Road Mishap: ಸಿದ್ದಾಪುರ; ಕಾರ್‌ಗೆ ಟ್ಯಾಂಕರ್‌ ಢಿಕ್ಕಿ; ಇಬ್ಬರಿಗೆ ಗಾಯ

Team Udayavani, Oct 2, 2023, 10:39 PM IST

ಸಿದ್ದಾಪುರ: ಹೊಸಪೇಟೆ ಯಿಂದ ಎಸ್‌.ಬಿ. ಹಸನ್‌ (63) ಅವರು ಪತ್ನಿ ಸಾರಾಭಿ ಅವರೊಂದಿಗೆ ಸೆ. 30ರಂದು ಉಡುಪಿಗೆ ಕಾರ್‌ನಲ್ಲಿ ಪ್ರಯಾಣಿಸುತ್ತಿರುವಾಗ ರಾಜ್ಯ ಹೆದ್ದಾರಿಯ ಹುಲಿಕಲ್‌ ಘಾಟಿ ರಸ್ತೆಯ ತಿರುವಿನಲ್ಲಿ ಅತೀ ವೇಗವಾಗಿ ಬಂದ ಟ್ಯಾಂಕರ್‌ ಢಿಕ್ಕಿ ಹೊಡೆದಿದೆ.

ಢಿಕ್ಕಿಯ ಪರಿಣಾಮ ಕಾರು ಜಖಂಗೊಂಡು ಚಾಲಕ ಎಸ್‌.ಬಿ. ಹಸನ್‌ ಹಾಗೂ ಹಿಂಬದಿ ಸೀಟಿನಲ್ಲಿ ಕುಳಿತಿರುವ ಸಾರಾಭಿ ಅವರಿಗೆ ಗಾಯಗಳಾಗಿವೆ. ಕುಂದಾಪುರ ಖಾಸಗಿ ಆಸ್ಪತ್ರೆಯಲ್ಲಿ ದಾಖಲಾಗಿದ್ದಾರೆ. ಅಮಾಸೆಬೈಲು ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಮದ್ಯ ಸೇವನೆ; ಕೇಸು
ಸಿದ್ದಾಪುರ: ಶಂಕರನಾರಾಯಣ ಠಾಣೆಯ ಪೊಲೀಸ್‌ ಉಪನಿರೀಕ್ಷಕ ನಾಸೀರ್‌ ಹುಸೇನ್‌ ಅವರು ಕುಳ್ಳುಂಜೆ ಗ್ರಾಮದ ವಾರಾಹಿ ಕಾಲುವೆಯ ಬಳಿ ಸಾರ್ವಜನಿಕ ಸ್ಥಳದಲ್ಲಿ ಮದ್ಯ ಸೇವನೆ ಮಾಡುತ್ತಿದ್ದ ಭಾಸ್ಕರ ಹಳ್ಳಾಡಿ (55) ಯನ್ನು ವಶಕ್ಕೆ ಪಡೆದಿದ್ದಾರೆ. ಆರೋಪಿಯ ಬಳಿ ಇದ್ದ ಮದ್ಯವನ್ನು ವಶಕ್ಕೆ ಪಡೆದು ಕೇಸು ದಾಖಲಿಸಿಕೊಳ್ಳಲಾಗಿದೆ.