Badminton: ಸಯ್ಯದ್‌ ಮೋದಿ ಬ್ಯಾಡ್ಮಿಂಟನ್‌: ಎರಡನೇ ಸುತ್ತಿಗೆ ಸಿಂಧು, ಲಕ್ಷ್ಯ

Team Udayavani, Nov 28, 2024, 2:56 AM IST

ಲಕ್ನೋ: ಅಗ್ರ ಶ್ರೇಯಾಂಕದ ಪಿ.ವಿ. ಸಿಂಧು ಮತ್ತು ಲಕ್ಷ್ಯ ಸೇನ್‌ “ಸಯ್ಯದ್‌ ಮೋದಿ ಇಂಟರ್‌ನ್ಯಾಶನಲ್‌ ಬ್ಯಾಡ್ಮಿಂಟನ್‌’ ಪಂದ್ಯಾವಳಿಯ ದ್ವಿತೀಯ ಸುತ್ತಿಗೆ ಏರಿದ್ದಾರೆ.

ಬುಧವಾರದ ಮೊದಲ ಸುತ್ತಿನ ಪಂದ್ಯದಲ್ಲಿ ಪಿ.ವಿ. ಸಿಂಧು 21-17, 21-15 ಅಂತರದಿಂದ ತವರಿನ ಎದುರಾಳಿ ಅನ್ಮೋಲ್‌ ಖರ್ಬ್ ಅವರಿಗೆ ಸೋಲುಣಿಸಿದರು. ಪುರುಷರ ಸಿಂಗಲ್ಸ್‌ನಲ್ಲಿ ಲಕ್ಷ್ಯ ಸೇನ್‌ ಮಲೇಷ್ಯಾದ ಅರ್ಹತಾ ಆಟಗಾರ ಶೊಲೇಹ್‌ ಐದಿಲ್‌ ವಿರುದ್ಧ 21-12, 21-12 ಅಂತರದ ಜಯ ಸಾಧಿಸಿದರು.
ಸಿಂಧು ದ್ವಿತೀಯ ಸುತ್ತಿನಲ್ಲಿ ಭಾರತದ ಮತ್ತೋರ್ವ ಆಟಗಾರ್ತಿ ಐರಾ ಶರ್ಮ ವಿರುದ್ಧ ಆಡಲಿದ್ದಾರೆ. ಐರಾ 21-13, 21-19 ಅಂತರದಿಂದ ದೀಪ್ಷಿಕಾ ಸಿಂಗ್‌ ಅವರನ್ನು ಮಣಿಸಿದರು.

ಪುರುಷರ ಸಿಂಗಲ್ಸ್‌ನಲ್ಲಿ ಕಿರಣ್‌ ಜಾರ್ಜ್‌, ಆಯುಷ್‌ ಶೆಟ್ಟಿ, ಮೀರಾಬ ಲುವಾಂಗ್‌ ಮೈಸ್ನಮ್‌; ವನಿತಾ ಸಿಂಗಲ್ಸ್‌ ನಲ್ಲಿ ಮಾಳವಿಕಾ ಬನ್ಸೋಡ್‌, ಅನುಪಮಾ ಉಪಾಧ್ಯಾಯ, ಇಶಾರಾಣಿ ಬರುವಾ, ದೇವಿಕಾ ಸಿಹಾಗ್‌, ಉನ್ನತಿ ಹೂಡಾ ಮೊದಲ ಸುತ್ತು ದಾಟಿದ್ದಾರೆ.