ಐಪಿಎಲ್‌ನಲ್ಲಿ ಕೋಟಿ ಸಿಗುತ್ತಿದ್ದಂತೆ ಪಾಕಿಸ್ಥಾನ ಲೀಗ್‌ ತೊರೆದ ಹೇಲ್ಸ್‌

Team Udayavani, Feb 15, 2022, 11:00 PM IST

ಮುಂಬಯಿ: ಐಪಿಎಲ್‌ ಮೆಗಾ ಹರಾಜು ಮುಕ್ತಾಯದ ಬೆನ್ನಲ್ಲೇ ಇಂಗ್ಲೆಂಡ್‌ನ‌ ಸ್ಟಾರ್‌ ಆಟಗಾರ ಅಲೆಕ್ಸ್‌ ಹೇಲ್ಸ್‌ ಪಾಕಿಸ್ಥಾನ ಸೂಪರ್‌ ಲೀಗ್‌ನಿಂದ ಹಿಂದೆ ಸರಿದಿದ್ದಾರೆ.

ಇಸ್ಲಾಮಾಬಾದ್‌ ಯುನೈಟೆಡ್‌ ತಂಡದ ಭಾಗವಾಗಿದ್ದ ಹೇಲ್ಸ್‌ ವೈಯಕ್ತಿಕ ಕಾರಣ ನೀಡಿ ಟೂರ್ನಿಯಿಂದ ಹಿಂದೆ ಸರಿದಿರುವುದಾಗಿ ತಿಳಿಸಿದ್ದಾರೆ. ವಿಶೇಷ ಎಂದರೆ ಅಲೆಕ್ಸ್‌ ಹೇಲ್ಸ್‌ ಎರಡು ದಿನಗಳ ಹಿಂದೆಯಷ್ಟೇ ಐಪಿಎಲ…ನಲ್ಲಿ ಅವಕಾಶ ಪಡೆದಿದ್ದರು.

ಐಪಿಎಲ್‌ 2022ರ ಮೆಗಾ ಹರಾಜಿನಲ್ಲಿ ಕೋಲ್ಕತಾ ನೈಟ್‌ ರೈಡರ್ಸ್‌ ಅವರನ್ನು ಒಂದೂವರೆ ಕೋಟಿ ರೂ.ಗೆ ಖರೀದಿಸಿದೆ. ಇತ್ತ ಐಪಿಎಲ್‌ ಗುತ್ತಿಗೆ ಪಡೆಯುತ್ತಿದ್ದಂತೆ ಹೇಲ್ಸ್‌ ಪಾಕಿಸ್ಥಾನ್‌ ಸೂಪರ್‌ ಲೀಗ್‌ಗೆ ವಿದಾಯ ಹೇಳಿದ್ದಾರೆ.

ಇದನ್ನೂ ಓದಿ:ಬಂಜಾರ ಸಮುದಾಯದ ಅಭಿವೃದ್ಧಿಗೆ ಅಗತ್ಯ ನೆರವು :  ಬೊಮ್ಮಾಯಿ

ಆರಂಭಿಕ ಆಟಗಾರ ಹೇಲ್ಸ್‌ ವೈಯಕ್ತಿಕ ಕಾರಣಗಳಿಂದ ಪಾಕಿಸ್ಥಾನ ಸೂಪರ್‌ ಲೀಗ್‌ನಿಂದ ಹಿಂದೆ ಸರಿದಿದ್ದಾರೆ. ಅವರ ಭವಿಷ್ಯಕ್ಕಾಗಿ ನಾವು ಶುಭ ಹಾರೈಸುತ್ತೇವೆ ಎಂದು ಇಸ್ಲಾಮಾಬಾದ್‌ ಯುನೈಟೆಡ್‌ ಫ್ರಾಂಚೈಸಿ ತಿಳಿಸಿದೆ.