Australia: ವಲಸಿಗರ ನಿಯಂತ್ರಣಕ್ಕೆ ಆಸೀಸ್‌ ಚಿಂತನೆ

Team Udayavani, Dec 12, 2023, 8:52 PM IST

ಕ್ಯಾನ್ಬೆರಾ: ಪ್ರತಿವರ್ಷ ಆಸ್ಟ್ರೇಲಿಯಾಗೆ ಬರುತ್ತಿರುವ ವಲಸಿಗರ ಸಂಖ್ಯೆ ಗಣನೀಯವಾಗಿ ಹೆಚ್ಚಳವಾಗುತ್ತಿದ್ದು, ಅದನ್ನು ಶೇ.50ರಷ್ಟು ಇಳಿಕೆ ಮಾಡುವ ನಿಟ್ಟಿನಲ್ಲಿ ವಲಸೆ ನಿಯಮಗಳನ್ನು ಕಠಿಣಗೊಳಿಸಲು ಅಲ್ಲಿನ ಸರ್ಕಾರ ಯೋಜಿಸಿದೆ. ಪ್ರತಿವರ್ಷ 5,10,000 ಮಂದಿ ವಲಸಿಗರು ಆಸ್ಟ್ರೇಲಿಯಾಗೆ ಆಗಮಿಸುತ್ತಿದ್ದಾರೆ.

2025ರ ವೇಳೆಗೆ ಈ ಸಂಖ್ಯೆಯನ್ನು 2.50 ಲಕ್ಷಕ್ಕೆ ಇಳಿಸಲು ಸರ್ಕಾರ ಯೋಜಿಸಿದೆ. ವಲಸಿಗರ ಪೈಕಿ ವಿದ್ಯಾರ್ಥಿಗಳು ಮತ್ತು ವೃತ್ತಿಪರರು ಹೆಚ್ಚಾಗಿರುವ ಹಿನ್ನೆಲೆಯಲ್ಲಿ ಅವರನ್ನು ಗುರಿಯಾಗಿಸಿಯೇ ನಿಯಮಗಳನ್ನು ಕಠಿಣಗೊಳಿಸಲು ಸಿದ್ಧತೆ ನಡೆದಿದೆ. ವಿದ್ಯಾಭ್ಯಾಸಕ್ಕೆ ಬರುವ ವಿದ್ಯಾರ್ಥಿಗಳಿಗೆ ಇಂಗ್ಲೀಷ್‌ ಪರೀಕ್ಷೆಯನ್ನು ಮತ್ತಷ್ಟು ಕಠಿಣಗೊಳಿಸಿ ಜಾರಿಗೊಳಿಸುವ ಸಾಧ್ಯತೆ ಇದೆ. ಕಡಿಮೆ ವೃತ್ತಿಕೌಶಲ್ಯ ಇದ್ದವರಿಗೆ ಪ್ರವೇಶ ನಿರಾಕರಿಸಲು ಯೋಜಿಸಲಾಗಿದೆ.