ಮಹಿಳೆಗೆ 11.8 ಇಂಚು ಗಡ್ಡ!: ಗಿನ್ನೆಸ್‌ ದಾಖಲೆ ವೈರಲ್‌ …

Team Udayavani, Aug 13, 2023, 5:43 AM IST

ಗಿನ್ನೆಸ್‌ ವಿಶ್ವದಾಖಲೆಗಾಗಿ ಯಾವುದ್ಯಾವುದೋ ಸಾಧನೆಗಳನ್ನು ಮಾಡಿದ್ದನ್ನು ನೋಡಿದ್ದೇವೆ, ಕೇಳಿದ್ದೇವೆ.ಆದರೀಗ ಅಮೆರಿಕದ ಮಹಿಳೆಗೆ ಅತಿ ಉದ್ದದ ಗಡ್ಡ ಬಂದಿರುವ ಕಾರಣ ಆಕೆ ಗಿನ್ನೆಸ್‌ ದಾಖಲೆಯ ಗರಿಗೆ ಪಾತ್ರರಾಗಿದ್ದಾರೆ.

ಈ ವಿಚಾರವೀಗ ಜಾಲತಾಣದಲ್ಲೂ ಭಾರೀ ವೈರಲ್‌ ಆಗಿದೆ. ಮಿಚಿಗನ್‌ ಮೂಲದವರಾದ ಹನಿಕಟ್‌ ಎಂಬ ಮಹಿಳೆ ತಮ್ಮ 13ನೇ ವಯಸ್ಸಿನಲ್ಲೇ ಪಿಸಿಒಎಸ್‌ (ಹಾರ್ಮೋನು ಅಸಮತೋಲನ) ಸಮಸ್ಯೆಗೆ ಗುರಿಯಾಗಿದ್ದ ಕಾರಣ, ಅವರಿಗೆ ಗಡ್ಡದ ಮೇಲೆ ಕೂದಲು ಬೆಳೆಯಲು ಆರಂಭವಾಗಿತ್ತು ಸ್ವಲ್ಪ ಸಮಯದ ವರೆಗೂ ಅದನ್ನು ಶೇವ್‌ ಮಾಡುತ್ತಿದ್ದ ಆಕೆ ಬಳಿಕ ತಮ್ಮ ಆರೋಗ್ಯ ಸಂಪೂರ್ಣ ಹದಗೆಟ್ಟ ನಂತರ ಸೌಂದರ್ಯದ ಬಗೆಗಿನ ಕಾಳಜಿಯನ್ನೇ ಕಳೆದುಕೊಂಡರು. ನಂತರ ಆಕೆ ಪುರುಷರಂತೆ ಗಡ್ಡ ಬಿಡುವುದೇ ಫ್ಯಾಶನ್‌ ಎಂಬಂತೆ ಮುಂದುವರಿದಿದ್ದು, ಇದೀಗ ಹನಿಕಟ್‌ 11.8 ಇಂಚು ಗಡ್ಡ ಬೆಳೆಸಿ, ಗಿನ್ನೆಸ್‌ ದಾಖಲೆ ಸೃಷ್ಟಿಸಿದ್ದಾರೆ.