Award: ಪ್ರೊ.ತಾಳ್ತಜೆ ವಸಂತ ಕುಮಾರ್‌ಗೆ ಕನಕ ಗೌರವ ಪ್ರಶಸ್ತಿ

Team Udayavani, Nov 6, 2024, 2:09 AM IST

ಬೆಂಗಳೂರು: ಸಂತಕವಿ ಕನಕದಾಸ ಮತ್ತು ತತ್ವಪದಕಾರರ ಅಧ್ಯಯನ ಕೇಂದ್ರವು ನಾನಾ ಕಾರಣಗಳಿಂದಾಗಿ 4 ವರ್ಷಗಳಿಂದ ಘೋಷಣೆ ಮಾಡದೇ ಇದ್ದ “ಕನಕ ಗೌರವ ಪ್ರಶಸ್ತಿ’ ಹಾಗೂ “ಕನಕ ಯುವ’ ಪುರಸ್ಕಾರವನ್ನು ಈ ಬಾರಿ ಘೋಷಣೆ ಮಾಡಿದೆ.

2024-25ನೇ ಸಾಲಿಗೆ ಅರ್ಹ ಯುವ ಪುರಸ್ಕೃತರು ಅಲಭ್ಯವಾಗಿದ್ದರಿಂದ ಆಯ್ಕೆ ಮಾಡಿಲ್ಲ ಎಂದು ಕೇಂದ್ರದ ಅಧ್ಯಕ್ಷ ಕಾ.ತ. ಚಿಕ್ಕಣ್ಣ ತಿಳಿಸಿದ್ದಾರೆ. ಕನಕ ಗೌರವ ಪ್ರಶಸ್ತಿ 75 ಸಾವಿರ ರೂ. ನಗದು ಮತ್ತು ಪುರಸ್ಕಾರ, ಕನಕ ಯುವ ಪುರಸ್ಕಾರ 50 ಸಾವಿರ ರೂ. ನಗದು ಮತ್ತು ಪುರಸ್ಕಾರ ಒಳಗೊಂಡಿದೆ.

ಕನಕಗೌರವ ಪ್ರಶಸ್ತಿ: 2021-22
ಪ್ರೊ| ತಾಳ್ತಜೆ ವಸಂತಕುಮಾರ್‌ ಪುತ್ತೂರು, 2022 -23: ಡಾ| ನೀಲಪ್ಪ ಮೈಲಾರಪ್ಪ ಹಾವೇರಿ, 2023-24: ಡಾ| ಎಚ್‌.ಎನ್‌. ಮುರಳೀಧರ ಬೆಂಗಳೂರು, 2024-25: ಡಾ| ಜಿ.ವಿ. ಆನಂದಮೂರ್ತಿ ತುಮಕೂರು.

ಕನಕ ಯುವ ಪುರಸ್ಕಾರ: 2021-22
ಡಾ| ಅನಿಲ್‌ ಕುಮಾರ್‌, ಮೈಸೂರು, 2022 -23: ಡಾ| ಚಿಕ್ಕಮಗಳೂರು ಗಣೇಶ್‌, ಚಿಕ್ಕಮಗಳೂರು, 2023-24: ಡಾ| ಉಮೇಶ ಎಂ. (ಉಬಾಮ), ವಿಜಯನಗರ.