ನಾನು ಪೋರ್ಟ್‌ಫೋಲಿಯೋ ಮಿನಿಸ್ಟರ್‌!: ಸುಧಾಕರ್‌

Team Udayavani, Jul 1, 2020, 6:28 AM IST

ಬೆಂಗಳೂರು: ನಾನು ಪೋರ್ಟ್‌ಫೋಲಿಯೋ ಮಿನಿಸ್ಟರ್‌. ಮುಖ್ಯಮಂತ್ರಿಗಳು ನನಗೆ ಖಾತೆ ಹಂಚಿಕೆ ಮಾಡಿದ್ದಾರೆ. ಖಾತೆ ಯಾರಿಗೆ ಹಂಚಿಕೆಯಾಗಿದೆಯೋ ಅವರೇ ಉಸ್ತುವಾರಿ ನೋಡಿಕೊಳ್ಳುತ್ತಾರೆ! ಕೋವಿಡ್‌ ಉಸ್ತುವಾರಿ ಸಂಬಂಧ  ಗೊಂದಲದ ಬಗ್ಗೆ ವೈದ್ಯಕೀಯ ಶಿಕ್ಷಣ ಸಚಿವ ಡಾ.ಕೆ.ಸುಧಾಕರ್‌ ಅವರ ಮೊದಲ ಪ್ರತಿಕ್ರಿಯೆ ಇದು.

ವಿಧಾನಸೌಧದಲ್ಲಿ ಮಂಗಳವಾರ ನಡೆದ ಸಭೆಯಲ್ಲಿ ಪಾಲ್ಗೊಂಡಿದ್ದ ಸುಧಾಕರ್‌ ಬಳಿಕ ಪ್ರತಿಕ್ರಿಯಿಸಿ, ನಾನು ಪೋಟ್‌ಫೋಲಿಯೋ  ಮಿನಿಸ್ಟರ್‌. ನನ್ನ ಅನುಪಸ್ಥಿತಿಯಲ್ಲಿ ಅನುಭವಿಗಳು, ಹಿರಿಯರೂ ಆದ ಕಂದಾಯ ಸಚಿವರಿಗೆ ಬೆಂಗಳೂರಿನಲ್ಲಿ ಪರಿಸ್ಥಿತಿ ನೋಡಿಕೊಳ್ಳುವಂತೆ ಮುಖ್ಯಮಂತ್ರಿಗಳು ಹೇಳಿದ್ದರು. ಹಾಗಾಗಿ ನೋಡಿಕೊಳ್ಳುತ್ತಿದ್ದಾರೆ. ಇಲ್ಲಿ ಯಾರು  ಮಾಡುವುದು ಎಂಬುದು ಮುಖ್ಯವಲ್ಲ.

ಇದೆಲ್ಲಾ ಸಾಮೂಹಿಕ ಜವಾಬ್ದಾರಿ ಎಂದು ಹೇಳಿದರು. ಹಾಗಾದರೆ ಬೆಂಗಳೂರು ಕೋವಿಡ್‌ ಉಸ್ತುವಾರಿ ಯಾರು ವಹಿಸುತ್ತಾರೆ ಎಂಬ ಪ್ರಶ್ನೆಗೆ, ನಾನು ಪೋರ್ಟ್‌ಫೋಲಿಯೋ ಮಂತ್ರಿಯಲ್ಲವೇ?  ಮುಖ್ಯಮಂತ್ರಿಗಳು ನನಗೆ ಖಾತೆ ಹಂಚಿಕೆ ಮಾಡಿದ್ದಾರೆ. ಯಾರಿಗೆ ಖಾತೆ ಹಂಚಿಕೆಯಾಗಿದೆಯೋ ಅವರೇ ಉಸ್ತುವಾರಿ. ಇದರಲ್ಲಿ ಬೇರೆ ಪ್ರಶ್ನೆೆಯೇ ಉದ್ಬವಿಸುವುದಿಲ್ಲ. ಕೋವಿಡ್‌ ಉಸ್ತುವಾರಿ ವಿಚಾರದಲ್ಲಿ ನಮಗ್ಯಾರಿಗೂ ಗೊಂದಲವಿಲ್ಲ.  ಮುಖ್ಯಮಂತ್ರಿಗಳು ನಮ್ಮ ಕ್ಯಾಪ್ಟನ್‌ ಎಂದರು.