“8ನೇ ವೇತನ ಆಯೋಗ ರಚಿಸಲ್ಲ”- ಕೇಂದ್ರ ಸರಕಾರ

Team Udayavani, Dec 2, 2023, 12:33 AM IST

ಹೊಸದಿಲ್ಲಿ: 8ನೇ ವೇತನ ಆಯೋಗವನ್ನು ರಚಿಸುವ ಯಾವುದೇ ಯೋಜನೆ ನಮ್ಮ ಮುಂದಿಲ್ಲ ಎಂದು ಕೇಂದ್ರ ಸರಕಾರ ಸ್ಪಷ್ಟಪಡಿಸಿದೆ. 54 ಲಕ್ಷ ಕೇಂದ್ರ ಸರಕಾರಿ ನೌಕರರು, ಪಿಂಚಣಿದಾರರ ವೇತನ ಪರಿಷ್ಕರಿಸಲು ಕೇಂದ್ರ ಸರಕಾರ ಈ ಕ್ರಮವನ್ನು ತೆಗೆದುಕೊಳ್ಳಬಹುದೇ ಎಂಬ ಊಹಾಪೋಹ ಹಬ್ಬಿರುವ ಹಿನ್ನೆಲೆಯಲ್ಲಿ ಕೇಂದ್ರ ವಿತ್ತ ಕಾರ್ಯದರ್ಶಿ ಟಿ.ವಿ.ಸೋಮನಾಥನ್‌ ಈ ಪ್ರತಿಕ್ರಿಯೆ ನೀಡಿದ್ದಾರೆ. ಮುಂದಿನ ವರ್ಷ ಲೋಕಸಭಾ ಚುನಾವಣೆ ನಡೆಯಲಿದೆ.

ಸಾಮಾನ್ಯವಾಗಿ ಲೋಕಸಭಾ ಚುನಾವಣೆ ಎದುರಿರುವಾಗ ಹಿಂದಿನ ಸರಕಾರಗಳು ವೇತನ ಆಯೋಗ ರಚಿಸುವ ತಂತ್ರ ಮಾಡುತ್ತಿದ್ದವು. 2013, ಸೆಪ್ಟಂಬರ್‌ನಲ್ಲಿ ಯುಪಿಎ ಸರಕಾರ ಇನ್ನೇನು ಚುನಾವಣೆಗೆ ಕೆಲವೇ ತಿಂಗಳಿರುವಾಗ 7ನೇ ವೇತನ ಆಯೋಗ ರಚಿಸಿತ್ತು. ಆದರೆ ಈಗ ಇಂತಹ ಕ್ರಮಕ್ಕೆ ಮುಂದಾ ಗುವ ಉದ್ದೇಶ ಪ್ರಸ್ತುತ ಬಿಜೆಪಿ ಸರಕಾರಕ್ಕೆ ಇಲ್ಲವೆನ್ನಲಾಗಿದೆ. ಬದಲಿಗೆ ಹೊಸ ಪಿಂಚಣಿ ಪದ್ಧತಿ ಪರಿಶೀಲಿಸಲು ಸರಕಾರ ಮುಂದಾಗಿದೆ.