Road Mishap: ಅಸ್ಸಾಂನಲ್ಲಿ ಭೀಕರ ಅಪಘಾತ: ಕಾರಿನಲ್ಲಿದ್ದ ಒಂದೇ ಕುಟುಂಬದ ಏಳು ಮಂದಿ ಮೃತ್ಯು

Team Udayavani, Sep 11, 2023, 9:49 AM IST

ಅಸ್ಸಾಂ: ಕಾರು ಟ್ರಕ್ ನಡುವೆ ಸಂಭವಿಸಿದ ಭೀಕರ ರಸ್ತೆ ಅಪಘಾತದಲ್ಲಿ ಒಂದೇ ಕುಟುಂಬದ ಏಳು ಮಂದಿ ಮೃತಪಟ್ಟಿರುವ ಘಟನೆ ಅಸ್ಸಾಂನ ದಿಬ್ರುಗಢದಲ್ಲಿ ಭಾನುವಾರ ರಾತ್ರಿ ಸಂಭವಿಸಿದೆ.

ಮೃತರನ್ನು ಸತೀಶ್ ಕುಮಾರ್ ಅಗರ್ವಾಲ್ (45), ಪಾಂಪೆ ಅಗರ್ವಾಲ್ (42), ಕೃಷ್ಣ ಕುಮಾರ್ ಅಗರ್ವಾಲ್ (25), ನಿರ್ಮಲ್ ಕುಮಾರ್ ಅಗರ್ವಾಲ್ (70), ಪುಷ್ಪಾ ಸುರೇಖಾ ಅಗರ್ವಾಲ್ (65), ನಮಲ್ ಅಗರ್ವಾಲ್ ಮತ್ತು ಗೋಲೋ ಅಗರ್ವಾಲ್ ಎಂದು ಗುರುತಿಸಲಾಗಿದೆ.

ಪ್ರಯಾಣಿಕರನ್ನು ಹೊತ್ತ ಟೊಯೊಟಾ ಇನ್ನೋವಾಕಾರು ಲೆಪ್ಟಕಟ್ಟಾ ಪ್ರದೇಶ ತಲುಪುವಾಗ ಹರಿಯಾಣ ನಂಬರ್ ಪ್ಲೇಟ್ ಹೊಂದಿದ್ದ ಟ್ರಕ್ ಮುಖಾಮುಖಿ ಡಿಕ್ಕಿ ಹೊಡೆದಿದೆ. ಈ ಭೀಕರ ಘಟನೆಯಲ್ಲಿ ಕುಟುಂಬದ ಏಳು ಮಂದಿ ಸ್ಥಳದಲ್ಲೇ ಸಾವನ್ನಪ್ಪಿದ್ದಾರೆ. ಇತರರು ಗಾಯಗೊಂಡಿದ್ದಾರೆ.

ಪೊಲೀಸರು ಹಂಚಿಕೊಂಡ ಚಿತ್ರಗಳಲ್ಲಿ ಟ್ರಕ್‌ನ ಮುಂಭಾಗ ಸಂಪೂರ್ಣ ಜಖಂಗೊಂಡಿದ್ದು ಮತ್ತೊಂದು ಕಡೆ ಇನ್ನೋವಾ ಕಾರು ನುಜ್ಜುಗುಜ್ಜಾಗಿರುವುದನ್ನು ಕಾಣಬಹುದು.

ಗಾಯಾಳುಗಳನ್ನು ದಿಬ್ರುಗಢ್‌ನಲ್ಲಿರುವ ಅಸ್ಸಾಂ ವೈದ್ಯಕೀಯ ಕಾಲೇಜು ಆಸ್ಪತ್ರೆಗೆ ರವಾನಿಸಲಾಗಿದೆ. ಸದ್ಯ ಅವರು ಅಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ ಎಂದು ಪೊಲೀಸರು ಮಾಹಿತಿ ನೀಡಿದ್ದಾರೆ.

ಇದನ್ನೂ ಓದಿ: Chitradurga: ಲಾರಿ-ಬಸ್‌ ಡಿಕ್ಕಿ; 5 ವರ್ಷದ ಬಾಲಕ ಸೇರಿ 5 ಮಂದಿ ಮೃತ್ಯು

In a major road accident on NH37 at Lepetkata, Dibrugarh between Innova and Truck, 2 persons including a driver lost their lives while 6 others https://t.co/u6HpFwYFXD per sources, 7 persons brought to Srimanta Sankardeva hospital at Dibrugarh out of which one died. pic.twitter.com/KvT2lbjeqQ

— ᴀᴅᴠ.Payal Agarwal (@a43195_payal) September 10, 2023