Plane: ವಿಮಾನದ ಶೌಚಾಲಯದಲ್ಲಿ 1 ಗಂಟೆ ಕಾಲ ಸಿಲುಕಿ ಪರದಾಡಿದ ಪ್ರಯಾಣಿಕ!

Team Udayavani, Jan 18, 2024, 12:05 AM IST

ಹೊಸದಿಲ್ಲಿ: ಮುಂಬಯಿನಿಂದ ಬೆಂಗಳೂರಿಗೆ ಸಂಚರಿಸುತ್ತಿದ್ದ ಸ್ಪೈಸ್‌ಜೆಟ್‌ ವಿಮಾನದಲ್ಲಿ ಶೌಚಾಲಯದ ಬಾಗಿಲು ರಿಪೇರಿಯಾಗಿ ಪ್ರಯಾಣಿಕರೊಬ್ಬರು ಒಂದು ಗಂಟೆಗೂ ಹೆಚ್ಚು ಕಾಲ ಸಿಲುಕಿಕೊಂಡ ಘಟನೆ ಮಂಗಳವಾರ ವರದಿಯಾಗಿದೆ. ಮುಂಬ ಯಿಯಂದ ಸೋಮ ವಾರ ರಾತ್ರಿ 10.55ಕ್ಕೆ ಹೊರಡ ಬೇಕಿದ್ದ ಸ್ಪೈಸ್‌ಜೆಟ್‌ ವಿಮಾನ ತಡವಾಗಿ ಮಧ್ಯರಾತ್ರಿ 2 ಗಂಟೆಗೆ ಹೊರಡಿತು. ಮಾರ್ಗಮಧ್ಯೆ ಪ್ರಯಾಣಿಕ ರೊಬ್ಬರು ಶೌಚಾಲಯಕ್ಕೆ ತೆರಳಿದ್ದರು. ಆದರೆ ಹೊರಗೆ ಬರಲು ಬಾಗಿಲು ತೆಗೆಯಲು ಅವರಿಗೆ ಆಗಲೇ ಇಲ್ಲ.

ವಿಮಾನ ಸಿಬ್ಬಂದಿ ಹೊರಗಿನಿಂದ ಎಷ್ಟೇ ಪ್ರಯತ್ನಿಸಿದರೂ ಬಾಗಿಲು ತೆರೆಯಲು ಸಾಧ್ಯವಾಗಲಿಲ್ಲ. ವಿಮಾನ ಬೆಂಗಳೂರಿನಲ್ಲಿ ಲ್ಯಾಂಡಿಂಗ್‌ ಆಗುವವರೆಗೂ ಅವರು ಶೌಚಾಲಯದಲ್ಲೇ ಕುಳಿತುಕೊಳ್ಳಬೇಕು. ನಂತರ ಎಂಜಿನಿಯರ್‌ಗಳು ಧಾವಿಸಿ, ಬಾಗಿಲನ್ನು ತೆರೆದರು. ಹೊರಗೆ ಬಂದ ಪ್ರಯಾಣಿಕರಿಗೆ ಕೂಡಲೇ ಪ್ರಥಮ ಚಿಕಿತ್ಸೆ ನೀಡಲಾಯಿತು. ಘಟನೆ ಕುರಿತು ಪ್ರಯಾಣಿಕನಿಗೆ ಸ್ಪೈಸ್‌ ಜೆಟ್‌ ಕ್ಷಮೆ ಕೇಳಿದೆ. ಅಲ್ಲದೇ ಟಿಕೆಟ್‌ ದರವನ್ನು ಮರುಪಾವತಿ ಮಾಡುವುದಾಗಿ ಹೇಳಿದೆ.