Bangalore City University: ಪಿಎಚ್‌ಡಿ ಕೇಂದ್ರಗಳಿಗೆ ಅರ್ಜಿ ಆಹ್ವಾನ

Team Udayavani, Nov 5, 2023, 8:48 PM IST

ಬೆಂಗಳೂರು: ಮಾನವಿಕ, ಭಾಷೆಗಳು, ವಿಜ್ಞಾನ, ವಾಣಿಜ್ಯ, ವ್ಯವಸ್ಥಾಪನೆ ಮತ್ತು ಶಿಕ್ಷಣ ಕ್ಷೇತ್ರದಲ್ಲಿ ಸಂಶೋಧನೆ ಮತ್ತು ಪಿಎಚ್‌ಡಿ ಹೀಗೆ ಹಲವು ಕಾರ್ಯಕ್ರಮ ನಡೆಸಲು ತನ್ನ ಸಂಯೋಜಿತ ಕಾಲೇಜುಗಳ ಅರ್ಹ ಸ್ನಾತಕೋತ್ತರ ವಿಭಾಗಗಳು, ಸಂಶೋಧನಾ ಕೇಂದ್ರಗಳು, ಪ್ರಯೋಗಾಲಯಗಳಿಂದ ಅರ್ಜಿಯನ್ನು ಬೆಂಗಳೂರು ನಗರ ವಿವಿ ಆಹ್ವಾನಿಸಿದೆ.

ಈ ವೇಳೆ ಅನುಮತಿ ಪಡೆದು ನಾಲ್ಕು ವರ್ಷ ಪೂರ್ಣವಾಗಿರುವ ಸಂಶೋಧನಾ ಕೇಂದ್ರಗಳು ಅನುಮತಿ ನವೀಕರಣಕ್ಕಾಗಿ ಅರ್ಜಿ ಸಲ್ಲಿಸುವಂತೆ ವಿವಿಯ ಕುಲಸಚಿವರು ಸೂಚಿಸಿದ್ದಾರೆ.
ಆಸಕ್ತ ಕಾಲೇಜುಗಳ ಪ್ರಾಂಶುಪಾಲರು ನ.20ರೊಳಗೆ ನಿಗದಿತ ಶುಲ್ಕದೊಂದಿಗೆ ಅರ್ಜಿ ಸಲ್ಲಿಸಬಹುದು. ಹಾಗೆಯೇ ನ.29ರೊಳಗೆ ತಡ ಶುಲ್ಕ ಸಹಿತ ಅರ್ಜಿ ಸಲ್ಲಿಸಲು ಅವಕಾಶ ಕಲ್ಪಿಸಲಾಗಿದೆ. ಹೆಚ್ಚಿನ ಮಾಹಿತಿಗಾಗಿ ನಗರ ವಿವಿಯ ವೆಬ್‌ಸೈಟ್‌ಗೆ ಭೇಟಿ ನೀಡುವಂತೆ ಕುಲಸಚಿವರು ತಿಳಿಸಿದ್ದಾರೆ.