Belthangady ಕಲ್ಮಂಜ: ಕಾಡಾನೆಗಳ ಹಾವಳಿ; ಕೃಷಿ ನಾಶ

Team Udayavani, Nov 11, 2023, 12:07 AM IST

ಬೆಳ್ತಂಗಡಿ: ಕಲ್ಮಂಜ ಗ್ರಾಮದಲ್ಲಿ ಗುರುವಾರ ಕಾಡಾನೆ ಹಿಂಡು ದಾಳಿ ನಡೆಸಿವೆ. ಗಾಣದ ಕೊಟ್ಟಿಗೆ ಗಂಗಾಧರ ಗೌಡರ ತೋಟಕ್ಕೆ ನುಗ್ಗಿ ಕೃಷಿ ನಾಶ ಮಾಡಿವೆ. ತತ್‌ಕ್ಷಣ ಸ್ಥಳೀಯರು ಸೇರಿ ಆನೆಗಳ ಹಿಂಡನ್ನು ಓಡಿಸಿದ್ದಾರೆ.

ಬೆರ್ಕೆ ಪ್ರಶಾಂತ ಕಾಕತ್ಕರ್‌ ಅವರ ತೋಟಕ್ಕೆ ಲಗ್ಗೆ ಇಟ್ಟ ಕಾಡಾನೆಗಳು 30ಕ್ಕಿಂತ ಅಧಿಕ ಬಾಳೆ ಗಿಡ ಹಾಗೂ ತಾಳೆ ಮರವನ್ನು ಮುರಿದು ಹಾಕಿವೆ. ಈ ವೇಳೆ ಸ್ಥಳೀಯರು ಸೇರಿ ಪಟಾಕಿ ಸಿಡಿಸಿ ಕಾಡಾನೆಗಳನ್ನು ಓಡಿಸಿದ ಕಾರಣ ಹೆಚ್ಚಿನ ಹಾನಿ ತಪ್ಪಿದೆ. ಕಲ್ಮಂಜ ಪರಿಸರದಲ್ಲೂ ಕಾಡಾನೆಗಳು ಕಂಡುಬಂದಿರುವುದು ಇಲ್ಲಿನ ಕೃಷಿಕರಲ್ಲಿ ಭೀತಿ ಮೂಡಿಸಿದೆ. ಒಟ್ಟು 3 ಆನೆಗಳು ಹಿಂಡಿನಲ್ಲಿರುವ ಶಂಕೆ ವ್ಯಕ್ತವಾಗಿದೆ.

ಮುಖ್ಯ ರಸ್ತೆಯಲ್ಲೇ ಕಾಡಾನೆ ಸಂಚಾರ
ಸುಳ್ಯ: ಜಾಲ್ಸೂರು -ಕಾಸರಗೋಡು ಸಂಪರ್ಕ ಹೆದ್ದಾರಿಯಲ್ಲಿ ಕಾಡಾನೆ ಸಂಚರಿಸಿ ಬೈಕ್‌ ಸವಾರರು ಅಂಜಿದ ಘಟನೆ ಶುಕ್ರವಾರ ಬೆಳಗ್ಗೆ ಸಂಭವಿಸಿದೆ. ಇದರ ವೀಡಿಯೋ ವೈರಲ್‌ ಆಗಿದೆ.

ಪಂಜಿಕಲ್ಲು ಎಂಬಲ್ಲಿ ಕಾಡಾನೆ ಹೆದ್ದಾರಿಯಲ್ಲೇ ಸ್ವಲ್ಪ ದೂರ ಸಾಗಿದೆ. ಈ ವೇಳೆ ಎದುರಿನಿಂದ ಬೈಕ್‌ ಬಂದಿದ್ದು, ಸವಾರರು ಭಯಗೊಂಡುದು, ಆನೆಯ àಳು ವೀಡಿಯೋದಲ್ಲಿ ದಾಖಲಾಗಿದೆ. ಮುರೂರು, ದೇವರಗುಂಡ, ಬೆಳ್ಳಿಪಾಡಿ ಪರಿಸರದಲ್ಲಿ ಕೆಲವು ದಿನಗಳಿಂದ ಕಾಡಾನೆಗಳು ಕೃಷಿಕರ ತೋಟಗಳಿಗೆ ಹಾನಿ ಮಾಡುತ್ತಿದೆ.

ಭತ್ತದ ಕೃಷಿಗೆ ಆನೆ ದಾಳಿ
ಉಪ್ಪಿನಂಗಡಿ: ಕೌಕ್ರಾಡಿ ಗ್ರಾಮದ ಬಾಣಜಾಲು ನಿವಾಸಿ ದೇವದಾಸ್‌ ಬಾಣಜಾಲು ಅವರ ಭತ್ತದ ಗದ್ದೆಗೆ ಕಾಡಾನೆಗಳು ದಾಳಿ ಮಾಡಿದ್ದರಿಂದ ಭತ್ತದ ಕೃಷಿ ಸಂಪೂರ್ಣ ನಾಶಗೊಂಡ ಘಟನೆ ನಡೆದಿದೆ.