ಟಾಕ್ ಆಫ್ ದಿ ಟೌನ್ ಆಯ್ತು ‘ಬನಾರಸ್’ ಫಸ್ಟ್ ಲುಕ್  ಮೋಷನ್ ಪೋಸ್ಟರ್

Team Udayavani, Nov 17, 2021, 3:54 PM IST

ಒಂದಷ್ಟು ದಿನಗಳಿಂದ ಗಾಂಧಿ ನಗರದಲ್ಲಿ ಬನಾರಸ್ ಸಿನಿಮಾ ನಿರ್ಮಾಣ ಸದ್ದು ಮಾಡತೊಡಗಿದೆ. ಇದಕ್ಕೆ ಕಾರಣವೂ ಇದೆ. ಹೊಸ ಹೀರೋ ಝೈದ್ ಖಾನ್ ಇಂಟ್ರೂಡಕ್ಷನ್ನೇ ಸಿನಿಮಾದ ಬಗ್ಗೆ ಒಂದಷ್ಟು ಪ್ರಶಂಸೆ ಕ್ರಿಯೇಟ್ ಆಗೋದಕ್ಕೂ ಕಾರಣ ಆಯ್ತು. ಈಗ ಈ ಚಿತ್ರತಂಡ ಚಿತ್ರದ ಫಸ್ಟ್ ಲುಕ್ ಮೋಷನ್ ಪೋಸ್ಟರ್ ಪ್ರೇಕ್ಷಕರೆದುರು ಹೊತ್ತು ಬಂದಿದೆ.

ಹೊಸ ಹೀರೋ, ವಿಭಿನ್ನ ಟೈಟಲ್ ಒಳಗೊಂಡ ಈ ಸಿನಿಮಾದ ಫಸ್ಟ್ ಲುಕ್ ಮೋಷನ್ ಪೋಸ್ಟರ್ ಪುನೀತ್ ರಾಜ್ ಕುಮಾರ್ ಲಾಂಚ್ ಮಾಡುವ ಭರವಸೆ ನೀಡಿದ್ರು. ಚಿತ್ರತಂಡಕ್ಕೂ ಆ ಒಂದು ಮಹಾದಾಸೆ ಇತ್ತು. ಆದ್ರೆ ವಿಧಿ ಅದಕ್ಕೆ ಅವಕಾಶ ಮಾಡಿಕೊಡಲಿಲ್ಲ. ಅವರಿಲ್ಲದ ನೋವಿನಲ್ಲೇ ಇಡೀ ಚಿತ್ರತಂಡ ಅವರಿರುವ ಪುಣ್ಯಭೂಮಿ ಬಳಿ ಹೋಗಿದೆ. ಕಂಠೀರವ ಸ್ಟುಡಿಯೋದಲ್ಲಿರುವ ಅಪ್ಪು ಸಮಾಧಿಗೆ ಪುಷ್ಪನಮನ ಸಲ್ಲಿಸಿ, ಒಂದು ನಿಮಿಷ ಮೌನಾಚರಣೆ ಮಾಡಿ, ಅಲ್ಲಿಯೇ ಫಸ್ಟ್ ಲುಕ್ ಹಾಗೂ ಮೋಷನ್ ಪೋಸ್ಟರ್ ಬಿಡುಗಡೆ ಮಾಡಿದೆ.

ಇದೀಗ ಸಿನಿಮಾದ ಮೋಷನ್ ಪೋಸ್ಟರ್ ಬಿಡುಗಡೆ ಆಗಿದೆ. ವಿಭಿನ್ನ ಶೀರ್ಷಿಕೆ, ಲವರ್ ಬಾಯ್ ಹೀರೋ, ಹಿನ್ನೆಲೆ ಸಂಗೀತ ಒಳಗೊಂಡ ಮೋಷನ್ ಪೋಸ್ಟರ್ ದೊಡ್ಡ ನಿರೀಕ್ಷೆ ಹುಟ್ಟು ಹಾಕಿದೆ. ಅಷ್ಟು ಅದ್ಭುತವಾಗಿ ಮೋಷನ್ ಪೋಸ್ಟರ್ ರೆಡಿ ಮಾಡಲಾಗಿದೆ. ಅಜನೀಶ್ ಲೋಕನಾಥ್ ಸಂಗೀತ ಮೋಷನ್ ಪೋಸ್ಟರ್ ನಲ್ಲೇ ಮೋಡಿ ಮಾಡುವಂತಿದೆ. ಈಗಾಗಲೇ ಪೋಸ್ಟರ್ ನೋಡಿದವರು ಖುಷಿಪಟ್ಟಿದ್ದಾರೆ. ಜಯತೀರ್ಥ ನಿರ್ದೇಶನ, ಮ್ಯೂಸಿಕ್, ಝೈದ್ ಖಾನ್ ಬಗೆಗಿನ ನಿರೀಕ್ಷೆ, ಎಲ್ಲವೂ ಸಿನಿಮಾ ಮೇಲಿನ ನಿರೀಕ್ಷೆ ದುಪ್ಪಟ್ಟಾಗಿಸಿದೆ.

ಎನ್.ಕೆ ಪ್ರೊಡಕ್ಷನ್ಸ್ ಬ್ಯಾನರ್ ನಡಿ ಅದ್ದೂರಿಯಾಗಿ ನಿರ್ಮಾಣವಾಗುತ್ತಿರುವ ಈ ಚಿತ್ರಕ್ಕೆ ತಿಲಕ್ ರಾಜ್ ಬಲ್ಲಾಳ್ ಬಂಡವಾಳ ಹಾಕಿ ಅದ್ದೂರಿಯಾಗಿ ಸಿನಿಮಾ ನಿರ್ಮಾಣ ಮಾಡಿದ್ದಾರೆ. ಅದ್ವೈತ ಗುರುಮೂರ್ತಿ ಛಾಯಾಗ್ರಹಣ, ಎ. ವಿಜಯ್, ಡಿಫ್ರೆಂಟ್ ಡ್ಯಾನಿ ಸಾಹಸ ನಿರ್ದೇಶನ, ರಘು ನಿಡುವಳ್ಳಿ ಸಂಭಾಷಣೆ, ವಿ. ನಾಗೇಂದ್ರ ಪ್ರಸಾದ್ ಸಾಹಿತ್ಯ, ಎ.ಹರ್ಷ ನೃತ್ಯ ನಿರ್ದೇಶನ ಬನಾರಸ್ ಚಿತ್ರಕ್ಕಿದೆ.

ನವೀರಾದ ಸಂಗೀತ ಪ್ರೇಮ ಕಥೆ ಹೊತ್ತು ಬರ್ತಿರೋ ಬನಾರಸ್ ಗೆ ಝೈದ್ ಖಾನ್ ನಾಯಕ, ಕರಾವಳಿ ಬೆಡಗಿ ಸೊನಲ್ ಮೊಂಥೆರೋ ನಾಯಕಿಯಾಗಿ ತೆರೆ ಹಂಚಿಕೊಂಡಿದ್ದಾರೆ. ದೇವರಾಜ್ ಅಚ್ಯುತ್ ಕುಮಾರ್, ಸುಜಯ್ ಶಾಸ್ತ್ರಿ, ಸಪ್ನ ರಾಜ್, ಬರ್ಕತ್ ಅಲಿ ಒಳಗೊಂಡಂತೆ ಹಲವು ಕಲಾವಿದರ ತಾರಾಬಳಗವಿದೆ.