ವಿಂಡೀಸ್‌ ಮಂಡಳಿಯಿಂದ ಬಿಸಿಸಿಐ ದೇಣಿಗೆ ದುರುಪಯೋಗ!

Team Udayavani, May 22, 2020, 5:55 AM IST

ಜಮೈಕಾ: ಭಾರತೀಯ ಕ್ರಿಕೆಟ್‌ ನಿಯಂತ್ರಣ ಮಂಡಳಿ (ಬಿಸಿಸಿಐ) ನೀಡಿದ್ದ 3.77 ಕೋಟಿ ರೂ. ದೇಣಿಗೆ ಹಣವನ್ನು ವೆಸ್ಟ್‌ ಇಂಡೀಸ್‌ ಕ್ರಿಕೆಟ್‌ ಮಂಡಳಿ ದುರುಪಯೋಗ ಪಡಿಸಿಕೊಂಡಿದೆ ಎಂದು ವೆಸ್ಟ್‌ ಇಂಡೀಸ್‌ ಕ್ರಿಕೆಟ್‌ನ ದಂತಕಥೆ ಮೈಕಲ್‌ ಹೋಲ್ಡಿಂಗ್‌ ಆರೋಪಿಸಿದ್ದಾರೆ.

ಈ ಕುರಿತು ಮಾತನಾಡಿರುವ ಅವರು ಶೀಘ್ರದಲ್ಲೇ ದಾಖಲೆ ಸಹಿತ ಎಲ್ಲ ಮಾಹಿತಿ ಗಳನ್ನು ಬಿಡುಗಡೆ ಮಾಡುವುದಾಗಿ ತಿಳಿಸಿದ್ದಾರೆ. 2013-14ರಲ್ಲಿ ಮಾಜಿ ಆಟಗಾರರಿಗೆ ನೀಡುವುದಕ್ಕಾಗಿ ಬಿಸಿಸಿಐ ದೇಣಿಗೆ ನೀಡಿತ್ತು. ನಾನು ಕೂಡ ಒಬ್ಬ ಮಾಜಿ ಆಟಗಾರ, ನನಗೆ ಯಾವುದೇ ಹಣದ ಆವಶ್ಯಕತೆ ಇಲ್ಲ, ಆದರೆ ಬೇರೆ ಆಟಗಾರರಿದ್ದಾರೆ. ಅವರಿಗೆ ಆವಶ್ಯಕತೆ ಇದೆ. ಆ ಜನರಿಗೆ ಬಂದಿರುವ ಹಣದಲ್ಲಿ ಶೇ. 1ರಷ್ಟು ಕೂಡ ಸಿಕ್ಕಿಲ್ಲವಂತೆ ಹಾಗಿದ್ದರೆ. ಹಣ ಎಲ್ಲಿ ಹೋಯಿತು? ಇದಕ್ಕೆ ಶೀಘ್ರದಲ್ಲೇ ದಾಖಲೆ ಸಹಿತ ಪ್ರತಿಕ್ರಿಯೆ ನೀಡುತ್ತೇನೆ’ ಎಂದು ಹೋಲ್ಡಿಂಗ್‌ ತಿಳಿಸಿದ್ದಾರೆ.