China Open Badminton: ಪ್ರಣಯ್, ಸೇನ್ಗೆ ಮೊದಲ ಸುತ್ತಿನ ಆಘಾತ
Team Udayavani, Sep 5, 2023, 11:21 PM IST
ಚಾಂಗ್ಜೂ (ಚೀನ): ಚೀನ ಓಪನ್ ಸೂಪರ್-1000 ಬ್ಯಾಡ್ಮಿಂಟನ್ ಪಂದ್ಯಾವಳಿಯಲ್ಲಿ ಭಾರತ ಆಘಾತಕಾರಿ ಆರಂಭ ಪಡೆದಿದೆ. ನೆಚ್ಚಿನ ಆಟಗಾರರಾದ ಎಚ್.ಎಸ್. ಪ್ರಣಯ್ ಮತ್ತು ಲಕ್ಷ್ಯ ಸೇನ್ ಮೊದಲ ಸುತ್ತಿನಲ್ಲೇ ಸೋಲನುಭವಿಸಿದ್ದಾರೆ. ಪ್ರಿಯಾಂಶು ರಾಜಾವತ್, ತ್ರಿಸಾ ಜಾಲಿ-ಗಾಯತ್ರಿ ಗೋಪಿಚಂದ್ ಅವರಿಗೂ ಸೋಲೇ ಸಂಗಾತಿಯಾಯಿತು.
ಮೊನ್ನೆಯಷ್ಟೇ ವಿಶ್ವ ಚಾಂಪಿ ಯನ್ಶಿಪ್ನಲ್ಲಿ ಕಂಚಿನ ಪದಕ ಗೆದ್ದ ಸಂಭ್ರಮದಲ್ಲಿದ್ದ ಎಚ್.ಎಸ್. ಪ್ರಣಯ್ ಅವರನ್ನು ಮಲೇಷ್ಯಾದ 22ನೇ ರ್ಯಾಂಕಿಂಗ್ ಆಟಗಾರ ಎನ್ಜಿ ಝೆ ಯಾಂಗ್ 21-12, 13-21, 21-18 ಅಂತರದಿಂದ ಸೋಲಿಸಿದರು. ನಿರ್ಣಾಯಕ ಗೇಮ್ನ ಕೊನೆಯ 6 ನಿಮಿಷಗಳಲ್ಲಿ ಪ್ರಣಯ್ ದಿಟ್ಟ ಪ್ರತಿರೋಧ ತೋರಿದರೂ ಪ್ರಯೋಜನವಾಗಲಿಲ್ಲ.
ಹಾಲಿ ಕಾಮನ್ವೆಲ್ತ್ ಗೇಮ್ಸ್ ಚಾಂಪಿ ಯನ್ ಲಕ್ಷ್ಯ ಸೇನ್ ಅವರನ್ನು ಡೆನ್ಮಾರ್ಕ್ನ ಆ್ಯಂಡರ್ ಆ್ಯಂಟನ್ಸೆನ್ 23-21, 16-21, 21-9 ಅಂತರದಿಂದ ಪರಾಭವ ಗೊಳಿಸಿದರು. ಈ ಪಂದ್ಯ ಕೂಡ ತೀವ್ರ ಪೈಪೋಟಿಯಿಂದ ಕೂಡಿತ್ತು.
ಪ್ರಿಯಾಂಶು ರಾಜಾವತ್ ಇಂಡೋನೇಷ್ಯಾದ ಶೆಶರ್ ಹಿರೆನ್ ರುಸ್ತಾವಿಟೊ ವಿರುದ್ಧ 13-21, 24-26 ಅಂತರದ ಸೋಲನುಭವಿಸಿ ದರು. ಇದರೊಂದಿಗೆ ಪುರುಷರ ಸಿಂಗಲ್ಸ್ನಲ್ಲಿ ಭಾರತದ ಸವಾಲು ಮೊದಲ ದಿನವೇ ಅಂತ್ಯಗೊಂಡಿತು.
ವನಿತಾ ಡಬಲ್ಸ್ನಲ್ಲಿ ತ್ರಿಸಾ ಜಾಲಿ-ಗಾಯತ್ರಿ ಗೋಪಿಚಂದ್ ಆತಿಥೇಯ ನಾಡಿನ ಅಗ್ರ ಶ್ರೇಯಾಂಕದ ಚೆನ್ ಕ್ವಿಂಗ್ ಚೆನ್-ಜಿಯಾ ಯಿ ಫಾನ್ ಜೋಡಿಗೆ ಸಾಟಿಯಾಗಲಿಲ್ಲ. ಭಾರತದ ಜೋಡಿ 18-21, 11-21 ಅಂತರದ ಸೋಲಿಗೆ ಸಿಲುಕಿತು.
ಏಷ್ಯನ್ ಗೇಮ್ಸ್ ತಯಾರಿಗಾಗಿ ಪಿ.ವಿ. ಸಿಂಧು ಕೊನೆಯ ಕ್ಷಣದಲ್ಲಿ ಹಿಂದೆ ಸರಿದ ಕಾರಣ ಈ ಕೂಟದಲ್ಲಿ ವನಿತಾ ಸಿಂಗಲ್ಸ್ ವಿಭಾಗದಲ್ಲಿ ಭಾರತದ ಯಾವುದೇ ಸ್ಪರ್ಧಿಗಳಿಲ್ಲ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
Kaljigaದಲ್ಲಿ ದೈವದ ಅಪಪ್ರಚಾರ ನಡೆದಿಲ್ಲ, ಸಿನಿಮಾ ನೋಡಿದ ಬಳಿಕ ಈ ಬಗ್ಗೆ ಪ್ರತಿಕ್ರಿಯಿಸಿ
ನವಜಾತ ಶಿಶುಗಳಲ್ಲಿ ಶ್ರವಣ ಶಕ್ತಿ ಸಮಸ್ಯೆ ಕುರಿತು ಸಂಪೂರ್ಣ ಮಾಹಿತಿ
ಅಂತರಾಷ್ಟ್ರೀಯ ಪ್ರಜಾಪ್ರಭುತ್ವ ದಿನಾಚರಣೆ ಅಂಗವಾಗಿ ತಾಲೂಕು ಮಟ್ಟದ ಮಾನವ ಸರಪಳಿ ಕಾರ್ಯಕ್ರಮ
ಈಟ್ ರಾಜಾ ಶಾಪ್ ನಲ್ಲಿ ಜ್ಯೂಸ್ ಕುಡಿಯೋದಷ್ಟೇ ಅಲ್ಲ ತಿನ್ನಲೂ ಬಹುದು
ಅಯ್ಯೋ…ಸಂತೆಕಟ್ಟೆ ಅಂಡರ್ ಪಾಸ್ ಪ್ರಯಾಣ ನಿತ್ಯ ನರಕ!
ಹೊಸ ಸೇರ್ಪಡೆ
Thanks for visiting Udayavani
You seem to have an Ad Blocker on.
To continue reading, please turn it off or whitelist Udayavani.