ಜಡ್ಕಲ್‌: ಬಾಯ್ದೆರೆದೇ ಇದೆ ಒ.ಎಫ್‌.ಸಿ. ಕೇಬಲ್‌ ಗುಂಡಿ

Team Udayavani, Apr 3, 2021, 2:15 AM IST

ಕೊಲ್ಲೂರು: ಜಡ್ಕಲ್‌ ಗ್ರಾ.ಪಂ. ವ್ಯಾಪ್ತಿಯ ಮುದೂರಿಗೆ ಸಾಗುವ ಮುಖ್ಯ ರಸ್ತೆಯ ಪಾರ್ಶ್ವದಲ್ಲಿ ಒ.ಎಫ್‌.ಸಿ. ಕೇಬಲ್‌ ಲೈನ್‌ ಎಳೆಯಲು ಖಾಸಗಿ ಸಂಸ್ಥೆಯೊಂದು ಗುಂಡಿ ತೋಡಿ ಮೂರು ತಿಂಗಳು ಕಳೆದರೂ ಅದನ್ನು ಇನ್ನೂ ಮುಚ್ಚದಿರುವುದರಿಂದ ಘನ ಹಾಗೂ ಲಘು ವಾಹನಗಳ ಸಂಚಾರಕ್ಕೆ ಅಪಾಯಕಾರಿಯಾಗಿ ಮಾರ್ಪಟ್ಟಿದೆ.

ಸಂಬಂಧಪಟ್ಟ ಖಾಸಗಿ ಕಂಪೆನಿಯ ಎಂಜಿನಿಯರ್‌ ಹೊಂಡ ಮುಚ್ಚುವ ಆಶ್ವಾಸನೆ ಮಾತ್ರ ನೀಡಿದ್ದು, ಈ ವರೆಗೆ ಯಾವುದೇ ಕ್ರಮ ಕೈಗೊಂಡಿಲ್ಲ.ಮುಂಬರುವ ಮಳೆಗಾಲದೊಳಗೆ ಕ್ರಮ ಕೈಗೊಳ್ಳದಿದ್ದಲ್ಲಿ ಹೊಂಡಕ್ಕೆ ವಾಹನಗಳು ಬಿದ್ದು ಭಾರೀ ಅಪಘಾತ ಸಂಭವಿಸುವ ಸಾಧ್ಯತೆ ಇದೆ.

ರಸ್ತೆ ಸರಿಪಡಿಸುವ ವರೆಗೂ ಪರ್ಯಾಯ ವ್ಯವಸ್ಥೆ ಕಲ್ಪಿಸದಿದ್ದಲ್ಲಿ ಪ್ರತಿಭಟನೆ ನಡೆಸ ಬೇಕಾದೀತು ಎಂದು ಜಡ್ಕಲ್‌ ಗ್ರಾ.ಪಂ. ಸದಸ್ಯ ನಾರಾಯಣ ಶೆಟ್ಟಿ ಸಾರ್ವಜನಿಕರ ಪರವಾಗಿ ಎಚ್ಚರಿಕೆ ನೀಡಿದ್ದಾರೆ.