ಎಸ್‌.ಎನ್‌. ಹೆಗಡೆಗೆ ಸನ್ಮಾನ- ಬೀಳ್ಕೊಡುಗೆ

Team Udayavani, Feb 3, 2021, 6:12 PM IST

ಹೊನ್ನಾವರ: 36 ವರ್ಷಗಳಿಂದ ಜಿಲ್ಲೆಯ ಮಂಚಿಕೇರಿ, ಇಡಗುಂಜಿ, ಅಳ್ಳಂಕಿ ಮತ್ತು ಹೊನ್ನಾವರ ಸರಕಾರಿ ಪಪೂ ಕಾಲೇಜುಗಳಲ್ಲಿ ಇಂಗ್ಲಿಷ್‌ ಉಪನ್ಯಾಸಕರಾಗಿ, ಪ್ರಾಂಶುಪಾಲರಾಗಿ ಅಲ್ಲದೇ ಕಳೆದ ವರ್ಷ ಉತ್ತರ ಕನ್ನಡ ಜಿಲ್ಲೆಯ ಪಪೂ ಶಿಕ್ಷಣ ಇಲಾಖೆ ಪ್ರಭಾರೆ ಉಪನಿರ್ದೇಶಕರಾಗಿ ಸೇವೆ ಸಲ್ಲಿಸಿ ನಿವೃತ್ತರಾದ ಎಸ್‌.ಎನ್‌. ಹೆಗಡೆಯವರನ್ನು ಸನ್ಮಾನಿಸಿ ಬೀಳ್ಕೊಡಲಾಯಿತು.

ಸರಕಾರಿ ಮೋಹನ ಶೆಟ್ಟಿ ಪಪೂ ಕಾಲೇಜಿನಲ್ಲಿ ಎಸ್‌.ಎನ್‌. ಹೆಗಡೆ ದಂಪತಿಯನ್ನು ಇಲಾಖಾ ವತಿಯಿಂದ ಜಿಲ್ಲಾ ಪ್ರಾಂಶುಪಾಲರ ಸಂಘ ಮತ್ತು ಕಾಲೇಜು ವತಿಯಿಂದ ಸನ್ಮಾನಿಸಲಾಯಿತು. ಪಪೂ ಶಿಕ್ಷಣ ಇಲಾಖೆ ಉಪನಿರ್ದೇಶಕ ಎಸ್‌. ಎನ್‌. ಬಗಲಿ, ಜಿಲ್ಲಾ ಪ್ರಾಚಾರ್ಯರ ಸಂಘದ ಅಧ್ಯಕ್ಷ ಜಿ.ಪಿ. ನಾಯಕ ಮತ್ತು ಪದಾಧಿಕಾರಿಗಳು, ರಾಜ್ಯ ಸರಕಾರಿ ನೌಕರರ ಸಂಘದ ಗೌರವಾಧ್ಯಕ್ಷ ಆರ್‌.ಪಿ. ಭಟ್‌ ಹಾಗೂ ಕಾಲೇಜು ಅಭಿವೃದ್ಧಿ ಸಮಿತಿ ಸದಸ್ಯರಾದ ಗಣೇಶ ಶೇಟ್‌, ಜಿಲ್ಲೆಯ ವಿವಿಧ ಕಾಲೇಜುಗಳಿಂದ ಆಗಮಿಸಿದ ಪ್ರಾಚಾರ್ಯರು, ಉಪನ್ಯಾಸಕರು, ಉಪನಿರ್ದೇಶಕರ ಕಚೇರಿ ಸಿಬ್ಬಂದಿ, ವಿದ್ಯಾರ್ಥಿಗಳು, ಪಾಲಕರು ಮತ್ತು ಅಭಿಮಾನಿಗಳು ಹಾಜರಿದ್ದರು. ವಾಣಿಜ್ಯ ಉಪನ್ಯಾಸಕ ವಿನೋದ ಹೆಗಡೆ, ಎಸ್‌.ಎನ್‌ ಹೆಗಡೆಯವರ ಕುರಿತು ರಚಿಸಿದ ಜೀವನಚಿತ್ರ ಭಾವಯಾನ ಪ್ರದರ್ಶಿಸಿದರು.

ಓದಿ : ಪಾಳ್ಯ ಗ್ರಾಮದ ಬಳಿ  ಅಕ್ರಮ ಗಣಿಗಾರಿಕೆ : ಗ್ರಾಮಸ್ಥರಿಂದ ಜಿಲ್ಲಾಧೀಕಾರಿಗೆ ದೂರು