Panambur ತಣ್ಣೀರುಬಾವಿ ಬೀಚ್‌ನಲ್ಲಿ 50 ಪೊಲಿಪ್ರೊಪೆಲಿನ್‌ ಬ್ಯಾಗ್‌ ಪತ್ತೆ

Team Udayavani, Jul 24, 2024, 12:32 AM IST

ಪಣಂಬೂರು: ಇಲ್ಲಿನ ತಣ್ಣೀರುಬಾವಿ ಬೀಚ್‌ನಲ್ಲಿ ಲಕ್ಷಾಂತರ ರೂಪಾಯಿ ಮೌಲ್ಯದ ತಲಾ 25 ಕೆ.ಜಿ. ತೂಕದ 50 ಪೊಲಿಪ್ರೊಪೆಲಿನ್‌ ಬ್ಯಾಗ್‌ಗಳು ಪತ್ತೆಯಾಗಿವೆ.

ಮಂಗಳವಾರ ಮುಂಜಾನೆ ಸಮುದ್ರ ತೀರದಲ್ಲಿ ಬಿದ್ದಿರುವ ಬ್ಯಾಗ್‌ ಪರಿಶೀಲಿಸಿ ದಾಗ ರಿಲಾಯನ್ಸ್‌ ಸಂಸ್ಥೆಗೆ ಸೇರಿದ ಕಚ್ಚಾ ಸರಕು ಇದಾಗಿತ್ತು. ಈ ಬಗ್ಗೆ ಬೀಚ್‌ ನಿರ್ವಹಣೆ ಮಾಡುವ ಪದ್ಮನಾಭ್‌ ಪಣಿಕ್ಕರ್‌ ಅವರು ಪಣಂಬೂರು ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ.

ಪೆಟ್ರೋಕೆಮಿಕಲ್ಸ್‌ ಉತ್ಪನ್ನವಾಗಿರುವ ಪೊಲಿಪ್ರೊಪೆಲಿನ್‌ ಪ್ಲಾಸ್ಟಿಕ್‌, ಔಷಧ ಸಹಿತ ವಿವಿಧ ಉತ್ಪನ್ನಗಳಿಗೆ ಬಳಸಲಾಗುತ್ತದೆ. ಕೆ.ಜಿ.ಗೆ ನೂರು ರೂಪಾಯಿ ದರವಿದ್ದು, ಒಂದೊಂದು ಬ್ಯಾಗ್‌ನಲ್ಲಿ 25 ಕೆ.ಜಿ. ಪತ್ತೆಯಾಗಿದೆ. ಈ ಪ್ರಕಾರ 1.25 ಲಕ್ಷ ರೂ. ಮೌಲ್ಯದ ಸೊತ್ತು ಇದಾಗಿದೆ ಎಂದು ಅಂದಾಜಿಸಲಾಗಿದೆ.