Calicut International Airport: ಚಿನ್ನ ಸಾಗಾಟ ಪತ್ತೆ

Team Udayavani, Nov 20, 2023, 11:30 PM IST

ಕಾಸರಗೋಡು: ಕಲ್ಲಿಕೋಟೆ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಕಸ್ಟಂಸ್‌ ತಂಡ ನಡೆಸಿದ ಕಾರ್ಯಾಚರಣೆಯಲ್ಲಿ 853 ಗ್ರಾಂ ಚಿನ್ನವನ್ನು ವಶಪಡಿಸಿಕೊಂಡಿದ್ದು, ಈ ಸಂಬಂಧ ಕಾಸರಗೋಡು ನಿವಾಸಿ ನಿಜಾಮುದ್ದೀನ್‌(32)ನನ್ನು ವಶಕ್ಕೆ ತೆಗೆದುಕೊಂಡು ವಿಚಾರಣೆ ನಡೆಸಲಾಗುತ್ತಿದೆ.

ಆತ ಬ್ಯಾಗ್‌ನಲ್ಲಿ ಫರ್ಫ್ಯೂಮ್‌ ಬಾಟಲಿಯೊಳಗೆ ಚಿನ್ನದ ಪುಡಿ ಬಚ್ಚಿಟ್ಟು ಸಾಗಿಸುತ್ತಿದ್ದ.

ಬಲೆ ಕಾಲಿಗೆ ಸಿಲುಕಿ ಮೀನುಗಾರ ಸಾವು
ಕಾಸರಗೋಡು: ಮೀನುಗಾರಿಕೆ ನಡೆಸುತ್ತಿದ್ದಾಗ ಬಲೆ ಕಾಲಿಗೆ ಸಿಲುಕಿ ಬೆಸ್ತ ಕಾವುಗೋಳಿ ಕಡಪ್ಪುರ ಶಿವಕೃಪಾ ನಿಲಯದ ಉಪೇಂದ್ರನ್‌ ಎಸ್‌.ಕೆ. (57) ಸಾವಿಗೀಡಾದರು.

ನ. 20ರಂದು ಬೆಳಗ್ಗೆ 6.30 ಕ್ಕೆ ಕಾವುಗೋಳಿ ಕಡಲ ಕಿನಾರೆಯಲ್ಲಿ ಬಲೆ ಬೀಸಿ ಮೀನುಗಾರಿಕೆ ನಡೆಸುತ್ತಿದ್ದಾಗ ಬಲೆ ಅವರ ಕಾಲಿಗೆ ಸಿಲುಕಿಕೊಂಡಿದ್ದು, ಆಗ ಅವರ ಮೇಲೆ ಅಪ್ಪಳಿಸಿದ ಅಲೆಯಿಂದಾಗಿ ನೀರಿನಲ್ಲಿ ಮುಳುಗಿದ್ದಾರೆ.