ಅನ್ನಪೂರ್ಣದೇವಿ ಮಹಾನ್‌ ಸಂಗೀತಗಾರ್ತಿ: ಹಲ್ದಿಪುರ

Team Udayavani, Oct 24, 2024, 2:15 PM IST

ಉದಯವಾಣಿ ಸಮಾಚಾರ
ಹುಬ್ಬಳ್ಳಿ: ಎಸ್‌ಜೆಎಂವಿಎಸ್‌ ಮಹಿಳಾ ಕಾಲೇಜ್‌ನ ಐಕ್ಯೂಎಸಿ, ಸಂಗೀತ ವಿಭಾಗ ಹಾಗೂ ಅನ್ನಪೂರ್ಣದೇವಿ ಫೌಂಡೇಶನ್‌ ಸಹಯೋಗದಲ್ಲಿ ಇಲ್ಲಿನ ಜೆ.ಸಿ. ನಗರದ ಎಸ್‌ಜೆಎಂವಿಎಸ್‌ ಕಲಾ ಹಾಗೂ ವಾಣಿಜ್ಯ ಮಹಿಳಾ ಮಹಾವಿದ್ಯಾಲಯದ ಡಾ|ಮೂಜಗಂ ಸಭಾಭವನದಲ್ಲಿ ಬುಧವಾರ ಭಾರತದ ಹಿಂದೂಸ್ತಾನಿ ಶಾಸ್ತ್ರೀಯ ಸಂಗೀತಗಾರರು ಮತ್ತು ಅಪೂರ್ವಗುರು ಅನ್ನಪೂರ್ಣದೇವಿ ಅವರ ಜೀವನ ಕುರಿತು ಸಾಕ್ಷéಚಿತ್ರ ಪ್ರದರ್ಶನ, ರಾಜ್ಯಮಟ್ಟದ ಕಾರ್ಯಾಗಾರ ನಡೆಯಿತು.

ಕಾರ್ಯಾಗಾರ ಉದ್ಘಾಟಿಸಿ ಮಾತನಾಡಿದ ಮುಂಬೈನ ಅಂತಾರಾಷ್ಟ್ರೀಯ ಕೊಳಲು ವಾದಕ ಪಂ|ನಿತ್ಯಾನಂದ ಹಲ್ದಿಪುರ, ಗಾಯಕಿ ಅನ್ನಪೂರ್ಣದೇವಿ ಹಿಂದೂಸ್ತಾನಿ ಶಾಸ್ತ್ರೀಯ ಸಂಗೀತದಲ್ಲಿ ಅಪಾರ ಪಾಂಡಿತ್ಯ ಪಡೆದಿದ್ದರು.

ಭಾರತೀಯ ಸಂಗೀತ ಜಗತ್ತು ಕಂಡ ಅದರಲ್ಲೂ ಸಿತಾರ್‌ ಹಾಗೂ ಸುರ್ಬಹಾರ್‌ ವಾದ್ಯಗಳ ಅತ್ಯುತ್ತಮ ವಾದಕಿಯಾಗಿ ಪ್ರಸಿದ್ಧಿ ಪಡೆದಿದ್ದರು. ಸೀತಾರ ವಾದಕಿಯಾಗಿದ್ದ ಅವರು ಬೀನಕರಿ ಶೈಲಿ ಸಂಗೀತದಲ್ಲೂ ನಿಪುಣತೆ ಹೊಂದಿದ್ದರು ಎಂದರು.

ಎಸ್‌ಜೆಎಂವಿ ಸಂಘದ ಗೌರವ ಕಾರ್ಯಾಧ್ಯಕ್ಷ ಅರವಿಂದ ಕುಬಸದ ಅಧ್ಯಕ್ಷತೆ ವಹಿಸಿದ್ದರು. ನಿರ್ದೇಶಕರಾದ ಮಲ್ಲಿಕಾರ್ಜುನ ಕಳಸರಾಯ, ಮುರುಗೇಶ ಯಕಲಾಸಪುರ, ವೈಭವ ಭಟ್‌, ಪಂಡಿತ ಇನಾಮದಾರ, ಸಿತಾರ ವಾದಕ ಉಸ್ತಾದಹಫಿಜ ಖಾನ್‌, ಮಹಾವಿದ್ಯಾಲಯದ ಪ್ರಾಚಾರ್ಯೆ ಡಾ|ಸಿಸಿಲಿಯಾ ಡಿ’ಕ್ರೂಜ್‌, ಐಕ್ಯೂಎಸಿ ಸಂಯೋಜಕ ಪ್ರೊ|ಶಿವಕುಮಾರ ಬನ್ನಿಹಟ್ಟಿ, ಮಹಾವಿದ್ಯಾಲಯದ ಬೋಧಕ, ಬೋಧಕೇತರ ಸಿಬ್ಬಂದಿ, ವಿದ್ಯಾರ್ಥಿಗಳು, ಕಲಾವಿದರು ಇದ್ದರು.

ನಾಡಿನ ಶಿರಸಿ, ಹುಬ್ಬಳ್ಳಿ-ಧಾರವಾಡ, ಗದಗ, ಬಾಗಲಕೋಟೆ, ವಿಜಯಪುರ, ಹಂಪಿ-ಹೊಸಪೇಟೆಯ ವಿವಿಧ ಕಾಲೇಜುಗಳ 120 ಪ್ರಾಧ್ಯಾಪಕರು, ಸಂಗೀತ ಸಂಶೋಧಕರು, ವಿದ್ಯಾರ್ಥಿಗಳು, ಸಂಗೀತಾಸಕ್ತರು ಶಿಬಿರಾರ್ಥಿಗಳಾಗಿ ಪಾಲ್ಗೊಂಡಿದ್ದರು.

ಸಂಗೀತ ವಿಭಾಗದ ವಿದ್ಯಾರ್ಥಿನಿಯರು ಪ್ರಾರ್ಥನಾ ಗೀತೆ ಪ್ರಸ್ತುತಪಡಿಸಿದರು. ಡಾ|ಜ್ಯೋತಿಲಕ್ಷ್ಮೀ ಡಿ.ಪಿ. ಸ್ವಾಗತಿಸಿದರು.
ಡಾ|ಶಿವಲೀಲಾ ವೈಜನಾಥ ಪರಿಚಯಿಸಿದರು. ಶ್ವೇತಾ ಕಾಗೇನವರ ನಿರೂಪಿಸಿದರು. ಪ್ರೊ|ಶಿವಕುಮಾರ ಪ್ರಭಯ್ಯನವರಮಠ
ವಂದಿಸಿದರು.