AI News: ದಾಳಿಯ ನಿಯಂತ್ರಣಕ್ಕೂ ಎಐ

Team Udayavani, Oct 14, 2023, 10:27 PM IST

ಈಗಾಗಲೇ ಬಹುತೇಕ ಎಲ್ಲ ಕ್ಷೇತ್ರಗಳನ್ನೂ ವ್ಯಾಪಿಸಿರುವ ಕೃತಕ ಬುದ್ಧಿಮತ್ತೆ (ಎಐ) ಇದೀಗ ರಕ್ಷಣಾ ವ್ಯವಸ್ಥೆಯಲ್ಲಿ ತಾನೇ ರಕ್ಷಣೆಯ ಹೊಣೆಹೊರುವ ಹಂತಕ್ಕೂ ತಲುಪಿದೆ!ಹೌದು, ರಕ್ಷಣಾ ಕ್ಷೇತ್ರಗಳಲ್ಲಿ ಬಳಕೆಯಾಗುತ್ತಿರುವ ರೊಬೋಟ್‌ಗಳ ಮೇಲೆ ಸೈಬರ್‌ದಾಳಿ ನಡೆಸಿ, ಅವುಗಳನ್ನು ನಿಷ್ಕ್ರಿಯಗೊಳಿಸುವ ತಂತ್ರಗಳನ್ನು ಇನ್ನುಮುಂದೆ ಎಐ ಮಟ್ಟಹಾಕಲಿದೆ. ಆಸ್ಟ್ರೇಲಿಯಾದ ಸಂಶೋಧಕರು ಎಐ ಚಾಲಿತ ಅಲ್ಗೊàರಿದಮ್‌ ಎನ್ನುವ ತಂತ್ರಜ್ಞಾನವೊಂದನ್ನು ಅಭಿವೃದ್ಧಿ ಪಡಿಸಿದ್ದಾರೆ.

ಇದು ರಕ್ಷಣಾ ರೊಬೋಟ್‌ಗಳ ಮೇಲೆ ನಡೆಯಲಿರುವ ಸಂಭಾವ್ಯ ಸೈಬರ್‌ದಾಳಿಗಳನ್ನು ಪತ್ತೆ ಹಚ್ಚಿ, ನಿಷ್ಕ್ರಿಯಗೊಳಿಸುತ್ತದೆ. ಅಮೆರಿಕ ಸೇನೆಯ ಯುದ್ಧವಾಹನ ಒಂದರ ಮೇಲೆ ಇಂಥ ಸೈಬರ್‌ ದಾಳಿ ನಡೆವ ಪ್ರಯೋಗ ಸೃಷ್ಟಿಸಿ, ಎಐ ತಂತ್ರಜ್ಞಾನದ ಮೂಲಕ ಅದನ್ನು ತಡೆಯುವ ಪರೀಕ್ಷೆ ನಡೆಸಲಾಗಿದ್ದು, ಅದರಲ್ಲಿ ಎಐ ಶೇ.99ರಷ್ಟು ಖಚಿತವಾಗಿ ಕಾರ್ಯನಿರ್ವಹಿಸಿದೆ.