![Anna Movie: ಅನ್ನಂ ಪರಬ್ರಹ್ಮ ಸ್ವರೂಪಂ!](https://www.udayavani.com/wp-content/uploads/2024/09/17-3-415x249.jpg)
Cricket: ಕ್ಲೀನ್ಸ್ವೀಪ್ಗೆ ಬುಮ್ರಾ ಪಡೆ ತಯಾರಿ
ಇಂದು 3ನೇ ಟಿ20 ಭಾರತದಿಂದ ಮೀಸಲು ಸಾಮರ್ಥ್ಯ ಪ್ರಯೋಗ?
Team Udayavani, Aug 22, 2023, 11:01 PM IST
![india ire](https://www.udayavani.com/wp-content/uploads/2023/08/india-ire-620x372.jpg)
ಡಬ್ಲಿನ್: ಐರ್ಲೆಂಡ್ ವಿರುದ್ಧ ಈಗಾಗಲೇ ಟಿ20 ಸರಣಿ ವಶಪಡಿಸಿಕೊಂಡಿರುವ ಟೀಮ್ ಇಂಡಿಯಾ ಬುಧವಾರ ಡಬ್ಲಿನ್ನಲ್ಲಿ 3ನೇ ಹಾಗೂ ಅಂತಿಮ ಪಂದ್ಯವನ್ನು ಆಡಲಿದೆ. ಇಲ್ಲಿ ಬುಮ್ರಾ ಪಡೆಯ ಮುಖ್ಯ ಯೋಜನೆಯೆಂದರೆ ಸರಣಿಯನ್ನು ಕ್ಲೀನ್ಸ್ವೀಪ್ ಆಗಿ ವಶಪಡಿಸಿಕೊಳ್ಳುವುದು. ಹಾಗೆಯೇ ತಂಡದ ಮೀಸಲು ಸಾಮರ್ಥ್ಯವನ್ನು ಪರೀಕ್ಷಿಸುವುದು ಇನ್ನೊಂದು ಕಾರ್ಯತಂತ್ರವಾಗಿರುವ ಸಾಧ್ಯತೆ ಇದೆ.
ಸರಣಿಯಲ್ಲಿ ಈವರೆಗೆ ಆವೇಶ್ ಖಾನ್, ಜಿತೇಶ್ ಶರ್ಮ, ಶಾಬಾಜ್ ಅಹ್ಮದ್ ಮತ್ತು ಮುಕೇಶ್ ಶರ್ಮ ಆಡುವ ಅವಕಾಶ ಪಡೆದಿಲ್ಲ. ಉಸ್ತುವಾರಿ ಕೋಚ್ ಸಿತಾಂಶು ಕೋಠಕ್ ಕೂಡ ಮೀಸಲು ಆಟಗಾರರನ್ನು ಆಡಿಸುವ ಕುರಿತು ಯೋಚಿಸುತ್ತಿದ್ದಾರೆ. ಇವರಲ್ಲಿ ಆವೇಶ್ ಖಾನ್ ಕಳೆದ ವೆಸ್ಟ್ ಇಂಡೀಸ್ ಪ್ರವಾಸದ ವೇಳೆಯೂ ತಂಡದಲ್ಲಿದ್ದರು. ಆದರೆ ಇವರನ್ನು ಏಳೂ ಪಂದ್ಯಗಳಿಂದ ಹೊರಗಿಡಲಾಗಿತ್ತು. ಒಂದು ವೇಳೆ ಇಲ್ಲಿಯೂ ಅವರನ್ನು ಹೊರಗಿರಿಸಿದರೆ ಒಂದೂ ಪಂದ್ಯವಾಡದೆ ಏಷ್ಯನ್ ಗೇಮ್ಸ್ಗೆ ತೆರಳಬೇಕಾಗುತ್ತದೆ.
ಮುಕೇಶ್ ಕುಮಾರ್ ಈ ಸರಣಿ ಯಲ್ಲಿ ಆಡದೇ ಹೋದರೂ ವೆಸ್ಟ್ ಇಂಡೀಸ್ ವಿರುದ್ಧ ಸಾಕಷ್ಟು ಅವಕಾಶ ಪಡೆದಿದ್ದಾರೆ. ಹೀಗಾಗಿ ಇವರನ್ನು ಮತ್ತೆ ಹೊರಗಿರಿಸಿದರೆ ಆಕ್ಷೇಪ ಎದುರಾಗಲಿಕ್ಕಿಲ್ಲ.
ಭಾರತದ ಬ್ಯಾಟಿಂಗ್ ಸರದಿಯಲ್ಲಿ ಬದಲಾವಣೆ ಸಂಭವಿಸುವ ಸಾಧ್ಯತೆ ಗೋಚರಿಸುತ್ತಿಲ್ಲ. ಒಂದು ವೇಳೆ ಸಂಜು ಸ್ಯಾಮ್ಸನ್ಗೆ ವಿಶ್ರಾಂತಿ ನೀಡುವ ಯೋಚನೆಯೇನಾದರೂ ಇದ್ದರೆ ಆಗ ಜಿತೇಶ್ ಶರ್ಮ ಅವರಿಗೆ ಕೀಪಿಂಗ್ ಜವಾಬ್ದಾರಿ ಲಭಿಸಬಹುದು. ಆದರೆ ಸಂಜು ದ್ವಿತೀಯ ಪಂದ್ಯದಲ್ಲಿ ತಮ್ಮ ಸಹಜ ಶೈಲಿಯ ಬ್ಯಾಟಿಂಗ್ ಪ್ರದರ್ಶಿ ಸಿದ್ದು, ಈ ಲಯದಲ್ಲಿ ಸಾಗುವುದು ಅವರ ಹಾಗೂ ತಂಡದ ದೃಷ್ಟಿಯಿಂದ ಹೆಚ್ಚು ಮಹತ್ವದ್ದೆನಿಸಲಿದೆ. ರವಿವಾರದ ಮುಖಾಮುಖೀಯಲ್ಲಿ ಸಂಜು 26 ಎಸೆತಗಳಿಂದ 40 ರನ್ ಬಾರಿಸಿದ್ದರು. ಮುಂಬರುವ ಏಷ್ಯಾ ಕಪ್ ಪಂದ್ಯಾ ವಳಿಗೆ ಇವರು ಮೀಸಲು ಆಟಗಾರ ರಾಗಿದ್ದಾರೆ. ಅನಂತರದ ವಿಶ್ವಕಪ್ ಕೂಟದ ನೆಚ್ಚಿನ ಆಟಗಾರನೂ ಹೌದು.
ಎಡಗೈ ಬ್ಯಾಟರ್ ತಿಲಕ್ ವರ್ಮ ಕೆರಿಬಿಯನ್ ದ್ವೀಪದಲ್ಲಿ ಕ್ಲಿಕ್ ಆದರೂ ಐರ್ಲೆಂಡ್ಗೆ ಬಂದೊಡನೆ ರನ್ ಬರಗಾಲ ಅನುಭವಿಸಿದ್ದಾರೆ. ಹೀಗಾಗಿ ಇವರ ಬ್ಯಾಟಿಗೆ ಮಾತಾಡಲು ಮತ್ತೂಂದು ಅವಕಾಶ ಸಿಗುವುದರಲ್ಲಿ ಅನುಮಾನವಿಲ್ಲ.
ಪ್ರಸಕ್ತ ಸರಣಿಯಲ್ಲಿ ಅಂತಾ ರಾಷ್ಟ್ರೀಯ ಕ್ರಿಕೆಟಿಗೆ ಪದಾರ್ಪಣೆಗೈದ ಐಪಿಎಲ್ “ಸಿಕ್ಸರ್ ಹೀರೋ’ ರಿಂಕು ಸಿಂಗ್ ದ್ವಿತೀಯ ಪಂದ್ಯದಲ್ಲಿ ಮೊದಲ ಸಲ ಕ್ರೀಸ್ ಇಳಿದು 21 ಎಸೆತಗಳಿಂದ 38 ರನ್ ಸಿಡಿಸಿದ್ದನ್ನು ಮರೆಯುವಂತಿಲ್ಲ. 2 ಬೌಂಡರಿ, 3 ಸಿಕ್ಸರ್ ಬಾರಿಸಿ ಜೋಶ್ ತೋರಿದ್ದರು.
ಕಳೆದ ಕೆಲವೇ ದಿನಗಳ ಅವಧಿ ಯಲ್ಲಿ ಅವಳಿ ಟಿ20 ತಂಡಗಳನ್ನು ಅಂತಾರಾಷ್ಟ್ರೀಯ ಕದನಕ್ಕೆ ಇಳಿಸಿದ ಭಾರತದಲ್ಲೀಗ ಪ್ರತಿಭೆಗಳ ಮಹಾ ಪೂರವೇ ಇದೆ. ಎಲ್ಲರೂ ಅವಕಾಶವನ್ನು ಬಾಚಿಕೊಂಡರೆ ಮುಂದಿನ ವರ್ಷದ ಟಿ20 ವಿಶ್ವಕಪ್ ಪಂದ್ಯಾವಳಿಗೆ ತಂಡದ ಆಯ್ಕೆ ಜಟಿಲಗೊಳ್ಳಲಿದೆ ಎಂಬ ಸ್ಥಿತಿಯೂ ನಿರ್ಮಾಣವಾಗಬಹುದು.
ಖಾತೆ ತೆರೆದೀತೇ ಐರ್ಲೆಂಡ್?
ಆತಿಥೇಯ ಐರ್ಲೆಂಡ್ಗೆ ಇದೊಂದು ಪ್ರತಿಷ್ಠೆಯ ಪಂದ್ಯ. ಐರಿಷ್ ಪಡೆ ಭಾರತದ ವಿರುದ್ಧ ಗೆಲುವಿನ ಖಾತೆ ತೆರೆಯಲು ಪರದಾಡುತ್ತಿದೆ. ಆಡಿದ ಏಳೂ ಪಂದ್ಯಗಳಲ್ಲಿ ಸೋತಿದೆ. ಬುಧವಾರ ಗೆದ್ದರೆ ಇತಿಹಾಸ ನಿರ್ಮಾಣಗೊಳ್ಳುವುದು ಖಚಿತ. ಇದಕ್ಕಾಗಿ ಪಾಲ್ ಸ್ಟರ್ಲಿಂಗ್ ಪಡೆ ಗರಿಷ್ಠ ಪ್ರಯತ್ನ ಮಾಡುವುದರಲ್ಲಿ ಅನುಮಾನವಿಲ್ಲ.
ವನಿತೆಯರಿಗೆ ಗೆಲುವು
ವನಿತೆಯರ ಹಾಕಿ ಪಂದ್ಯಾವಳಿಯಲ್ಲಿ ಭಾರತ ತಂಡ ಸ್ಪೇನ್ ವಿರುದ್ಧ 2-1 ಗೋಲುಗಳ ಜಯ ಸಾಧಿಸಿತು. ಅನ್ನು (21ನೇ ನಿಮಿಷ) ಮತ್ತು ಸಾಕ್ಷಿ ರಾಣಾ (47ನೇ ನಿಮಿಷ) ಗೋಲು ಹೊಡೆದರು.
ಟಾಪ್ ನ್ಯೂಸ್
![Anna Movie: ಅನ್ನಂ ಪರಬ್ರಹ್ಮ ಸ್ವರೂಪಂ!](https://www.udayavani.com/wp-content/uploads/2024/09/17-3-415x249.jpg)
![](https://www.udayavani.com/wp-content/uploads/2024/03/IndianClicks_GVega_300x250_03212024_1_3.gif)
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
![Diamond League: ಡೈಮಂಡ್ ಲೀಗ್ ಋತು ಫೈನಲಿಗೆ ನೀರಜ್ ಚೋಪ್ರಾ ಅರ್ಹತೆ](https://www.udayavani.com/wp-content/uploads/2024/09/NEERAJ-CHOPRA-150x83.jpg)
Diamond League: ಡೈಮಂಡ್ ಲೀಗ್ ಋತು ಫೈನಲಿಗೆ ನೀರಜ್ ಚೋಪ್ರಾ ಅರ್ಹತೆ
![Paralympics closing ceremony: ಸಮಾರೋಪ ಸಮಾರಂಭದಲ್ಲಿ ಹರ್ವಿಂದರ್, ಪ್ರೀತಿ ಧ್ವಜಧಾರಿಗಳು](https://www.udayavani.com/wp-content/uploads/2024/09/paralampics-150x84.jpg)
Paralympics: ಸಮಾರೋಪ ಸಮಾರಂಭದಲ್ಲಿ ಹರ್ವಿಂದರ್ ಸಿಂಗ್, ಪ್ರೀತಿ ಪಾಲ್ ಧ್ವಜಧಾರಿಗಳು
![US Open: ಯುಎಸ್ ಓಪನ್ ಟೆನಿಸ್ ಗ್ರ್ಯಾನ್ ಸ್ಲಾಮ್: ಪೆಗುಲಾ-ಸಬಲೆಂಕಾ ನಡುವೆ ಫೈನಲ್](https://www.udayavani.com/wp-content/uploads/2024/09/us-open-150x88.jpg)
US Open: ಯುಎಸ್ ಓಪನ್ ಟೆನಿಸ್ ಗ್ರ್ಯಾನ್ ಸ್ಲಾಮ್: ಪೆಗುಲಾ-ಸಬಲೆಂಕಾ ನಡುವೆ ಫೈನಲ್
![Paris Paralympics; Another gold for India; Praveen Kumar won gold in high jump](https://www.udayavani.com/wp-content/uploads/2024/09/prav-150x83.jpg)
Paralympics; ಭಾರತಕ್ಕೆ ಮತ್ತೊಂದು ಬಂಗಾರ; ಹೈಜಂಪ್ ನಲ್ಲಿ ಚಿನ್ನ ಗೆದ್ದ ಪ್ರವೀಣ್ ಕುಮಾರ್
![Vikram Rathore; Former coach of Team India joined New Zealand team](https://www.udayavani.com/wp-content/uploads/2024/09/vikram-150x83.jpg)
Vikram Rathour; ನ್ಯೂಜಿಲ್ಯಾಂಡ್ ತಂಡ ಸೇರಿದ ಟೀಂ ಇಂಡಿಯಾ ಮಾಜಿ ಕೋಚ್
MUST WATCH
ಹೊಸ ಸೇರ್ಪಡೆ
Thanks for visiting Udayavani
You seem to have an Ad Blocker on.
To continue reading, please turn it off or whitelist Udayavani.