ಅನಾಮಿಕ ಶ್ರೀಮಂತರು: ಆನಂದ್‌ ಬರ್ಮನ್‌

Team Udayavani, Jun 8, 2020, 5:04 AM IST

ಡಾಬರ್‌ ಉದ್ಯಮ ಕುಟುಂಬದ 5ನೇ ತಲೆಮಾರಿಗೆ ಸೇರಿದ ವರು ಆನಂದ್‌ ಬರ್ಮನ್‌. ಮೂಲತಃ ಪಂಜಾಬಿ  ನವರಾದ ಬರ್ಮನ್‌ ಕುಟುಂಬ, ಬಂಗಾಳದಲ್ಲಿ ನೆಲೆನಿಂತಿತು. ವಿದೇಶದಲ್ಲಿ ಕಾಲೇಜು ಶಿಕ್ಷಣ ಪೂರ್ತಿಗೊಳಿಸಿದ ಆನಂದ್‌,  ಫಾರ್ಮಾಸೂಟಿಕಲ್‌ ರಸಾಯನ ಶಾಸOಉದಲ್ಲಿ ಡಾಕ್ಟರೇಟ್‌ ಪದವಿ ಪಡೆದಿದ್ದಾರೆ. ಡಾಬರ್‌ ಸಂಸ್ಥೆ, ಆಯುರ್ವೇ ದಿಕ್‌ ಉತ್ಪನ್ನಗಳನ್ನು ತಯಾರಿಸಿದ್ದರ ಹಿಂದೆ, ಪಾರಂಪರಿಕ ಔಷಧ ವಿಜ್ಞಾನದ ಬಗೆಗೆ ಆನಂದ್‌ ಅವರಿಗಿರುವ ಒಲವೇ  ಕಾರಣ. ಇಂದು ಅಪಾರ ಜನಪ್ರಿಯತೆ ಪಡೆದಿರುವ ಡಾಬರ್‌ ಹೇರ್‌ ಆಯಿಲ್‌, ಟೂತ್‌ ಪೇಸ್ಟ್‌, ಪ್ಯಾಕೇಜ್ ಜ್ಯೂಸ್‌ ಸೇರಿದಂತೆ, ಹಲವು ಹೋಂ ಕೇರ್‌ ಉತ್ಪನ್ನಗಳನ್ನು ಡಾಬರ್‌ ಕಂಪನಿ ಹೊರತರುತ್ತಿದೆ.

ರೀಸರ್ಚ್‌ ಅಂಡ್‌  ಡೆವೆಲಪ್‌ಮೆಂಟ್‌ ವಿಭಾಗದಲ್ಲಿ ಮಾನೇಜರ್‌ ಆಗಿ ಕಂಪನಿ ಸೇರಿದ  ಆನಂದ್‌, ತಮ್ಮದೇ ಸಂಸ್ಥೆಯಲ್ಲಿ ಚೇರ್‌ವೆುನ್‌ ಹುದ್ದೆಯನ್ನು ವಹಿಸಿಕೊಂಡಿದ್ದು ಸರಿಯಾಗಿ 27 ವರ್ಷಗಳ ನಂತರ. ಕಳೆದ ವರ್ಷವಷ್ಟೇ ಅವರು ಚೇರ್‌ವೆುನ್‌  ಹುದ್ದೆಯಿಂದ ನಿವೃತ್ತಿ ಹೊಂದಿದರು. ಪ್ರಸ್ತುತ, ಆನಂದ್‌ರ ಸೋದರ ಅಮಿತ್‌, ಡಾಬರ್‌ನ ಚೇರ್‌ಮನ್‌ ಆಗಿದ್ದಾರೆ. ಆನಂದ್‌ ಬರ್ಮನ್‌, ಡಾಬರ್‌ ಮಾತ್ರವಲ್ಲದೆ ಹೀರೊ ಮೋಟೋ ಕಾರ್ಪ್‌, ಆಲ್ತಿಯಾ, ಎಸ್ತರ್‌ ಇಂಡಸ್ಟ್ರೀಸ್‌   ಸೇರಿದಂತೆ ವಿಮೆ, ರಿಯಲ್‌ ಎಸ್ಟೇಟ್‌, ನ್ಪೋರ್ಟ್ಸ್ ಸಂಬಂಧಿತ ಹಲವು ಸಂಸ್ಥೆಗಳ ನಿರ್ದೇಶಕ ಮಂಡಳಿಯಲ್ಲಿ ಸೇವೆ ಸಲ್ಲಿಸಿದ್ದಾರೆ.

ಉದ್ಯೋಗ: ಚೇರ್‌ವೆುನ್‌
ಸಂಸ್ಥೆ: ಡಾಬರ್‌
ಹವ್ಯಾಸ: ಸ್ಯಾಕ್ಸೊಫೋನ್‌ ನುಡಿಸುವುದು
ಸಂಪತ್ತು: 15,100 ಕೋಟಿ ರೂ.