Udupi: ಕಟ್ಟಿಗೆ ಕಡಿಯುತ್ತಿದ್ದ ವ್ಯಕ್ತಿ ಸಾವು

Team Udayavani, Nov 17, 2023, 12:50 AM IST

ಉಡುಪಿ: ಕಟ್ಟಿಗೆ ಕಡಿಯುತ್ತಿದ್ದ ವ್ಯಕ್ತಿ ಸಾವನ್ನಪ್ಪಿದ ಘಟನೆ ನಡೆದಿದೆ. ಮಣಿಪಾಲದ ಸರೋಜಾ ಅವರ ಪತಿ ಮುರುಗೇಶ್‌ ಸಾವನ್ನಪ್ಪಿದವರು. ಮುರುಗೇಶ್‌ ಅವರು ಮನೆಯ ಹತ್ತಿರವಿರುವ ಹಾಡಿಯಲ್ಲಿ ಮರ ವನ್ನು ಹತ್ತಿ ಒಣ ಕಟ್ಟಿಗೆಯನ್ನು ತೆಗೆಯುತ್ತಿದ್ದರು. ಸ್ವಲ್ಪ ಸಮಯದ ಬಳಿಕ ಅವರ ಪತ್ನಿ ಕರೆದಾಗ ಸ್ಪಂದಿಸಿರಲಿಲ್ಲ. ಬಳಿಕ ಮರದ ಹತ್ತಿರ ಹೋದಾಗ ಮುರುಗೇಶ್‌ ಅವರು ಮರದ ಕೆಳಗೆ ಅಂಗಾತ ಬಿದ್ದಿದ್ದು, ಅವರನ್ನು ಮುಟ್ಟಿ ಮಾತನಾಡಿಸಿದಾಗ ಅವರು ಪ್ರಜ್ಞಾಹೀನರಾಗಿದ್ದರು. ಕೂಡಲೇ ಅವರನ್ನು ಆಟೋ ರಿಕ್ಷಾದಲ್ಲಿ ಜಿಲ್ಲಾಸ್ಪತ್ರೆಗೆ ಕರೆದು ಕೊಂಡು ಹೋಗಲಾಯಿತು.

ವೈದ್ಯರು ಪರೀಕ್ಷಿಸಿ ಮುರುಗೇಶ್‌ ಅವರು ಮೃತಪಟ್ಟಿರುವುದಾಗಿ ತಿಳಿಸಿದ್ದಾರೆ ಎಂದು ಮಣಿಪಾಲ ಠಾಣೆ ಯಲ್ಲಿ ನೀಡಿರುವ ದೂರಿನಲ್ಲಿ ಉಲ್ಲೇಖಸಿಲಾಗಿದೆ.