Pro Kabaddi: ಯುಪಿ ಯೋಧಾಸ್‌ ವಿರುದ್ಧ ತಲೈವಾಸ್‌ಗೆ ಅಪರೂಪದ ಜಯ

Team Udayavani, Jan 11, 2024, 12:07 AM IST

ಮುಂಬಯಿ: ತಮಿಳ್‌ ತಲೈವಾಸ್‌ 10ನೇ ಪ್ರೊ ಕಬಡ್ಡಿ ಸೀಸನ್‌ನಲ್ಲಿ ಅಪರೂಪದ ಜಯ ಗಳಿಸಿದೆ. ಬುಧವಾರದ ಮುಖಾಮುಖೀಯಲ್ಲಿ ಯುಪಿ ಯೋಧಾಸ್‌ಗೆ 46-27 ಅಂತರದ ದೊಡ್ಡ ಸೋಲುಣಿಸಿತು.

ಇದು 11 ಪಂದ್ಯಗಳಲ್ಲಿ ತಮಿಳ್‌ ಸಾಧಿಸಿದ ಕೇವಲ 3ನೇ ಜಯ. ಸತತ 7 ಸೋಲುಗಳ ಬಳಿಕ ಸಾಧಿಸಿದ ಮೊದಲ ಗೆಲುವು. ಯೋಧಾಸ್‌ 12 ಪಂದ್ಯಗಳಲ್ಲಿ 8ನೇ ಸೋಲನುಭವಿಸಿತು.

ತಲೈವಾಸ್‌ ಆರಂಭ ಅದ್ಭುತವಾಗಿತ್ತು. ಕೇವಲ ಏಳೇ ನಿಮಿಷದಲ್ಲಿ ಎದುರಾಳಿಯನ್ನು ಆಲೌಟ್‌ ಮಾಡಿ 11-2 ಅಂತರದ ಮುನ್ನಡೆ ಸಾಧಿಸಿತು. ರೈಡರ್‌ ನರೇಂದರ್‌ ಗೆಲುವಿನಲ್ಲಿ ಮಹತ್ವದ ಪಾತ್ರ ವಹಿಸಿದರು. ಇವರದು ಸರ್ವಾಧಿಕ 14 ಅಂಕಗಳ ಸಾಧನೆ. ನಾಯಕ ಸಾಗರ್‌ 6, ರೈಡರ್‌ ಅಜಿಂಕ್ಯ ಪವಾರ್‌ ಮತ್ತು ಡಿಫೆಂಡರ್‌ ಸಾಹಿಲ್‌ ಗುಲಿಯ ತಲಾ 5 ಅಂಕ ತಂದಿತ್ತರು. ಯೋಧಾಸ್‌ ಪರ ಆಲ್‌ರೌಂಡರ್‌ ವಿಜಯ್‌ ಮಲಿಕ್‌ ಏಕಾಂಗಿಯಾಗಿ ಹೋರಾಡಿ 10 ಅಂಕ ಗಳಿಸಿದರು.

ಮುಂಬಾ ಪಂದ್ಯ ಟೈ
ಅತ್ಯಂತ ರೋಚಕವಾಗಿ ಸಾಗಿದ ಯು ಮುಂಬಾ-ಹರ್ಯಾಣ ಪಂದ್ಯ 44-44ರಿಂದ ಟೈ ಆಯಿತು.