಕಿಯಾಗಿದೆ.

ಸ್ಕೂಟಿ ಸವಾರ, ಸಹಸವಾರನಿಗೆ ಗಾಯವಾಗಿದೆ. ಪ್ರಕರಣ ದಾಖಲಾಗಿದೆ.