Malpe ಕಡಲತೀರದಲ್ಲಿ ಕಪ್ಪು ಬಣ್ಣದ ಟಾರ್‌ಬಾಲ್‌ ಪತ್ತೆ

Team Udayavani, Jun 25, 2023, 5:39 AM IST

ಮಲ್ಪೆ: ನಾಲ್ಕೈದು ದಿನಗಳಿಂದ ಮಲ್ಪೆ ಸಮುದ್ರ ತೀರದಲ್ಲಿ ಟಾರ್‌ಬಾಲ್‌ ಕಾಣಿಸಿಕೊಳ್ಳ ಲಾರಂಭಿಸಿದೆ. ಅಲೆಗಳೊಂದಿಗೆ ತೇಲಿ ಕೊಂಡು ಬರುವ ಡಾಮರು ರೀತಿಯಲ್ಲಿರುವ ಕಪ್ಪು ಬಣ್ಣದ ಟಾರ್‌ಬಾಲ್‌ ನಿಸರ್ಗ ಪ್ರಿಯರಲ್ಲಿ ಆತಂಕ ಮೂಡಿಸಿದೆ.

ಮಲ್ಪೆ ಬೀಚ್‌, ಕೊಳ, ತೊಟ್ಟಂ ಕಡಲತಡಿಯ ಉದ್ದಕ್ಕೂ ತೀರದಲ್ಲಿ ಕಾಣಿಸಿಕೊಂಡು ಮಾಲಿನ್ಯದ ಪ್ರಮಾಣವನ್ನು ಸೂಚಿಸುತ್ತಿದೆ.

ಕಡಲ ತೀರದಲ್ಲಿ ನೀರು ನೈಜತೆ ಯನ್ನು ಕಳೆದುಕೊಂಡು ಗಡುಸಾಗಿ ಜಲಚರಗಳ ಉಸಿರಾಟಕ್ಕೆ ತೊಂದರೆ ಉಂಟು ಮಾಡುತ್ತಿದೆ. ಹಡಗಿನಿಂದ ಕಚ್ಚಾತೈಲ ಸೋರಿಕೆಯಾಗಿ ಸಮುದ್ರ ದಲ್ಲಿ ತೇಲಿದಾಗ ಗಾಳಿ, ಅಲೆಗಳಿಗೆ ಅದು ಈ ಜಿಡ್ಡಿನ ಚೆಂಡುಗಳಾಗಿ ಮಾರ್ಪಾಟಾಗುತ್ತವೆ. ಇದು ಜಲಚರಗಳಿಗೆ ಹೆಚ್ಚು ಅಪಾಯಕಾರಿ ಎಂದು ಮೀನುಗಾರರು ತಿಳಿಸುತ್ತಾರೆ.

ಕಡಿಮೆಯಾದ
ಗಂಗೆಯ ಕೂದಲು
ಕಳೆದೊಂದು ವಾರದಿಂದ ಸಮು ದ್ರತೀರದಲ್ಲಿ ಅಗಾಧ ಪ್ರಮಾಣದಲ್ಲಿ ತೇಲಿ ಬರುತ್ತಿದ್ದ ಶ್ಯಾವಿಗೆ ರೂಪದ ಪಾಚಿ (ಸ್ಥಳೀಯರ ಪ್ರಕಾರ ಗಂಗೆಯ ಕೂದಲು) ಕಳೆದೆರಡು ದಿನದಿಂದ ಕಡಿಮೆಯಾಗಿದೆ. 10 ವರ್ಷಗಳ ಅನಂತರ ಕಿಲೋ ಮೀಟರ್‌ ದೂರಕೆ à ಪಾಚಿ ವ್ಯಾಪಿಸಿತ್ತು. ಮೀನುಗಾರಿಕೆ ಮಹಾವಿದ್ಯಾಲಯದ ತಂಡ ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿ ಇದು ಪ್ರಾಣಿಜನ್ಯ ಪಾಚಿ, ಸಮುದ್ರದಲ್ಲಿ ಉಪ್ಪಿನ ಅಂಶ ಕಡಿಮೆಯಾದ ಹಿನ್ನೆಲೆಯಲ್ಲಿ ಸತ್ತು ರಾಶಿಯಾಗಿ ತೇಲಿ ಸಮುದ್ರತೀರಕ್ಕೆ ಬಂದಿದೆ ಎಂದು ತಿಳಿಸಿದ್ದರು. ಹೆಚ್ಚಿನ ಸಂಶೋಧನೆಗಾಗಿ ಮಾದರಿಯನ್ನು ಕೊಂಡೊಯ್ದಿದ್ದಾರೆ.