ನಾಡಗೀತೆ ಧಾಟಿ: ಎಚ್‌.ಆರ್‌.ಲೀಲಾವತಿ ಸಮಿತಿ ವರದಿ ತಿರಸ್ಕರಿಸಲು ಒತ್ತಾಯ

Team Udayavani, Nov 13, 2021, 10:42 AM IST

 ಬೆಂಗಳೂರು: ನಾಡಗೀತೆ ಧಾಟಿ ಸಂಬಂಧ ಎಚ್‌.ಆರ್‌. ಲೀಲಾವತಿ ಅವರ ಅಧ್ಯಕ್ಷತೆಯ ಸಮಿತಿ ನೀಡಿರುವ ವರದಿ ಲೋಪದೋಷಗಳಿಂದ ಕೂಡಿದ್ದು ಆ ಹಿನ್ನೆಲೆಯಲ್ಲಿ ಸರ್ಕಾರ ಈ ವರದಿಯನ್ನು ಯಾವುದೇ ಕಾರಣಕ್ಕೂ ಒಪ್ಪಬಾರದು ಎಂದು ಆದರ್ಶನ ಸುಗಮ ಸಂಗೀತ ಅಕಾಡೆಮಿ ಟ್ರಸ್ಟ್‌ನ ಅಧ್ಯಕ್ಷ ಕಿಕ್ಕೇರಿ ಕೃಷ್ಣಮೂರ್ತಿ ಒತ್ತಾಯಿಸಿದ್ದಾರೆ.

ಸುದ್ದಿಗೋಷ್ಟಿಯಲ್ಲಿ ಶುಕ್ರವಾರ ಮಾತನಾಡಿದ ಅವರು ಸರ್ಕಾರ ತರಾತುರಿಯಲ್ಲಿ ನಿರ್ಧಾರ ತೆಗೆದುಕೊಳ್ಳದೆ, ಎಲ್ಲ ಜಿಲ್ಲೆಗಳ ಸುಗಮ ಸಂಗೀತಗಾರರು, ಸಂಗೀತ ಸಂಸ್ಥೆಗಳು, ಕವಿ, ಸಾಹಿತಿ ಹಾಗೂ ಕಲಾವಿದರ ಅಭಿಪ್ರಾಯ ಪಡೆದ ನಂತರ ಅಂತಿಮ ತೀರ್ಮಾನ ಕೈಗೊಳ್ಳಬೇಕು.

ಇದನ್ನೂ ಓದಿ:- ವಿರಾಟ್ ಕೊಹ್ಲಿ ಮೂರು ಮಾದರಿಯ ನಾಯಕತ್ವ ತ್ಯಜಿಸಬೇಕು: ಶಾಹಿದ್ ಅಫ್ರಿದಿ

ಇಲ್ಲದಿದ್ದರೆ ಕಾನೂನು ಹೋರಾಟ ಮಾಡುವುದಾಗಿ ಎಚ್ಚರಿಸಿದರು. ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ ರಚಸಿದ್ದ ಸಮಿತಿಯು ತರಾತುರಿಯಲ್ಲಿ ನಾಡಗೀತೆಯ ಕುರಿತ ವರದಿ ನೀಡಿದೆ. ಸರ್ಕಾರ ಈ ಹಿಂದೆ ನೀಡಿದ್ದ ಜಿ.ಎಸ್‌.ಶಿವರುದ್ರಪ್ಪ ಸಮಿತಿ ವರದಿ, ಚನ್ನವೀರ ಕಣವಿ ಸಮಿತಿ ವರದಿ ಮತ್ತು ವಸಂತಕನಕಾಪುರ ಸಮಿತಿ ವರದಿಗಳನ್ನು ಗಮನಿಸಿ ಮುಂದುವರಿಯಲಿ ಎಂದು ಹೇಳಿದರು.