ಬೀದರ:15 ಜನರಿಗೆ ಸೋಂಕು

Team Udayavani, Jul 10, 2020, 11:33 AM IST

ಬೀದರ: ಗಡಿ ನಾಡು ಬೀದರನಲ್ಲಿ ಹೆಮ್ಮಾರಿ ಕೋವಿಡ್ ಸೊಂಕಿನ ಅಬ್ಬರ ಕಳೆದೆರಡು ದಿನಗಳಿಂದ ಕಡಿಮೆಯಾಗಿದ್ದು, ಗುರುವಾರ 15 ಪಾಸಿಟಿವ್‌ ಪ್ರಕರಣಗಳು ವರದಿಯಾಗಿವೆ. ಇದರೊಂದಿಗೆ ಜಿಲ್ಲೆಯ ಒಟ್ಟು ಸೋಂಕಿತರ ಸಂಖ್ಯೆ 894ಕ್ಕೆ ಏರಿಕೆಯಾಗಿದೆ.

ಬೀದರ ಮತ್ತು ಹುಮನಾಬಾದ ತಾಲೂಕಿನಲ್ಲಿ ತಲಾ 6 ಮತ್ತು ಭಾಲ್ಕಿ ತಾಲೂಕಿನಲ್ಲಿ 3 ಸೋಂಕು ಪ್ರಕರಣಗಳು ಪತ್ತೆಯಾಗಿವೆ. ಜಿಲ್ಲಾ ಪೊಲೀಸ್‌ ವರಿಷ್ಠಾಧಿಕಾರಿ ಕಚೇರಿಯಲ್ಲಿರುವ ಕಂಟ್ರೋಲ್‌ ರೂಂ. ಸಿಬ್ಬಂದಿಯೊಬ್ಬರಿಗೆ ಸೋಂಕು ಒಕ್ಕರಿಸಿದೆ. ಈ ಹಿನ್ನೆಲೆಯಲ್ಲಿ ಕಂಟ್ರೋಲ್‌ ರೂಂ ಕಚೇರಿಯನ್ನು ಸೀಲ್‌ ಡೌನ್‌ ಮಾಡಲಾಗಿದೆ ಎಂಬ ಅಧಿಕೃತ ಮಾಹಿತಿ ಇದೆ. ಬೀದರ್‌ ನಗರದ ಎಸ್‌ಪಿ ಕಚೇರಿ ಕಂಟ್ರೋಲ್‌ ರೂಂ ಕಚೇರಿ 1, ಮುಲ್ತಾನಿ ಕಾಲೋನಿ 01, ಚೌಬಾರಾ 02, ವಿದ್ಯಾನಗರ ಕಾಲೋನಿ 1, ಕೆಇಬಿ ರಸ್ತೆ 1 ಹಾಗೂ ಅಷ್ಟೂರಿನ ಮಂದಿರ ಬಳಿ ನಿವಾಸಿಗೆ ಸೋಂಕು ತಗುಲಿದೆ.

ಹುಮನಾಬಾದನ ಕುಪಲ್‌ತೋಡ್‌ ಮೊಹಲ್ಲಾದ 3, ಟೀಚರ್ ಕಾಲೋನಿಯ 1, ಪಿಡಬ್ಲ್ಯೂಡಿ ಕ್ವಾಟರ್ 1 ಹಾಗೂ ಹುಣಸಗೇರಾ ಗ್ರಾಮದಲ್ಲಿ 1 ಕೇಸ್‌ ಪತ್ತೆಯಾಗಿದ್ದರೆ, ಭಾಲ್ಕಿ ತಾಲೂಕು ಮಾಸಿಮಾಡ, ಮರ್ಜಾಪುರ, ಡೋಣಗಾಪುರ ಗ್ರಾಮದಲ್ಲಿ ತಲಾ 1 ಪ್ರಕರಣ ವರದಿಯಾಗಿವೆ. ಇಂದಿನ 15 ಜನ ಸೋಂಕಿತರೊಂದಿಗೆ ಜಿಲ್ಲೆಯ ಒಟ್ಟು ಸೋಂಕಿತರ ಸಂಖ್ಯೆ 894ಕ್ಕೆ ಏರಿಕೆಯಾಗಿದೆ. ಈ ಪೈಕಿ 49 ಮಂದಿ ಸಾವನ್ನಪ್ಪಿದ್ದರೆ, 562 ಸೋಂಕಿತರು ಗುಣಮುಖರಾಗಿ ಬಿಡುಗಡೆಯಾಗಿದ್ದಾರೆ. 283 ಸಕ್ರಿಯ ಪ್ರಕರಣಗಳಿವೆ. ಜಿಲ್ಲೆಯ ಒಟ್ಟು 41,839 ಜನರ ಗಂಟಲ ದ್ರವದ ಮಾದರಿ ಪರೀಕ್ಷಿಸಲಾಗಿದ್ದು, ಈ ಪೈಕಿ 37, 827 ಜನರ ವರದಿ ನೆಗೆಟಿವ್‌ ಬಂದಿದೆ. ಇನ್ನೂ 3118 ಜನರ ವರದಿ ಬರಬೇಕಿದೆ