Chennai: ಶಾಲೆಗಳಿಗೆ ಬಾಂಬ್‌ ಬೆದರಿಕೆ: ತನಿಖೆ

Team Udayavani, Feb 8, 2024, 8:31 PM IST

ಚೆನ್ನೈ: ಈ ಹಿಂದೆ ಬೆಂಗಳೂರು, ಮುಂಬೈ ಶಾಲೆಗಳಿಗೆ ಬಾಂಬ್‌ ಬೆದರಿಕೆ ಕರೆ ಬಂದಿದ್ದಂತೆ, ಗುರುವಾರ ಚೆನ್ನೈ ಶಾಲೆಗಳಿಗೆ ಇ-ಮೇಲ್‌ ಮೂಲಕ ಬಾಂಬ್‌ ಬೆದರಿಕೆ ಕರೆ ಬಂದಿದೆ. ಹೀಗಾಗಿ ಮುನ್ನೆಚ್ಚರಿಕೆ ಕ್ರಮವಾಗಿ ಅಲ್ಲಿನ ಶಾಲಾ ವಿದ್ಯಾರ್ಥಿಗಳನ್ನು ಹೆತ್ತವರೊಂದಿಗೆ ಮನೆಗಳಿಗೆ ಕಳಿಸಲಾಗಿದೆ. ಪೊಲೀಸರು ಈ ಬಗ್ಗೆ ತನಿಖೆ ನಡೆಸುತ್ತಿದ್ದಾರೆ. ಬಾಂಬ್‌ ಬೆದರಿಕೆಯೊಡ್ಡಿ ಇ-ಮೇಲ್‌ ಬಂದಿರುವ ಶಾಲೆಗಳಲ್ಲಿ ದಿ ಚೆನ್ನೈ ಪಬ್ಲಿಕ್‌ ಸ್ಕೂಲ್‌, ಸೇಂಟ್‌ ಮೇರೀಸ್‌ ಸ್ಕೂಲ್‌ ಮತ್ತು ಪೇರೀಸ್‌ ಸ್ಕೂಲ್‌ ಸೇರಿವೆ.

ಬಾಂಬ್‌ ಬೆದರಿಕೆ ಕರೆ ಬಂದ ಬೆನ್ನಲ್ಲೇ ಪೊಲೀಸರು ಬಾಂಬ್‌ ನಿಷ್ಕ್ರಿಯದಳವನ್ನು ಕರೆಸಿ ತಪಾಸಣೆ ನಡೆಸಿದ್ದಾರೆ. ಘಟನೆಯ ಬಳಿಕ ಸುತ್ತಮುತ್ತಲಿನ ಪ್ರದೇಶಗಳಲ್ಲಿ ಭಯದ ವಾತಾವರಣ ನಿರ್ಮಾಣವಾಗಿರುವುದರಿಂದ ಜನ ದಿಗಿಲಾಗಬೇಕಿಲ್ಲ, ನಾವು ಈ ಬಗ್ಗೆ ತನಿಖೆ ನಡೆಸುತ್ತಿದ್ದೇವೆ. ಬಾಂಬ್‌ ಬೆದರಿಕೆ ಕಳುಹಿಸಿದ ವ್ಯಕ್ತಿಯನ್ನು ಶೀಘ್ರವೇ ಪತ್ತೆಹಚ್ಚುತ್ತೇವೆ ಎಂದು ಪೊಲೀಸರು ಹೇಳಿದ್ದಾರೆ.