ತಾಲಿಬಾನಿಯರಿಂದಾಗಿ ಶೇ.40 ಮಾಧ್ಯಮ ಬಂದ್‌

Team Udayavani, Dec 25, 2021, 7:40 AM IST

ಕಾಬೂಲ್‌: ಅಫ್ಘಾನಿಸ್ಥಾನವನ್ನು ತಾಲಿಬಾನಿ ಉಗ್ರರು ವಶಪಡಿಸಿ­ಕೊಂಡ ಅನಂತರ ಮಾಧ್ಯಮಗಳ ಮೇಲೆ ಸಾಕಷ್ಟು ಒತ್ತಡ ಹೇರಲಾಗಿದ್ದು, ರಾಷ್ಟ್ರದಲ್ಲಿದ್ದ ಶೇ. 40ಕ್ಕೂ ಹೆಚ್ಚು ಮಾಧ್ಯಮಗಳು ಬಾಗಿಲು ಮುಚ್ಚಿವೆ.

ಈ ಬಗ್ಗೆ ರಿಪೋರ್ಟರ್ ವಿತ್‌ಔಟ್‌ ಬಾರ್ಡರ್‌ ಮತ್ತು ಅಫ್ಘಾನ್‌ ಇಂಡಿಪೆಂಡೆಂಟ್‌ ಜರ್ನಲಿಸ್ಟ್‌ ಅಸೋಸಿಯೇಶನ್‌ ಅವರು ಈ ಸಮೀಕ್ಷೆ ನಡೆಸಿವೆ.

ಅದರ ಪ್ರಕಾರ, ತಾಲಿಬಾನ್‌ ಆಕ್ರಮಣಕ್ಕೂ ಮೊದಲು ಅಂದರೆ ಆ.15ಕ್ಕೂ ಮೊದಲು ಅಫ್ಘಾನ್‌ನಲ್ಲಿ 543 ಮಾಧ್ಯಮಗಳಿದ್ದವು.

ಇದನ್ನೂ ಓದಿ:ಕೃಷಿ ವಿವಿಗಳಲ್ಲಿ ಖಾಲಿ ಇರುವ ಹುದ್ದೆಗಳಲ್ಲಿ ಶೇ.50 ಭರ್ತಿಗೆ ಕ್ರಮ: ಬಿ.ಸಿ.ಪಾಟೀಲ್‌

ನವೆಂಬರ್‌ ಅಂತ್ಯಕ್ಕೆ ಆ ಸಂಖ್ಯೆ 312ಕ್ಕೆ ಇಳಿದಿದೆ. 231 ಮಾಧ್ಯಮ ಸಂಸ್ಥೆಗಳು ಕೆಲಸ ನಿಲ್ಲಿಸಿವೆ. ಇದರಿಂದಾಗಿ 6400ಕ್ಕೂ ಅಧಿಕ ಪತ್ರಕರ್ತರು ಕೆಲಸ ಕಳೆದುಕೊಂಡಿದ್ದಾರೆ.

ಮಾಧ್ಯಮಗಳಲ್ಲಿ ಕೆಲಸ ಮಾಡುತ್ತಿದ್ದ ಶೇ. 80 ಮಹಿಳಾ ಸಿಬಂದಿ ಕೆಲಸ ಬಿಟ್ಟಿದ್ದಾರೆ.