ಅಗ್ರಸೇನಾನಿ ಚಿತ್ರದ ಹಾಡಿಗೆ ದನಿಯಾದ ಪಟ್ನಾಯಕ್

Team Udayavani, Dec 26, 2020, 12:49 PM IST

“ವೈಷ್ಣವಿ ಸಿನಿಮಾಸ್‌’ ಲಾಂಛನದಲ್ಲಿ ಮಮತಾ ಜಯರಾಮ ರೆಡ್ಡಿ ಅವರು ನಿರ್ಮಿಸುತ್ತಿರುವ ಅಗ್ರಸೇನಾ ಚಿತ್ರಕ್ಕೆ ಆರ್‌.ಪಿ.ಪಟ್ನಾಯಕ್‌ ಹಾಡು ಹಾಡಿದ್ದಾರೆ.

ಎನ್‌.ಕೆ. ಮುರುಗೇಶ್‌ ಅವರ ನಿರ್ದೇಶನದಲ್ಲಿ ಮೂಡಿಬರುತ್ತಿರುವ ಈ ಚಿತ್ರದ ಹಾಡೊಂದಕ್ಕೆ ಹೆಸರಾಂತ ಸಂಗೀತ ನಿರ್ದೇಶಕ ಆರ್‌ಪಿ.ಪಟ್ನಾಯಕ್‌ ಅವರು ದನಿಯಾಗಿದ್ದಾರೆ. ಎಕ್ಸ್‌ ಕ್ಯೂಸ್‌ಮೀ ಚಿತ್ರದ ಮೂಲಕ ಕನ್ನಡ ಚಿತ್ರರಂಗಕ್ಕೆ ಎಂಟ್ರಿಕೊಟ್ಟಿದ್ದ ಆರ್‌ಪಿ ಪಟ್ನಾಯಕ್‌ ಉತ್ತಮ ಗಾಯಕನಾಗಿಯೂ ಹೆಸರು ಮಾಡಿದವರು.

ಬಹಳ ದಿನಗಳ ನಂತರ ಇದೀಗ ಅವರು ಕನ್ನಡ ಚಿತ್ರವೊಂದಕ್ಕೆ ಹಾಡಿರುವುದು ವಿಶೇಷ. ಈ ಚಿತ್ರದಲ್ಲಿ ತಂದೆಯ
ಪ್ರಾಮುಖ್ಯತೆಯನ್ನು ಹೇಳುವಂಥ ಸೂರ್ಯನಂತೆ ಊರಿಗೆ, ಚಂದ್ರನಂತೆ ಸೂರಿಗೆ ಬೆಳಗುತ್ತಿದ್ದ ನಿನ್ನ ಅಪ್ಪಯ್ಯ ಎನ್ನುವ
ಮನಮಿಡಿಯುವ ಹಾಡನ್ನು ಹಾಡಿದ್ದಾರೆ.

ಇದನ್ನೂ ಓದಿ:ಶ್ರೀಲೀಲಾ ನಟನೆಯ ಬೈ ಟು ಲವ್‌ ಚಿತ್ರಕ್ಕೆ ಮುಹೂರ್ತ

ಎನ್‌.ಕೆ. ಮುರುಗೇಶ್‌ ಅವರ ನಿರ್ದೇಶನವಿದೆ. ಈ ಚಿತ್ರಕ್ಕೆ ಎಂ.ಎಸ್‌.ತ್ಯಾಗರಾಜ್‌ ಅವರ ಸಂಗೀತದಲ್ಲಿ ಮೂಡಿಬಂದಿರುವ ಈ
ಹಾಡಿನ ಸಾಹಿತ್ಯವನ್ನು ವಿಜಯ್‌ ಚಿತ್ರದುರ್ಗ ರಚಿಸಿದ್ದಾರೆ. ಚಿತ್ರಕ್ಕೆ ಆರ್‌.ಪಿ.ರೆಡ್ಡಿ ಅವರ ಛಾಯಾಗ್ರಹಣ, ವಿಜಯ್‌
ಎಂ.ಕುಮಾರ್‌ ಅವರ ಸಂಕಲನ ಈ ಚಿತ್ರಕ್ಕಿದ್ದು, ರಾಮಕೃಷ್ಣ, ರಚನಾ ದಶರಥ್‌, ಅಮರ್‌, ಹತ್ವಿಕ್‌ ಕೃಷ್ಣರಾಜ್‌, ಉಗ್ರಂ ಮಂಜು, ಮೋಹನ್‌ ಜುನೇಜಾ ಹಾಗೂ ಬೇಬಿ ತನುಷ್ಕಾ ಈ ಚಿತ್ರದ ಪ್ರಮಖ ತಾರಾಬಳಗದಲ್ಲಿದ್ದಾರೆ.