ಪರೀಕ್ಷೆ ಬರೆಯಲು ಕೊನೆಯ ಅವಕಾಶ

Team Udayavani, Jun 27, 2020, 5:02 AM IST

ಬೆಂಗಳೂರು : ನಿಗದಿತ ಅವಧಿಯೊಳಗೆ ಪದವಿ ಪೂರ್ಣಗೊಳಿಸದ ಅಭ್ಯರ್ಥಿಗಳಿಗೆ ಬೆಂಗಳೂರು ವಿಶ್ವವಿದ್ಯಾಲಯ ಕೊನೆಯ ಅವಕಾಶ ಕಲ್ಪಿಸಿದೆ. 2014-15ನೇ ಶೈಕ್ಷಣಿಕ ಸಾಲಿಗೆ ಬೆಂಗಳೂರು ವಿಶ್ವವಿದ್ಯಾಲಯದ ಸಂಯೋಜಿತ  ಕಾಲೇಜುಗಳಲ್ಲಿ ಬಿ.ಎ, ಬಿ.ಎಸ್ಸಿ, ಬಿ.ಕಾಂ, ಬಿ.ಸಿ.ಎ, ಬಿಬಿಎ, ಬಿಎಚ್‌ ಎಂ, ಬಿವಿಎ ಕೋರ್ಸ್‌ಗಳಿಗೆ ನೋಂದಣಿ ಮಾಡಿಕೊಂಡಿದ್ದು, ನಿಗದಿತ ಅವಧಿಯಲ್ಲಿ ಪದವಿ ಪೂರೈಸಲು ಸಾಧ್ಯವಾಗದ ವಿದ್ಯಾರ್ಥಿಗಳಿಗೆ ವಿವಿ ಕೊನೆಯ ಅವಕಾಶ  ಕಲ್ಪಿಸಿದೆ.

2014-15ರಲ್ಲಿ ದಾಖಲಾತಿ ಪಡೆದು, ಕೆಲವೊಂದು ವಿಷಯದಲ್ಲಿ ಅನುತ್ತೀರ್ಣಗೊಂಡಿರುವ ವಿದ್ಯಾರ್ಥಿಗಳು ಪರೀಕ್ಷೆ ಬರೆಯಲು ಸ್ನಾತಕ ಪದವಿ ಕೋರ್ಸ್‌ನ 2, 4, 6 ಮತ್ತು 8ನೇ ಸೆಮಿಸ್ಟರ್‌ಅನ್ನು ಜೂನ್‌ ಅಥವಾ ಜುಲೈ  -2020  ಮತ್ತು 1,3,5,7ನೇ ಸೆಮಿಸ್ಟರ್‌ ಅನ್ನು ನವೆಂಬರ್‌ ಅಥವಾ ಡಿಸೆಂಬರ್‌-2020ರ ಅವಧಿಯಲ್ಲಿ ನೋಂದಾಯಿಸಿಕೊಂಡು ಬರೆಯಲು ಒಂದು ಬಾರಿಗೆ ಅವಕಾಶ ಕಲ್ಪಿಸಲಾಗಿದೆ. ಅಭ್ಯರ್ಥಿಗಳು ಪರೀಕ್ಷಾ ಶುಲ್ಕವನ್ನು ಸಂಬಂಧಪಟ್ಟ ಕಾಲೇಜಿನ  ಪ್ರಾಂಶುಪಾಲರ ಮೂಲಕ ಪಾವತಿಸಬೇಕು ಎಂದು ಬೆಂವಿವಿ ಪ್ರಕಟಣೆ ತಿಳಿಸಿದೆ.