ಚಿಂಚೋಳಿ: ವಿಜೇತರ ಮೆರವಣಿಗೆ

Team Udayavani, Jan 1, 2022, 12:24 PM IST

ಚಿಂಚೋಳಿ: ತಾಲೂಕಿನ ಕರ್ಚಖೇಡ ಮತ್ತು ಗರಗಪಳ್ಳಿ ಗ್ರಾಪಂಗಳಿಗೆ ಕಳೆದ ಏಳು ವರ್ಷದ ನಂತರ ನಡೆದ ಚುನಾವಣೆಯಲ್ಲಿ ಗೆಲುವು ಸಾಧಿಸಿದ ಅಭ್ಯರ್ಥಿಗಳಿಗೆ ಆಯಾ ಗ್ರಾಮಗಳಲ್ಲಿ ಬೆಂಬಲಿಗರು ಆರತಿ ಬೆಳಗಿಸಿ ಮೆರವಣಿಗೆ ನಡೆಸಿ, ಪಟಾಕಿ ಸಿಡಿಸಿ ಸಂಭ್ರಮಿಸಿದರು.

ಗರಗಪಳ್ಳಿ, ಕರ್ಚಖೇಡ, ಚತ್ರಸಾಲ, ಬುರುಗಪಳ್ಳಿ, ಗಣಾಪುರ, ಭಕ್ತಂಪಳ್ಳಿ, ಪರದಾರ ಮೋತಕಪಳ್ಳಿ, ರಾಮತೀರ್ಥ, ಬೆಡಕಪಳ್ಳಿ, ಇರಗಪಳ್ಳಿ ಗ್ರಾಮಗಳಲ್ಲಿ ಗ್ರಾಪಂ ಚುನಾವಣೆಯಲ್ಲಿ ಗೆಲುವು ಸಾಧಿ ಸಿದವರಿಗೆ ಗ್ರಾಮಸ್ಥರು ಪೇಟ ತೊಡಿಸಿ ಹರ್ಷ ವ್ಯಕ್ತಪಡಿಸಿದರು.

ಪರದಾರ ಮೋತಕಪಳ್ಳಿ ಗ್ರಾಮದಲ್ಲಿ ನಡೆದ ಗೆಲುವಿನ ಸಂಭ್ರಮಾಚರಣೆಯಲ್ಲಿ ಮಹೆಬೂಬ್‌ ಪಟೇಲ, ಜಗದೀಶ ಪಾಟೀಲ, ರಾಮಶೆಟ್ಟಿ ಸೇರಿಕಾರ, ಜಗದೀಶ್ವರಯ್ಯ ಸ್ವಾಮಿ, ರುಕುಂ ಪಟೇಲ, ಚಾಂದಪಟೇಲ, ಮಾರುತಿ ಶರ್ಮಾ, ಮೈನೋದ್ದೀನ್‌ ಪಟೇಲ, ಚಂದ್ರಪ್ಪ ಪೂಜಾರಿ, ಮಾರುತಿ ಹಳಿಮನಿ ಇದ್ದರು.