BBK11: ನಿಮ್ಮ ಉಸ್ತುವಾರಿ ನೋಡಿ ಹೇಸಿಗೆ ಆಯಿತು.. ಚೈತ್ರಾ ಬಾಯಿ ಮುಚ್ಚಿಸಿದ ಕಿಚ್ಚ

Team Udayavani, Dec 21, 2024, 10:54 PM IST

ಬೆಂಗಳೂರು: ವೀಕೆಂಡ್‌ ಪಂಚಾಯತ್‌ ಕಿಚ್ಚ ಅವರು ಸ್ಪರ್ಧಿಗಳಿಗೆ ಪಂಚ್‌ ನೀಡಿ ಮಾತನಾಡಿದ್ದಾರೆ. ಯಾರೆಲ್ಲ ಏನೆಲ್ಲ ತಪ್ಪು ಮಾಡಿದ್ದಾರೋ ಅವರಿಗೆ ತಮ್ಮದೇ ಮಾತಿನಿಂದ ಪಾಠ ಮಾಡಿದ್ದಾರೆ.

ಮೂರನೇ ವಾರವೂ ಕಳಪೆ ಶಿಕ್ಷೆ ಪಡೆದ ಜೈಲಿನಿಂದ ಚೈತ್ರಾ ಆಚೆ ಬಂದಿದ್ದಾರೆ. ಬಿಗ್‌ ಬಾಸ್‌ ಮನೆಗೆ ʼನೂರು ಜನ್ಮಕ್ಕೂʼ ಧಾರಾವಾಹಿ ಅವರು ಬಂದಿದ್ದು ಮನೆಯವರನ್ನು ಹೆದರಿಸುವ ನಿಟ್ಟಿನಲ್ಲಿ ಧಾರಾವಾಹಿ ತಂಡದವರು ಹೆದರಿಸುವ ಹಾಗೆ ಮಾಡಿದ್ದು ಮನೆಯವರ ಪೈಕಿ ಚೈತ್ರಾ ಅವರು ತುಂಬಾ ಭೀತಿಗೆ ಒಳಗಾಗಿದ್ದಾರೆ. ಹೆದರಿದ ನಿಟ್ಟಿನಲ್ಲಿ ಚೈತ್ರಾ ಅವರಿಗೆ ಜ್ವರ ಕಾಣಿಸಿಕೊಂಡಿದೆ.

ಈ ಮನೆಯಲ್ಲಿ ಅರ್ಥ ಮಾಡಿಕೊಳ್ಳದ ಏಕೈಕ ಕ್ಯಾರೆಕ್ಟರ್‌ ಅಂದ್ರೆ ಅದು ಚೈತ್ರಾ ಅವರೇ ಎಂದು ಮೋಕ್ಷಿತಾ – ಐಶ್ವರ್ಯಾ ಮಾತನಾಡಿಕೊಂಡಿದ್ದಾರೆ. ಪ್ರತಿ ವಾರ ಅವರ ಆಟವೇ ಕಳಪೆ ಆಗಿರೋದು ಎಂದು ಐಶ್ವರ್ಯಾ ಅವರು ಹೇಳಿದ್ದಾರೆ.

ನನಗೆ ತ್ರಿವಿಕ್ರಮ್‌, ಹನುಮಂತು, ಭವ್ಯ, ಮಂಜು, ಮೋಕ್ಷಿತಾ ಅವರು ಕಾಂಪಿಟೇಟರ್.‌ ನಾನು ಎಲ್ಲರಿಗೂ ನಿಮ್ಮ ಆಟವನ್ನು ನೀವು ಆಡಿ ಅಂಥ ಹೇಳ್ತೇನೆ ಎಂದು ರಜತ್‌ ಅವರು ಹೇಳಿದ್ದಾರೆ.

ರಜತ್‌ ಬಂದಾಗಿನಿಂದ ಮಂಜು ಎಲ್ಲೋ ಒಂದು ಕಡೆ ಕಳೆದುಹೋಗಿದ್ದಾರೆ ಎನ್ನುವ ಪ್ರಶ್ನೆಗೆ ಭವ್ಯ, ಧನರಾಜ್‌, ಹನುಮಂತು , ರಜತ್‌, ಗೌತಮಿ ಅವರು ಹೌದೆಂದು ಹೇಳಿದ್ದಾರೆ. ಇದಕ್ಕೆ ಮಂಜು ಅವರು ಇದನ್ನು ತಕ್ಕೋಳ್ತೇನೆ ಎಂದಿದ್ದಾರೆ.

ಯಾರಿಗೆಲ್ಲ ನಾಮಿನೇಷನ್‌ಗೆ ಅವಕಾಶ ಸಿಕ್ಕಿಲ್ಲವೂ ಅವರಿಗೆ ನಾನು ಅವಕಾಶ ಕೊಡ್ತೇನೆ ಎಂದು ಕಿಚ್ಚ ಹೇಳಿದ್ದಾರೆ. ಇದಕ್ಕೆ ಧನರಾಜ್‌, ತ್ರಿವಿಕ್ರಮ್‌, ಹನುಮಂತು ಹಾಗೂ ರಜತ್‌ ಅವರು ಚೈತ್ರಾ ಅವರ ಹೆಸರನ್ನು ಹೇಳಿದ್ದಾರೆ.

ಧನರಾಜ್‌ ಚೈತ್ರಾ, ಮಂಜು ಅವರ ಫೋಟೋ ಆಯ್ದು, ಈ ವಾರದಲ್ಲಿಅವರು ಆಟವನ್ನು ಆಡೋದಕ್ಕೆ ಬಿಡಲಿಲ್ಲ. ಅವರು ಉಸ್ತುವಾರಿಯಾಗಿ ಸ್ವಾರ್ಥಿಯಾಗಿ ನಿಂತಿದ್ದರು ಎನ್ನುವ ಕಾರಣವನ್ನು ನೀಡಿದ್ದಾರೆ. ಮಂಜು ಅವರು ಅಲ್ಲೊಂದು ಇಲ್ಲೊಂದು ರೀತಿಯಲ್ಲಿರುತ್ತಾರೆ ಎಂದಿದ್ದಾರೆ.

ಕರೆಕ್ಟಾಗಿ ನಿಯತ್ತಾಗಿ ಉಸ್ತುವಾರಿಯನ್ನು ಮಾಡಬೇಕಿತ್ತು ಎಂದು ಚೈತ್ರಾ ಅವರಿಗೆ ಹನುಮಂತು ಹೇಳಿದ್ದಾರೆ. ತ್ರಿವಿಕ್ರಮ್‌ ಅವರ ಹೆಸರನ್ನೂ ಸಹ ಅವರು ಹೇಳಿದ್ದಾರೆ.

ಭವ್ಯ ಅವರು ಧನರಾಜ್‌, ಹನುಮಂತು ಅವರ ಹೆಸರನ್ನು ಹೇಳಿದ್ದಾರೆ. ತ್ರಿವಿಕ್ರಮ್‌ ಅವರು ರಜತ್‌ ಹಾಗೂ ಚೈತ್ರಾ ಅವರ ಹೆಸರನ್ನು ಹೇಳಿದ್ದಾರೆ.

ರಜತ್‌ ಅವರು ಗೌತಮಿ, ಮಂಜು ಹಾಗೂ ಚೈತ್ರಾ ಅವರ ಹೆಸರನ್ನು ಹೇಳಿದ್ದಾರೆ. ಗೌತಮಿ ಅವರು ಫೇಕ್‌ ಆಗಿದ್ದಾರೆ. ಎಲ್ಲಾ ಕಡೆ ಫೇಕ್‌ ಆಗಿಯೇ ಇರುತ್ತಾರೆ ಎಂದಿದ್ದಾರೆ. ಮಂಜು ಅವರು ಯಾರನ್ನೂ ಮೆಚ್ಚಿಸೋಕೆ ಇಲ್ಲಿ ಇದ್ದಾರೆ ಅನ್ನಿಸುತ್ತದೆ. ಅವರು ನನ್ನ ವಿಚಾರಕ್ಕೆ ಬರೋದು ಬೇಡ ಅವರ ಕೆಲಸ ನೋಡ್ಕೊಂಡು ಇರಲಿ. ಚೈತ್ರಾ ಅವರು ಸುಮ್ಮನೆ ಒಬ್ಬರಿಗೆ ತೊಂದರೆ ಕೊಟ್ಟು ಇರುತ್ತಾರೆ. ಅವರು ಈ ಮನೆಯಲ್ಲಿ ಇರೋಕೆ ಯೋಗ್ಯರಲ್ಲ ಎಂದಿದ್ದಾರೆ.

ಫೇಕ್‌ ಎನ್ನುವ ಪದವನ್ನು ನಾನು ಒಪ್ಪಲ್ಲ. ಫ್ರೆಂಡ್‌ ಶಿಪ್‌ ಅನ್ನು ನಾನು ಎಲ್ಲೂ ಕೂಡ ಬಳಸಿಕೊಂಡಿಲ್ಲ. ಈ ತರ ವ್ಯಕ್ತಿಗಳಿಗೆ ನಾನು ಹೆದರಲ್ಲವೆಂದು ಗೌತಮಿ ಹೇಳಿದ್ದಾರೆ. ಐಶ್ವರ್ಯಾ ಅವರು ಮಂಜು, ಚೈತ್ರಾ ಹಾಗೂ ಭವ್ಯ ಅವರ ಹೆಸರನ್ನು ಹೇಳಿದ್ದಾರೆ. ಮೋಕ್ಷಿತಾ ಅವರು ಚೈತ್ರಾ, ರಜತ್‌ ಅವರ ಹೆಸರನ್ನು ಹೇಳಿದ್ದಾರೆ. ಚೈತ್ರಾ ಅವರು ರಜತ್‌, ಹನುಮಂತು ಅವರ ಹೆಸರನ್ನು ಹೇಳಿದ್ದಾರೆ. ಮಂಜು ಅವರು ಐಶ್ವರ್ಯಾ ಅವರ ಹೆಸರನ್ನು ಹೇಳಿದ್ದಾರೆ. ಗೌತಮಿ ಅವರು ರಜತ್‌ ಅವರು ತಮ್ಮನ್ನು ತಾವು ಶ್ರೇಷ್ಠವೆಂದುಕೊಂಡಿದ್ದಾರೆ ಎಂದು ಅವರ ಹೆಸರನ್ನು ಹೇಳಿದ್ದಾರೆ.

ಚೈತ್ರಾ ಅವರೇ ನೀವು ಚೆನ್ನಾಗಿ ಆಡಿದಾಗ ನಾನು ಹೊಗಳಿದ್ದೇನೆ. ಯಾರಿಗೆ ಬೇಕಾದರೂ ಅವಮಾನ ಮಾಡಿ ನನಗೆ ಅವಮಾನ ಮಾಡಬೇಡಿ ಎಂದು ಕಿಚ್ಚ ಹೇಳಿದ್ದಾರೆ. ಇದಕ್ಕೆ ಚೈತ್ರಾ ನಾಮಿನೇಷನ್‌ ಹೆಸರು ಕೊಡೋಕೆ ಬಂದಿದ್ದಾರೆ. ನೀವು ಈಗಷ್ಟೇ ನಾಮಿನೇಷನ್‌ ಕೊಡೋಕೆ ಬರಲ್ಲ ಎಂದಿದ್ರು ಈಗ ಯಾಕೆ ಬಂದ್ರಿ ಎಂದು ಕಿಚ್ಚ ಹೇಳಿದಾಗ ನಿಮ್ಮ ಮಾತಿಗೆ ಅವಮಾನ ಮಾಡಬಾರದು ಅಂಥ ಬಂದಿದ್ದೇನೆ ಎಂದಿದ್ದಾರೆ. ಇದಕ್ಕೆ ಕಿಚ್ಚ ಅವರು ಸಿಟ್ಟಿನಿಂದಲೇ ನಿಮಗೆ ಕೊಡುವ ಮರ್ಯಾದೆ ಜಾಸ್ತಿ ಆಗಿದೆ ಹೋಗಿ ಕೂತ್ಕೂಳ್ಳಿ ಎಂದಿದ್ದಾರೆ.

ಇದಕ್ಕೆ ಚೈತ್ರಾ ಮೂರು ಬಾರಿ ಕಳಪೆ ಕೊಡುತ್ತಾರೆ. ಮೂರು ಬಾರಿಯೂ ಉಸ್ತುವಾರಿಯದ್ದೇ ಕಾರಣವನ್ನು ಕೊಡುತ್ತಾರೆ. ಹೊರಗಡೆ ಎಷ್ಟು ಕುಗ್ಗಿಸುತ್ತದೆ ಎಂದು ನಮಗೆ ಮಾತ್ರ ಗೊತ್ತಿರುತ್ತದೆ. ಒಂದಷ್ಟು ಜನ ಅಭಿಪ್ರಾಯವನ್ನು ಕ್ರಿಯೇಟ್‌ ಮಾಡುತ್ತಾರೆ ಅಲ್ವಾ ಅದು ನನ್ನನ್ನು ಕುಗಿಸುತ್ತದೆ ಎಂದು ಚೈತ್ರಾ ಕಣ್ಣೀರಿಡುತ್ತಲೇ ಕಿಚ್ಚ ಅವರ ಬಳಿ ಹೇಳಿದ್ದಾರೆ. ಇದಕ್ಕೆ ಕಿಚ್ಚ ಯಾರು ನಿಮ್ಮನ್ನು ಮಾನಸಿಕವಾಗಿ ಈ ವಾರ ಕುಗ್ಗಿಸಿದ್ರು ಎಂದ್ರು ಪ್ರಶ್ನಿಸಿದ್ದು, ಕುಗ್ಗಿಸುತ್ತದೆ ಕುಗ್ಗಿಸುತ್ತದೆ ಎನ್ನುತ್ತೀರಿ ಅಲ್ವಾ ನೀವು ತೆಗೆದುಕೊಳ್ಳುವ ಹೆಸರು ಅವರನ್ನು ಕುಗ್ಗಿಸೋದಿಲ್ವಾ?  ಬಾಣ ಕೊಡೋಕೆ ರೆಡಿ ಇದ್ದೀರಾ ಅಂದ್ರೆ, ಬಾಣ ತಕ್ಕೋಳಕ್ಕೆ ರೆಡಿಯಿಲ್ಲ ಅಂದ್ರೆ ಈ ಆಟಕ್ಕೆ ನೀವು ಫಿಟ್‌ ಇಲ್ಲ ಎಂದು ಕಿಚ್ಚ ತಿರುಗೇಟು ನೀಡಿದ್ದಾರೆ. ಕ್ರಿಯೇಟಿವ್‌ ಆಗಿ ಒಬ್ಬರನ್ನು ಕುಗ್ಗಿಸಬಹುದು ಚೈತ್ರಾ. ಆ ಕಾರಣಕ್ಕಾಗಿ ಆದರೂ ನೀವು ಮತ್ತೊಮ್ಮೆ ಜೈಲಿಗೆ ಹೋಗಿ ಎಂದು ಕಿಚ್ಚ ತಮಾಷೆ ಮಾಡಿದ್ದಾರೆ.

ತ್ರಿವಿಕ್ರಮ್‌ ಆಟದ ವಿಚಾರವಾಗಿ ತಮ್ಮನ್ನು ತಾವೇ ನಾಮಿನೇಟ್‌ ಮಾಡಿಕೊಂಡ ವಿಚಾರಕ್ಕೆ ಕಿಚ್ಚ ಸುದೀಪ್‌ ಅವರು, ಬಿಗ್‌ ಬಾಸ್‌ ಸೀಸನ್‌ -11 ನಲ್ಲಿ ನೀವು ಒಂದು ರೀತಿ ತ್ಯಾಗರಾಜನ ತರ ಕಾಣಿಸುತ್ತಿದ್ದೀರಿ. ಇದು ನನ್ನ ಅಭಿಪ್ರಾಯವಲ್ಲ. ಅಷ್ಟು ಕಾನ್ಫಿಡೆಸ್‌ ಇತ್ತಾ ನಿಮಗೆ ಸೇವ್‌ ಆಗ್ತೀನಿ ಅಂಥ ಎಂದು ಕೇಳಿದ್ದಾರೆ.

ಆಟದ ರದ್ದು ಅಂಥ ಬಂದಾಗ ನಾನು ಈ ರೀತಿ ಮಾಡಿದೆ. ಕ್ಯಾಪ್ಟನ್‌ ಆಗಿದ್ದಕ್ಕೆ ಆ ರೀತಿ ಮಾಡಿದೆ ಎಂದು ತ್ರಿವಿಕ್ರಮ್‌ ಹೇಳಿದ್ದಾರೆ. ಉಳಿದವರು ತಾವು ಅವರ ಜಾಗದಲ್ಲಿ ಇದ್ದಿದ್ರೆ ನಾವು ಆ ರೀತಿಯ ನಿರ್ಧಾರ ತೆಗೆದುಕೊಳ್ಳುತ್ತಿರಲಿಲ್ಲವೆಂದು ಹೇಳಿದ್ದಾರೆ.

ಚೈತ್ರಾ ಅವರು ತುಂಬಾ ಸುಳ್ಳು ಹೇಳುತ್ತಾರೆ ಎಂದು ಮೋಕ್ಷಿತಾ ಹೇಳಿದ್ದಾರೆ. ಇದಕ್ಕೆ ಚೈತ್ರಾ ಅವರು ನನಗೆ ಟಾರ್ಗೆಟ್‌ ನಾಮಿನೇಷನ್‌ ವಿಚಾರವೇ ಗೊತ್ತಿಲ್ಲ. ನನಗೆ ಇದನ್ನು ಹೇಳಿದ್ದೇ ಐಶ್ವರ್ಯಾ. ಭವ್ಯ ತ್ರಿವಿಕ್ರಮ್‌ ಜತೆ ಕ್ಲೋಸ್‌ ಆಗಿರುವ ವಿಚಾರ ನನಗೆ ಹೇಳಿದ್ದೆ ಐಶ್ವರ್ಯಾವೆಂದು ಚೈತ್ರಾ ಹೇಳಿದ್ದಾರೆ. ಇದನ್ನು ಕೇಳಿ ಮೋಕ್ಷಿತಾ, ಐಶ್ವರ್ಯಾ ಶಾಕ್‌ ಆಗಿದ್ದಾರೆ.

ಇಲ್ಲಿ ಇರೋದು ಕಪ್‌ ಒಂದೇ ಚೊಂಬುಗಳು ತುಂಬಾನೆ ಇದೇ ಎಂದು ಕಿಚ್ಚ ಹೇಳಿದ್ದಾರೆ. ಹನುಮಂತು ಅವರೇ ಇನ್ನೊಂದು ಸಲಿ ನಿಮ್ಮ ಬಾಯಿಂದ ಟಾಸ್ಕ್‌ ರದ್ದು ಆದ್ರೂ ಪರವಾಗಿಲ್ಲ ಅಂಥ ಮಾತು ಬಂದ್ರೆ ನಿಮ್ಮನ್ನು ನಾನೇ ಹೊರಗಡೆ ಕಳುಸುತ್ತೇನೆ. ಗಾಂಚಾಲಿ ಮಾತುಗಳು ಬೇಡ. ದೊಡ್ಡ ದೊಡ್ಡ ಮಾತುಗಳು ಬೇಡ. ಪ್ಲೇಯರ್ಸ್‌ ಮಾತ್ರ ಪ್ಲೇಯರ್ಸ್‌ ಆಗೀರಿ. ಉಸ್ತುವಾರಿಗಳು ಪ್ಲೇಯರ್ಸ್‌ ಆಗೋಕೆ ಹೋಗ್ಬೇಡಿ ಎಂದು ಕಿಚ್ಚ ವಾರ್ನ್‌ ಮಾಡಿದ್ದಾರೆ.

ನಿಮ್ಮ ಉಸ್ತುವಾರಿ ನೋಡಿ ನನಗೆ ಹೇಸಿಗೆ ಆಯಿತು. ಯಾರಿಗೂ ಹರ್ಟ್‌ ಮಾಡೋಕೆ ಇದನ್ನು ಹೇಳ್ತಾ ಇಲ್ಲವೆಂದು ಚೈತ್ರಾಗೆ ಕಿಚ್ಚ ಹೇಳಿದ್ದಾರೆ.