ಒಂದು ಬಿಝಿನೆಸ್‌ ಐಡಿಯಾ: ಉಪ್ಪಿನಕಾಯಿ

Team Udayavani, May 11, 2020, 11:48 AM IST

ಉಪ್ಪಿನಕಾಯಿ ಇಲ್ಲದಿದ್ದರೆ, ಕೆಲವರಿಗೆ ಊಟ ರುಚಿಸುವುದಿಲ್ಲ. ಮನೆಯಲ್ಲೇ ಉಪ್ಪಿನಕಾಯಿ ತಯಾರಿಸಿ ಮಾರುವುದು, ಒಂದೊಳ್ಳೆಯ ಸಂಪಾದನೆ ಮಾರ್ಗ. ಎಲ್ಲಾ ಕಾಲಕ್ಕೂ ಸಲ್ಲುವ ಉಪ್ಪಿನಕಾಯಿಗೆ, ವರ್ಷಪೂರ್ತಿ ಬೇಡಿಕೆ ಇದ್ದೇ ಇರುತ್ತದೆ. ಈಗಂತೂ, ಉಪ್ಪಿನಕಾಯಿಗಳಲ್ಲಿ ಥರಹೇವಾರಿ ವೆರೈಟಿಗಳಿವೆ. ಇವುಗಳಲ್ಲಿ ಯಾವೆಲ್ಲಾ  ಬಗೆಯ ಉಪ್ಪಿನಕಾಯಿಗಳನ್ನು ತಯಾರಿಸಬಹುದು ಎಂಬುದನ್ನು, ಮೊದಲು ಪಟ್ಟಿ ಮಾಡಿಟ್ಟುಕೊಳ್ಳಬೇಕು. ಮಾರುಕಟ್ಟೆಯಲ್ಲಿ, ಯಾವುದಕ್ಕೆ ಡಿಮ್ಯಾಂಡ್‌ ಇದೆ, ಅಕ್ಕಪಕ್ಕದ ಮನೆಗಳಲ್ಲಿ ಯಾವ ಬಗೆಯ ಉಪ್ಪಿನಕಾಯನ್ನು ಹೆಚ್ಚಾಗಿ ಬಳಸುತ್ತಿದ್ದಾರೆ ಎಂದು ತಿಳಿದುಕೊಂಡರೆ, ಮಾರ್ಕೆಟಿಂಗ್‌ ಕಂಡುಕೊಳ್ಳಲು ಸಹಾಯವಾಗುತ್ತದೆ. ಉಪ್ಪಿನಕಾಯಿಯನ್ನು ದೀರ್ಘ‌ಕಾಲ ಸಂರಕ್ಷಿಸಲು, ಸಾಮಾನ್ಯವಾಗಿ ವಿನೆಗರ್‌ ಅನ್ನು ಬಳಸಲಾಗುತ್ತದೆ. ಅಥವಾ, ಉಪ್ಪಿನ ದ್ರಾವಣವನ್ನೂ ಬಳಸುವು ದುಂಟು.

ಸಿದ್ಧಪಡಿಸಿದ ಉಪ್ಪಿನಕಾಯಿ ತುಂಬಿಡಲು, ಪ್ಲಾಸ್ಟಿಕ್‌ ಅಥವಾ ಗಾಜಿನ ಜಾರ್‌ಗಳನ್ನು ಬಳಸಬಹುದು. ಉಪ್ಪಿನಕಾಯಿ, ಎಫ್.ಎಮ್. ಸಿ.ಜಿ (ಫಾಸ್ಟ್ ಮೂವಿಂಗ್‌ ಕನ್ಸೂಮರ್‌ ಗೂಪ್ಸ್) ವಿಭಾಗಕ್ಕೆ ಸೇರುವುದರಿಂದ, ಆದಾಯ ವಿಳಂಬವಾಗುವುದಿಲ್ಲ. ಮನೆಗೆ ಬಂದವರಿಗೆ, ಸಭೆ- ಸಮಾರಂಭಗಳಲ್ಲಿ ಉಪ್ಪಿನಕಾಯಿ ಫ್ರಿ ಸ್ಯಾಂಪಲ್‌ ನೀಡುವುದರಿಂದ, ಮಾರಾಟ ಹೆಚ್ಚಿಸಿಕೊಳ್ಳಬಹುದು.