ಯುವತಿಗೆ ಮಾರಣಾಂತಿಕ ಹಲ್ಲೆ: ಧರ್ಮಸ್ಥಳ ಸಂಘದ ಹಣ ದರೋಡೆ

Team Udayavani, Sep 20, 2017, 1:54 PM IST

ಕುಂದಾಪುರ: ಇಲ್ಲಿನ ರಟ್ಟಾಡಿಯಲ್ಲಿ ಯುವತಿಗೆ ದುಷ್ಕರ್ಮಿಗಳು ಮಾರಣಾಂತಿಕವಾಗಿ ಥಳಿಸಿ ಧಮ೯ಸ್ಥಳ ಗ್ರಾಮಾಭಿವೃದ್ದಿ ಸಂಘದ ಭಾರಿ ಮೊತ್ತದ ಹಣ ಅಪಹರಿಸಿದ ಘಟನೆ ಇಂದು ಬೆಳಗ್ಗೆ ನಡೆದಿದೆ.

ಪ್ರತೀ ಬುಧವಾರದಂತೆ ರಟ್ಟಾಡಿ ಸೇವಾ ಕೇಂದ್ರಕ್ಕೆ ಪ್ರೀತಿ ಎನ್ನುವ ವ್ಯವಹಾರ ಪ್ರತಿನಿಧಿ ಸಂಘದ ಹಣ ಸಂಗ್ರಹಿಸಿಲು  ಕಚೇರಿಗೆ ಆಗಮಿಸಿ ಹಣ ಸಂಗ್ರಹಿಸಿದ್ದರು. ಈ ವೇಳೆ ಬೈಕ್‌ನಲ್ಲಿ  ಹೆಲ್ಮೆಟ್‌ ಧರಸಿ ದೊಣ್ಣೆ ಹಿಡಿದುಕೊಂಡು ಬಂದ ದುಷ್ಕರ್ಮಿ ಮಾರಣಾಂತಿಕ ಹಲ್ಲೆ ನಡೆಸಿ ಹಣ ಕಸಿದು ಪರಾರಿಯಾಗಿದ್ದಾನೆ.

ದಾಳಿ ವೇಳೆ ಪ್ರೀತಿ ಬೊಬ್ಬಿಟ್ಟಿದ್ದು ಸ್ಥಳಿಚಯರು ಆಗಮಿಸುವ ಮುನ್ನವೇ ದುಷ್ಕರ್ಮಿ ಪರಾರಿಯಾಗುವಲ್ಲಿ ಯಶಸ್ವಿಯಾಗಿದ್ದಾನೆ.

ಮಾರಣಾಂತಿಕವಾಗಿ ಗಾಯಗೊಂಡು ಪ್ರಜ್ಞಾಹೀನ ಸ್ಥಿತಿಯಲ್ಲಿದ್ದ ಕೊಕ್ಕರ್ಣೆ ಮೂಲದ ಪ್ರೀತಿ ಅವರನ್ನು ಮಣಿಪಾಲ ಆಸ್ಪತ್ರೆಗೆ ದಾಖಲಿಸಲಾಗಿದೆ.

ಘಟನೆ ವೇಳೆ ಪ್ರೀತಿ ಅವರೊಬ್ಬರೆ ಸೇವಾ ಕೇಂದ್ರದಲ್ಲಿದ್ದರು ಎಂದು ತಿಳಿದು ಬಂದಿದೆ.

ಅಮಾಸೆಬೈಲು ಠಾಣಾ ವ್ಯಾಪ್ತಿಯಲ್ಲಿ ಪ್ರಕರಣ ದಾಖಲಾಗಿದ್ದು, ಪೊಲೀಸರು ಸ್ಥಳಕ್ಕಾಗಮಿಸಿ ತನಿಖೆ ನಡೆಸುತ್ತಿದ್ದಾರೆ.

ಹೆಚ್ಚಿನ ವಿವರ ನಿರೀಕ್ಷಿಸಲಾಗುತ್ತಿದೆ.